လူနာသစ်မတွေ့

August 9, 2020

ဓာတ်ခွဲနမူနာ ၁,၂၉၁ ခုတွင် ကိုဗစ်-၁၉ လူနာသစ်မတွေ့၊ ပိုးကင်းစင်လာသူ ၃၁၁ ဦးရှိပြီ

သြဂုတ် ၈ ရက်နေ့အတွက် ဓာတ်ခွဲနမူနာ ၁,၂၉၁ ခုအား နှစ်သုတ်ခွဲစစ်ဆေးချက်အရ ကိုဗစ်-၁၉ အတည်ပြုလူနာသစ်မတွေ့ရဘဲ ရောဂါပိုးကင်းစင်လာသူ ၃၁၁ ဦး ရှိပြီလို့ ကျန်းမာရေး ဝန်ကြီးဌာနက ဒီနေ့မနက် ထုတ်ပြန်ပါတယ်။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က ဓာတ်ခွဲနမူနာ ၆၀၃ ခု၊ ဆေးသုတေသနဦးစီးဌာနက  ၇၇ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး) က ၁၈၈ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်) က ဓာတ်ခွဲနမူနာ ၃၂၀၊ ရန်ကုန်မြို့၊ အမှတ် (၁) တပ်မတော်ဆေးရုံကြီး ခုတင် (၁၀၀၀) က ၁၀၃ ခု၊ စုစုပေါင်း ၁,၂၉၁ ခုအား စစ်ဆေးခဲ့ပါသည်။ မြန်မာနိုင်ငံမှာ ဒီနေ့မနက် ၈ နာရီအထိ ကိုဗစ်-၁၉ အတည်ပြုလူနာ ၃၅၉ ဦး၊ သေဆုံးသူ ၆ ဦး၊ ရောဂါပိုးကင်းစင်လာသူ ၃၁၁ ဦးထဲက ဆေးရုံဆင်းခွင့်ပြုခဲ့ပြီးသူ ၃၀၂ ဦးနဲ့ စောင့်ကြည့်လူနာအသစ် ၁၆ ဦးရှိတယ်လို့ ကျန်းမာရေးဝန်ကြီးဌာနက ထုတ်ပြန်ထားပါတယ်။ ကမ္ဘာတဝန်းမှာတော့ ဒီနေ့မနက်ပိုင်းအထိ ကိုဗစ်-၁၉ အတည်ပြုလူနာ ၁၉ သန်းကျော်၊ သေဆုံးသူ  ၇၃၀၀၀၀ ခန့်နဲ့ ရောဂါပိုးကင်းစင်လာသူ ၁၂ သန်းကျော်ရှိပြီလို့ သိရပါတယ်။
10 months Ago

July 11, 2020

ဓာတ်ခွဲနမူနာ ၅၁၄ ခုတွင် ကိုဗစ်-၁၉ လူနာသစ်မတွေ့၊ စောင့်ကြည့်လူနာအသစ် ၂၈ ဦးရှိ

ဇူလိုင် ၁၀ ရက်နေ့အတွက် ဒုတိယသုတ်အဖြစ် အမျိုးသား ကျန်းမာရေး ဓာတ်ခွဲမှုဆိုင်ရာဌာန (ရန်ကုန်) က ဓာတ်ခွဲနမူနာ ၅၁၄ ခုအား စစ်ဆေးချက်အရ ကိုဗစ်-၁၉ အတည်ပြုလူနာ မတွေ့ရဘူးလို့ ကျန်းမာရေးနဲ့ အားကစားဝန်ကြီးဌာနက ဒီနေ့မနက် ထုတ်ပြန်ပါတယ်။ မနေ့ညက ပထမသုတ်အဖြစ် ဓာတ်ခွဲနမူနာ ၁,၃၀၂ ခုအား စစ်ဆေးရာမှာတော့ အိန္ဒိယနဲ့ ဘင်္ဂလားဒေ့ရှ်က ပြန်လာတဲ့ ၅ ဦးမှာ ကိုဗစ်-၁၉ ရောဂါပိုး တွေ့ရှိခဲ့ပါတယ်။ အိန္ဒိယက ပြန်လာတဲ့ ရန်ကုန်တိုင်း ကမာရွတ်၊ ဗဟန်းနဲ့ တောင်ဥက္ကလာပ မြို့နယ်နေ ၃ ဦးနဲ့ ဘင်္ဂလားဒေ့ရှ်က ပြန်လာတဲ့ ရခိုင်ပြည်နယ် မောင်တောမြို့နေ ၂ ဦးတို့ဖြစ်ပြီး သက်ဆိုင်ရာ တောင်ဥက္ကလာပအထူးကု ဆေးရုံကြီးနဲ့ မောင်တောမြို့ ပြည်သူ့ဆေးရုံမှာ ဆေးကုသမှု ခံယူစေမယ်လို့ ဆိုပါတယ်။ မြန်မာနိုင်ငံမှာ ဒီနေ့မနက် ၈ နာရီအထိ ကိုဗစ်-၁၉ အတည်ပြုလူနာ ၃၂၆ ဦး၊ သေဆုံးသူ ၆ ဦး၊ ရောဂါပိုးကင်းစင်လာသူ ၂၅၆ ဦး၊ ဆေးရုံမှ ဆင်းခွင့်ရသူ ၂၄၀ နဲ့ စောင့်ကြည့်လူနာအသစ် ၂၈ ဦး ရှိတယ်လို့ ကျန်းမာရေးနှင့် အားကစားဝန်ကြီးဌာနက ထုတ်ပြန်ထားပါတယ်။ ကမ္ဘာတဝန်းမှာတော့ ဒီနေ့မနက်အထိ ကိုဗစ်-၁၉ အတည်ပြုလူနာ ၁၂ ဒသမ ၆ သန်းကျော်၊ သေဆုံးသူ ၅၆၀,၀၀၀ ကျော်နဲ့ ရောဂါသက်သာပျောက်ကင်းလာသူ ၇ ဒသမ ၃ သန်းရှိပြီလို့ သိရပါတယ်။
11 months Ago
More News
Up