လူမင်း

A d v e r t i s e m e n t With Us

January 4, 2019

ဗိုလ်ချုပ်ရုပ်ရှင် နိုင်ငံတကာအဆင့် မီစေရမည်ဟု ဒါရိုက်တာ ဦးလူမင်း အာမခံ

ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင် ရိုက်ကူးဖို့ အကောင်းဆုံး အကူအညီ အထောက်အပံ့တွေ ရရှိထားပြီဖြစ်လို့ ဒီရုပ်ရှင်ဟာ နိုင်ငံတကာအဆင့်မီ ရုပ်ရှင်ဖြစ်ဖို့ အာမခံတယ်လို့ ဒါရိုက်တာအဖြစ် တာဝန်ယူထားတဲ့ ဦးလူမင်းက ပြောပါတယ်။ ဇန်နဝါရီ ၄ ရက်မနက်က ရန်ကုန်မှာပြုလုပ်တဲ့ အောင်ဆန်းရုပ်ရှင် တရားဝင် လူမှုကွန်ရက် စာမျက်နှာ မိတ်ဆက်ပွဲ အခမ်းအနားမှာ ဒါရိုက်တာ ဦးလူမင်းက ပြောကြားခဲ့တာပါ။ “ကျနော့်အနေနဲ့လည်း ဒီရုပ်ရှင်ကြီးကို အောင်အောင်မြင်မြင်နဲ့ အကောင်းဆုံးဖြစ်အောင် မြန်မာနိုင်ငံက အနုပညာရှင်တွေ၊ အတတ်ပညာရှင်တွေ၊ ဝန်ကြီးဌာနတွေ အားလုံးပေါင်းပြီးတော့ နိုင်ငံတကာအဆင့်မီ ရိုက်ကူးထုတ်လုပ်ပြီး ဒီရုပ်ရှင်ကြီးကို ပြည်သူလူထုဆီ ချပြနိုင်လိမ့်မယ်လို့ ကျနော် လုံးဝယုံကြည်ပါတယ်။ ဒီလောက်ကောင်းမွန်တဲ့ အထောက်အပံ့မျိုး ဘယ်တုန်းကမှ မရခဲ့ပါဘူး။ ဒီလောက် အထောက်အပံ့ အကူအညီတွေ ရပြီးတော့မှ နိုင်ငံတကာ အဆင့်မမီရင် ကျနော်တို့ ညံ့ရာရောက်ပါတယ်။” လက်ရှိမှာတော့ ဒီအတ္ထုပ္ပတ္တိရုပ်ရှင် ဇာတ်ညွန်းအပိုင်း ၁၁၆ ပိုင်း ရေးသားပြီးစီးသွားပြီး သမိုင်းပညာရှင်တွေထံ အတည်ပြုပေးဖို့ အပ်နှံထားတယ်လို့ ဦးလူမင်းက ပြောပါတယ်။ ဗိုလ်ချုပ်အောင်ဆန်းရုပ်ရှင်ကို မူလက ဒါရိုက်တာ မင်းထင်ကိုကိုကြီးကို ဇာတ်ညွန်းဒါရိုက်တာအဖြစ် တာဝန်ပေးခဲ့ပေမယ့် လက်ရှိမှာတော့ ဒီတာဝန်တွေကို ဦးလူမင်းက လွှဲပြောင်း တာဝန်ယူထားပါတယ်။ ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင်ကို ကျပ်သိန်းပေါင်း ၁၅၀၀၀ အကုန်ကျခံ ရိုက်ကူးမှာဖြစ်ပြီး ၂၀၁၉ ခုနှစ် ဒီဇင်ဘာမှာ ပြသနိုင်ဖို့ ရည်မှန်းထားပေမယ့် ဇာတ်ကား အရည်အသွေး ပိုကောင်းအောင် အစည်းအဝေး ဆုံးဖြတ်ချက်နဲ့ အချိန်ထပ်မံတိုးယူရမယ်လို့ ဆိုပါတယ်။ ဗိုလ်ချုပ်ရုပ်ရှင်ကို ၂၀၁၂ ခုနှစ်က စတင်ရိုက်ကူးဖို့ စီစဉ်ခဲ့ပြီး ၂၀၁၅ ခုနှစ် ဗိုလ်ချုပ် နှစ် ၁၀၀ ပြည့်မွေးနေ့မှာ ပြသဖို့ ရည်ရွယ်ခဲ့ပေမယ့် ၆ နှစ်အတွင်း ၁၁ မိနစ်စာ နမူနာဇာတ်ဝင်ခန်းတခုသာ ရိုက်ကူးနိုင်ခဲ့တာကြောင့် ဝေဖန်ခံခဲ့ရပါတယ်။
2 years Ago

October 13, 2015

‘ပြောင်းလဲချိန်တန်ပြီ’ ပညာပေးရုပ်သံ ရိုက်ကူးမှုကြောင့် ဦးလူမင်း သတိပေးခံရ

‘ပြောင်းလဲချိန်တန်ပြီ’ ဆိုတဲ့ ရွေးကောက်ပွဲ မဲဆွယ်ပညာပေး ဗွီဒီယိုရုပ်သံဇာတ်ကား ရိုက်ကူးခဲ့တဲ့အပေါ် ရုပ်ရှင်အစည်းအရုံးဥက္ကဋ္ဌ ဦးလူမင်းကို ရုပ်ရှင်အစည်းအရုံး နာယက အဖွဲ့ဝင်တွေက ခေါ်ယူ သတိပေး ပြောဆိုခဲ့တယ်လို့ ဦးလူမင်းက ဒီဗွီဘီကို ပြောပါတယ်။ မနေ့ အောက်တိုဘာလ ၁၂ ရက်နေ့က ရုပ်ရှင်အစည်းအရုံး အစည်းအဝေးအတွင်း ပြောဆိုခဲ့တာလို့ ပြောပါတယ်။ “အဲဒီဟာ ရိုက်ကူးတာနဲ့ ပတ်သက်ပြီးတော့ နာယကအချို့ကတော့ ကျနော့်ကို ဆုံးမသြ၀ါဒစကား ပေးပါတယ်။ နောက်နောင် မလုပ်ဖို့လည်း ပြောပါတယ်။ ခံဝန်ဂတိလက်မှတ်ထိုးခိုင်းတဲ့ အဆင့်တော့ မဟုတ်ပါဘူး။ ကျနော့်ရဲ့ အဲဒီလုပ်ရပ်ကြောင့် အစည်းအရုံးရဲ့ သိက္ခာကို၊ ပုံရိပ်ကို ညှိုးနွမ်းစေတယ်လို့ ဆိုပါတယ်။ အဲဒီတော့ ကျနော့်အနေနဲ့ကတော့ အဲဒီလို ကျနော့်ကြောင့်ဖြစ်တယ်ဆိုရင်တော့ ကျနော် နုတ်ထွက်ပါတယ်လို့ ကျနော်က တင်ပြပါတယ်။ ဒါပေမယ့်လည်း အမှုဆောင်အဖွဲ့နဲ့ ကျနော်တို့ စီအီးစီ အမှုဆောင်အဖွဲ့တွေက ဒါ ကိုလူမင်း မထွက်သင့်ပါဘူး၊ ၀ိုင်းပြီး တောင်းဆိုကြတာနဲ့ ကျနော် လက်ရှိ ဥက္ကဋ္ဌတာဝန် ဆက်လက်ထမ်းဆောင်နေပါတယ်။” ဒီဇာတ်ကားကို ရိုက်ကူးခဲ့တာဟာ ရုပ်ရှင်အစည်းအရုံးကို ကိုယ်စားပြုပြီး ဆောင်ရွက်တာမဟုတ်ဘဲ နိုင်ငံသား အနုပညာရှင်တဦးအနေနဲ့ မိမိယုံကြည်ရာကို ဆောင်ရွက်ခြင်းသာ ဖြစ်တယ်လို့လည်း ဦးလူမင်းက ပြောပါတယ်။ ပြောင်းလဲချိန်တန်ပြီဆိုတဲ့ အမျိုးသားဒီမိုကရေစီအဖွဲ့ချုပ်အတွက် မဲဆွယ်စည်းရုံး ရုပ်သံဗွီဒီယို ဇာတ်ကားကို ဒါရိုက်တာ မိုက်တီးနဲ့ ၀ိုင်းတို့ ရိုက်ကူးပြီး လူမင်း၊ ခန့်စည်သူ၊  ထွန်းအိန္ဒြာဗို၊ ခိုင်သင်းကြည်၊ သဉ္ဇာဝင့်ကျော်၊ ချစ်သုဝေ၊ မိုးယံဇွန်၊ မေတ္တာ စတဲ့ နာမည်ကြီး သရုပ်ဆောင်တွေ ပါဝင် သရုပ်ဆောင်ထားကြတာပါ။ ဒီပညာပေးဇာတ်ကားမှာ နိုင်ငံရေးသမားတဦးအဖြစ် သရုပ်ဆောင်တဲ့ ဦးလူမင်းက ယာဉ်ကြောပိတ်နေတဲ့ ခရီးသည်တင်ကားပေါ်မှာ စနစ်ကြောင့် မြန်မာပြည်သူတွေ မတိုးတက်တာ ဆယ်စုနှစ်ပေါင်းများစွာ ကြာမြင့်ခဲ့ကြောင်း အထောက်အထားတွေနဲ့ ခရီးသည်တွေကို ရှင်းပြခဲ့သလို “အားလုံးတွေဝေမနေကြနဲ့ ရွေးချယ်စရာ တခုပဲရှိတယ်။ အဲဒါ အန်အယ်လ်ဒီ (အမျိုးသားဒီမိုကရေစီအဖွဲ့ချုပ်) နော်၊ အဲလိုမှမဟုတ်ဘူးဆိုလို့ရှိရင်တော့ နောက်ထပ် နှစ် ၅၀ ကြာသွားလိမ့်မယ်ဗျို့၊ နှစ် ၅၀ ကြာသွားလိမ့်မယ်” စသဖြင့် အမျိုးသားဒီမိုကရေစီအဖွဲ့ချုပ်ကို နိုင်ငံတ၀န်းမှာ မဲပေးကြဖို့ တိုက်တွန်းသရုပ်ဆောင်ခဲ့တာ ဖြစ်ပါတယ်။
5 years Ago
Up