လူဒါဇင်ချီ

October 2, 2020

တရုတ်အမျိုးသားနေ့ ဆန္ဒပြပွဲ မဖြစ်စေရန် လူဒါဇင်ချီ ဟောင်ကောင်ရဲဖမ်း

တရုတ်အမျိုးသားနေ့ ဆန္ဒပြပွဲတွေကို ကြိုတင်တားဆီးတဲ့အနေနဲ့  အောက်တိုဘာ ၁ ရက်က  ဟောင်ကောင်ရဲတပ်ဖွဲ့ဟာ လူပေါင်း ဒါဇင်နဲ့ချီ ဖမ်းဆီးခဲ့ပါတယ်။  မြို့လယ်မှာ  ရဲတပ်ဖွဲ့က လူ အယောက် ၅၀ ကျော်ကို ပလတ်စတစ်လက်ထိတ်တွေခတ်ပြီး  ဘတ်စ်ကားတွေပေါ်တင်တာ တွေ့ရပါတယ်။  ဆန္ဒပြသူတွေက တရုတ်အစိုးရပြဋ္ဌာန်းတဲ့ ဟောင်ကောင် အမျိုးသားလုံခြုံရေးဥပဒေကို  ဆန့်ကျင်ပြီး ပင်လယ်ပြင်မှာ တရုတ်အာဏာပိုင်တွေ ထိန်းသိမ်းထားတဲ့ ဟောင်ကောင်ဒေသခံ ၁၂ ယောက်ကို ပြန်ပို့ဖို့ တောင်းဆိုနေကြတာပါ။ ဟောင်ကောင်ရဲတပ်ဖွဲ့က  ကိုရိုနာဗိုင်းရပ်စ် ကန့်သတ်ချက်တွေကို အကြောင်းပြပြီး ဆန္ဒပြပွဲ ကို ကြိုတင်တားမြစ်ထားတာပါ။  ဒါကြောင့် ဈေးဝယ်တွေနဲ့လမ်းသွားလမ်းလာတွေက ဒီမိုကရေစီကြွေးကြော်သံတွေကို ရံဖန်ရံခါ အော်ခဲ့ကြပေမယ့် လူစုလူဝေးကြီးကြီးမားမား မတွေ့ရဘူးလို့ ရိုက်တာက ဖော်ပြပါတယ်။
1 year Ago

July 9, 2020

ဂျပန်အနောက်တောင်ပိုင်းတွင် ရေကြီးမြေပြို၍ လူဒါဇင်ချီ သေဆုံး

ဂျပန်နိုင်ငံအနောက်တောင်ပိုင်းမှာ ကျန်ခဲ့တဲ့ သီတင်းပတ်ကုန်ရက်အတွင်း ရေကြီး မြေပြို တာတွေကြောင့် လူဒါဇင်ချီ သေဆုံးခဲ့ပါတယ်။  ဇူလိုင်လ ၈ ရက်မှာတော့ ဂျပန်အနောက်တောင်ပိုင်းက ဒေသခံတွေ ရှင်းလင်းရေး လုပ်ငန်း တွေ လုပ်ဆောင်နေကြပါတယ်။ ဟိတိုယိုရှိဒေသမှာ ကုမငါ့ဝါ့မြစ်က ဆိုးဆိုးရွားရွား ရေလျှံခဲ့လို့ မြစ်ကမ်းပါးက အိမ်တွေ ပျက်စီးခဲ့ပါတယ်။ လမ်းတွေပေါ်မှာ အိမ်အပျက်အစီး အပိုင်းအစတွေ တန်းစီနေပြီး ဒေသခံတွေက ရွှံ့တွေ အမှိုက်သရိုက်တွေကို ရှင်းနေကြပါတယ်။ ဇူလိုင် ၈ ရက်အထိ အတည်ပြုချက်အရ ရေကြီးမှုကြောင့် ဟိတိုယိုရှိ ဒေသက လူ ၁၈ ယောက် အပါအဝင် လူ ၅၉ ယောက် သေဆုံးခဲ့သလို လူ ၁၇ ယောက် ပျောက်နေဆဲပါ။  ဂျပန်အလယ်ပိုင်း နာငါ့နိုနဲ့ ဂိဖှုဒေသတွေမှာ လောလောဆယ် မိုးကြီးနေပါတယ်။  ဂျပန်မိုးလေဝသပညာရှင်တွေက ဇူလိုင် ၈ ရက် မနက်ပိုင်းက အဲဒီဒေသမှာ မိုးကြီးမှု အရေးပေါ် အခြေအနေ ထုတ်ပြန်ထားပေမယ့် နောက်ပိုင်းမှာတော့ သတိပေးချက်အဆင့်ကို ပြန်လျှော့ချခဲ့ပါတယ်။  မြစ်ရေက တက်နေဆဲ ဖြစ်လို့ ဒေသခံတွေ သတိနဲ့ နေကြဖို့ အရာရှိတွေက ဒေသခံတွေကို တပ်လှန့်ထားပါတယ်။
1 year Ago
Up