လူနာအသစ် ၁ ဦး

A d v e r t i s e m e n t With Us

March 25, 2020

မြန်မာနိုင်ငံတွင် COVID-19 လူနာအသစ် ၁ ဦး ထပ်မံတွေ့ရှိ

မြန်မာနိုင်ငံမှာ ကိုရိုနာဗိုင်းရပ်စ် COVID-19 လူနာအသစ် ၁ ယောက် ထပ်မံတွေ့ရှိတယ်လို့  ဒီနေ့ မနက် ၁ နာရီအချိန်မှာ ကျန်းမာရေးဝန်ကြီးဌာနက သတင်းထုတ်ပြန်လိုက်ပါတယ်။ အသစ်တွေ့ရှိတဲ့ စောင့်ကြည့်လူနာဟာ အင်္ဂလန်နိုင်ငံကနေ မတ် ၂၁ ရက်နေ့က ထိုင်းနိုင်ငံကတဆင့် လေကြောင်းခရီးနဲ့ ဝင်ရောက်ခဲ့တဲ့ အသက် ၂၆ နှစ်အရွယ် အမျိုးသား ၁ ယောက် ဖြစ်ပါတယ်။  ကိုယ်ပူဖျားနာ၊ ချောင်းဆိုးလက္ခဏာတွေကြောင့် အင်းစိန်ပြည်သူ့ဆေးရုံမှာ မတ်လ ၂၃ ရက်နေ့က စောင့်ကြည့်လူနာအဖြစ် သီးသန့်ခွဲထားပြီး ဓာတ်ခွဲအဖြေဟာ COVID-19 ပိုး တွေ့ရှိကြောင်း အတည်ပြုလိုက်တာပါ။  သူနဲ့ ထိတွေ့ခဲ့သူတွေ အားလုံးကို စုံစမ်းဖော်ထုတ်၊ အသွားအလာကန့်သတ်၊ စောင့်ကြပ်ကြည့်ရှုသွားမယ်လို့ သတင်းထုတ်ပြန်ထားပါတယ်။ ချင်းပြည်နယ် တီးတိန်ပြည်သူ့ဆေးရုံရှိ အမေရိကန်က ပြန်လာသူ အသက် ၃၆ နှစ်အရွယ် အမျိုးသား ၁ ယောက်နဲ့ လှည်းကူးမြို့နယ်ရှိ ပြည်သူ့ကျန်းမာရေး ကွင်းဆင်းသင်တန်းကျောင်းမှာ quarantine ထားရှိနေတဲ့ အင်္ဂလန်နိုင်ငံက ပြန်လာသူ အသက် ၂၆ နှစ်အရွယ် အမျိုးသား ၁ ယောက်တို့မာ COVID-19 ရောဂါပိုးကို မတ်လ ၂၄ ရက်နေ့က စတင်တွေ့ရှိခဲ့ပါတယ်။ အခုချိန်ထိ မြန်မာနိုင်ငံမှာ COVID-19 ရောဂါပိုးတွေ့ရှိသူ စုစုပေါင်း ၃ ယောက် ရှိပြီဖြစ်ပြီး စောင့်ကြည့်/သံသယလူနာဦးရေ စုစုပေါင်း ၂၃၈ ယောက် ရှိနေပါတယ်။  တကမ္ဘာလုံးမှာတော့ ဒီနေ့မနက် ၈ နာရီခွဲအထိ နိုင်ငံ နေရာဒေသပေါင်း ၁၉၇ ခုမှာ ကူးစက်ခံရသူ ၄၂၂၆၁၃ ယောက်၊ သေဆုံးသူ ၁၈၈၉၁ ယောက်နဲ့ ပြန်လည်သက်သာလာသူ ၁၀၈၈၇၉ ယောက်ရှိပြီလို့ အတည်ပြုထားပါတယ်။
11 months Ago
Up