လူမည်းနှစ်ဦး

April 16, 2018

လူမည်း ၂ ဦးအား ဖမ်းဆီးခဲ့မှု Starbucks ကော်ဖီဆိုင်ကို ဆန္ဒပြ

အမေရိကန်နိ်ုင်ငံ ပင်ဆယ်ဗေးနီးယားပြည်နယ်၊ ဖီလာဒဲလ်ဖီးယားမြို့က လူမည်းနှစ်ဦးကို ဖမ်းဆီးခဲ့တဲ့ စတား ဘက်ခ် (Starbucks) ကော်ဖီဆိုင်မှာ ဧပြီ ၁၅ ရက်နေ့က ဆန္ဒပြမှုဖြစ်ပွားခဲ့ပါတယ်။ ဆန္ဒပြသူတွေက ဆိုင်မန်နေဂျာကို အလုပ်ထုတ်ဖို့ ဆန္ဒပြတောင်းဆိုခဲ့ကြတာပါ။ လူမည်း ၂ နှစ်ဦးဟာ ပြီးခဲ့တဲ့ သီတင်းပတ်က ကော်ဖီဆိုင်မှာ ပိုက်နက်ကျူးလွန်မှုနဲ့ ဖမ်းဆီးခံခဲ့ရတာဖြစ်ပါတယ်။ အဖမ်းခံရသူ ၂ ဦးက အစားအသောက် မမှာခင် သူငယ်ချင်းတစ်ယောက်ကို စောင့်နေခဲ့ တာလို့ ပြောပါတယ်။ လူမည်း ၂ ဦးကို ဖမ်းဆီးခံခဲ့ရပြီးနောက် လူမျိုးရေးခွဲခြားတယ်ဆိုတဲ့ စွပ်စွဲချက်တွေ ထွက်ပေါ်လာခဲ့ပါတယ်။ Starbucks ကုမ္ပဏီ အမှုဆောင်အရာ ရှိချုပ် ကီဗင် ဂျွန်ဆင်က အခုလိုဖမ်းဆီးခံမှုအတွက် ဧပြီ ၁၄ ရက်နေ့က တောင်းပန်ခဲ့ပြီး ဖြစ်ရပ်မှန်ကို စုံစမ်းစစ်ဆေးသွားမယ်လို့ ကတိပြုခဲ့ပါတယ်။ ဖီလာဒဲလ်ဖီးယားရဲ ဌာနကတော့ ဆိုင်ဝန်ထမ်းတွေက ပိုက်နက်ကျူးလွန်တယ်လို့ အကြောင်းကြားတဲ့အတွက် ဖမ်းဆီးခဲ့တာဖြစ်တယ်လို့ ဖြေရှင်းချက်ပေးခဲ့ကြောင်း ရိုက်တာသတင်းမှာ ဖော်ပြထားပါတယ်။
3 years Ago
Up