လူနာတင်ယာဉ်

January 18, 2022

ဂရိတွင် လူနာတင်ယာဉ်ဖြင့် မူးယစ်ဆေးဝါးသယ်ဆောင်သူ ဖမ်းဆီးရမိ

ဂရိနိုင်ငံမှာ လူနာတင်ယာဉ်ကားနဲ့ မူးယစ်ဆေးဝါး အပြည့်ထည့်ထားတဲ့အိတ်တွေ သယ်ဆောင်လာတဲ့ ယာဉ်မောင်းတဦးကို မနေ့က ဖမ်းဆီးမိခဲ့ပါတယ်။ 

အေသင်မြို့ ဆေးခန်းတခုမှာ အလုပ်လုပ်တဲ့ အသက် ၄၁  နှစ်ရှိ ယာဉ်မောင်းက အယ်လ်ဘေးနီးယား နယ်စပ်ဘက်ကနေ ပြည်တွင်းကို မောင်းဝင်လာပြီး  ဂရိနယ်စပ် အစ်ဂိုနီနစ်စတာမြို့ ရဲတပ်ဖွဲ့က ဖမ်းဆီးခဲ့တာပါ။

လူနာတင်ယာဉ်ဟာ တရားမဝင် ရွှေ့ပြောင်းနေထိုင်သူတွေ ဖြတ်လေ့ရှိတဲ့  နယ်စပ်လမ်းကို အသုံးပြုမောင်းလာတာကြောင့် နယ်စပ်ရဲက သံသယဖြစ်ပြီး စစ်ဆေးရှာဖွေခဲ့တာပါ။ 

ကားပေါ်မှာ ကီလိုဂရမ် ၃၂၀ ရှိတဲ့ ဆေးခြောက်အကြမ်း ၁၂၉ ထုပ် ထည့်ထားတဲ့ အိတ်ကြီး ၁၂၉ အိတ်နဲ့ ကိုကင်းဆေးပြားတွေကို ဖမ်းဆီးရမိပါတယ်။

10 months Ago

July 18, 2021

မြောက်ဥက္ကလာဆေးရုံ၌ စစ်ကောင်စီတပ်က ဝင်ခွင့်မပေးသဖြင့် လူနာတင်ယာဉ်များ လှည့်ပြန်ခဲ့ရ

ရန်ကုန်တိုင်း၊ မြောက်ဥက္ကလာဆေးရုံကို ဇူလိုင် ၁၇ ရက်နေ့ ည ၉ နာရီကျော်လောက်က ကိုဗစ်-၁၉ လူနာလာပို့တဲ့ လူနာတင်ယာဉ်တွေကိုကို သေနတ်ကိုင် စစ်ကောင်စီတပ်တွေက ဝင်ခွင့်မပေးတာကြောင့် လှည့်ပြန်ခဲ့ရတယ်လို့ ပရဟိတသမားတွေက ပြောပါတယ်။

ကိုဗစ်လူနာတင်ဆောင်လာတဲ့ယာဥ်တွေကို ဆေးရုံထဲဝင်ခွင့်မပေးဘဲ ဂိတ်ပေါက်ဝမှာ စစ်ကောင်စီတပ်ဖွဲ့ဝင်တွေက သေနတ်နဲ့ချိန်ပြီး ခြိမ်းခြောက်မှုတွေကြောင့် ကိုဗစ်-၁၉ အတည်ပြုလူနာတင်ဆောင်လာတဲ့ အရေးပေါ်လူနာတင်ယာဥ် ၁၀ စီးကျော်လောက် ဝင်ခွင့်မရဘဲ ပြန်လှည့်ခဲ့ရတယ်လို့ ဆိုပါတယ်။

စစ်ကောင်စီတပ် ပေးမဝင်ဘဲပြန်လှည့်ခဲ့ရတဲ့ အရေးပေါ်လူနာတင်ယာဥ်တွေမှာ လူနာတဲ့ပတ်သက်တဲ့ လွှဲစာနဲ့ အထောက်အထားအပြည့်အစုံ ပါလာပေမယ့် ကုသခွင့်မပေးခဲ့တာလို့ ဆိုပါတယ်။

ဝင်ခွင့်မရခဲ့တဲ့ ပရဟိတလူနာတင်ယာဉ်မောင်း ၁ ဦးက “အဲမှာ သေနတ်ကြီးတွေကိုင်ပြီး စောင့်နေကြတာ။ သခင်အားရ ကျွန်းပါးဝတဲ့ကောင်တွေ...၊ လက်မခံဘူးတဲ့၊ အများကြီးပဲ ambulance ကား အရေးပေါ်ကားတွေအများကြီးပဲ။ ဆေးရုံက လုံးဝလက်မခံပါဘူးတဲ့။ အဲမှာ လူနာတွေကို အိမ်ပြန်ခေါ်သွားရပါပြီ။” လို့ ပြောပါတယ်။

1 year Ago
More News
Up