လူမည်း ၁ ဦး

A d v e r t i s e m e n t With Us

May 30, 2020

အမေရိကန်တွင် လူမည်း ၁ ဦး သေဆုံးမှုကြောင့် ဆန္ဒပြသူများ ရဲစခန်းကို မီးရှို့

အမေရိကန်နိုင်ငံ မီနီယာပိုလစ်မြို့မှာ ရဲဖမ်းဆီးမှုအတွင်း လူမည်းအမျိုးသားတယောက် သေဆုံးတာကို မကျေနပ်တဲ့ ဆန္ဒပြသူတွေက မေလ ၂၈ ရက်မှာ ရဲစခန်းတခုကို မီးရှို့ ဖျက်ဆီးခဲ့ပါတယ်။  မူလတုန်းက ငြိမ်းချမ်းစွာ ဆန္ဒပြရာကနေ ၃ ရက်မြောက်နေ့မှာတော့ မီးရှို့တာ၊ လုယက်တာနဲ့  ပြည်သူပိုင်ပစ္စည်း ဖျက်ဆီးတာတွေ လုပ်လာခဲ့ပါတယ်။   မင်နီဆိုးတားပြည်နယ် အုပ်ချုပ်ရေးမှူးက တရားဥပဒေစိုးမိုးရေးအတွက် အမျိုးသားအစောင့်တပ်ကို ပြင်ဆင်ဖို့  ညွှန်ကြားထားပေမယ့် မငြိမ်သက်မှုက အတားအဆီးမဲ့ ဖြစ်နေပါတယ်။  ဒီဆန္ဒပြပွဲမှာ လူ ၇ ယောက် သေနတ်ပစ်ခံရပြီး တယောက်ထက်မနည်း အခြေအနေ စိုးရိမ်ရတယ်လို့ ရဲတပ်ဖွဲ့က မေ ၂၉ ရက်မှာ ပြောပါတယ်။ လူမည်းအမျိုးသား သေဆုံးတာနဲ့ပတ်သက်ပြီး မင်နီယာပိုလစ်မြို့မှာ ဆန္ဒပြပွဲတွေ မြင့်တက်နေချိန် လူဝီဗေးလ်မြို့မှာ သေနတ်ပစ်ခတ်မှု ဖြစ်ခဲ့တယ်လို့ ရိုက်တာသတင်းက ဖော်ပြပါတယ်။   အလားတူ ကင်တပ်ကီပြည်နယ် လူဝီဗေးလ်မြို့မှာလည်း မတ်လတုန်းက နေအိမ် တိုက်ခန်းအတွင်း လူမည်းအမျိုးသမီးတယောက် ပစ်သတ်ခံရတာကို မကျေနပ်တဲ့ ဆန္ဒပြပွဲ ပေါ်ပေါက်ခဲ့ပါတယ်။  
9 months Ago

May 27, 2020

မင်နီဆိုးတားပြည်နယ်၌ လူမည်း ၁ ဦးကို ဖမ်းဆီးစဉ် သေဆုံးမှုဖြင့် ရဲတပ်ဖွဲ့ဝင် ၄ ဦး ထုတ်ပယ်ခံရ

အမေရိကန်ပြည်ထောင်စု၊ မင်နီဆိုးတားပြည်နယ်မှာ ရဲတပ်ဖွဲ့ဖမ်းဆီးမှုအတွင်း လက်နက်မဲ့ လူမည်းတစ်ယောက် သေဆုံးခဲ့ပြီးနောက် မေ ၂၆ ရက်က ရဲတပ်ဖွဲ့ဝင် ၄ ယောက်ကို ရာထူးကနေ ထုတ်ပယ်ခဲ့ပါတယ်။ ဘေးကရပ်ကြည့်သူတယောက် ဖုန်းနဲ့ ရိုက်ထားတဲ့ ဗွီဒီယိုထဲမှာ လူမည်းရဲ့ လည်မျိုကို ရဲတပ်ဖွဲ့ဝင်တယောက်က ဒူးနဲ့ ဖိထားခဲ့ပြီးနောက် အဲဒီလူမည်းဟာ ဆေးရုံမှာ သေဆုံးသွားခဲ့ပါတယ်။ အဲဒီနောက် မြို့တော်ဝန် ဂျက်ကော့ဖရေးက ဖမ်းဆီးမှုမှာ ပါဝင်ခဲ့တဲ့ ရဲတပ်ဖွဲ့ဝင် ၄ ယောက်ကို  ရာထူးက ထုတ်ပယ်ခဲ့တယ်လို့ တွစ်တာမှာ ကြေညာခဲ့ပါတယ်။ လူမည်း သေဆုံးရတဲ့အကြောင်းရင်းကို အက်ဖ်ဘီအိုင်က စုံစမ်းစစ်ဆေးနေတယ်လို့  မီနီယာပိုလစ် ရဲတပ်ဖွဲ့က သတင်းထုတ်ပြန်ခဲ့ပါတယ်။  မကြာသေးခင်နှစ်တွေက ရဲတွေပါဝင်တဲ့ လူမည်းတွေကို ပစ်ခတ်မှု၊ သတ်ဖြတ်မှုတွေ ဆက်တိုက်ဖြစ်ခဲ့ပြီးနောက် အမေရိကန်နိုင်ငံတဝန်းမှာ ဆန္ဒပြပွဲကြီးတွေ ပေါ်ပေါက်ခဲ့ပြီး “လူမည်းတွေရဲ့ အသက်တွေလည်း  အရေးကြီးတယ်” ဆိုတဲ့ လှုပ်ရှားမှု  ပေါ်ပေါက်ခဲ့ပါတယ်။    အဲဒီလှုပ်ရှားမှုက လူနည်းစုအသိုက်အဝန်းတွေမှာ မတရားသဖြင့် လူသေစေနိုင်တဲ့ အင်အားအသုံးပြုမှုကို အဆုံးသတ်ဖို့ တောင်းဆိုတာ ဖြစ်တယ်လို့ ရိုက်တာသတင်းက  ရေးပါတယ်။ 
9 months Ago
Up