လူထုအခြေပြု

January 16, 2021

အင်းတော်ကြီးဒေသတွင် လူထုအခြေပြုသဘာဝအခြေခံ ခရီးသွားလုပ်ငန်း ဖော်ဆောင်မည်

ကချင်ပြည်နယ် အင်းတော်ကြီးဒေသမှာ ဒေသခံပြည်သူအကျိုးအတွက် လူထုအခြေပြု သဘာဝအခြေခံ ခရီးသွားလုပ်ငန်းဖော်ဆောင်သွားမယ်လို့ သိရပါတယ်။ အင်းတော်ကြီး ဇီဝအဝန်းနယ်မြေ စီမံအုပ်ချုပ်မှုလုပ်ငန်းတွေနဲ့ သဘာဝအခြေခံ ခရီးသွားလုပ်ငန်းဖွံ့ဖြိုရေးဆိုင်ရာ ကိစ္စရပ်တွေနဲ့ပတ်သက်ပြီး ဇန်နဝါရီလ ၁၅ ရက်နေ့က အင်းတော်ကြီးမြို့ သဘာဝပြတိုက်မှာ အင်းတော်ကြီး တောရိုင်းတိရစ္ဆာန် ဘေးမဲ့တောနဲ့ အပြည်ပြည်ဆိုင်ရာ တောရိုင်းတိရစ္ဆာန်နှင့် သဘာဝအပင်အဖွဲ့ FFI တို့ပူးပေါင်းပြီး ဆွေးနွေးပွဲ ကျင်းပပြုလုပ်ခဲ့ကြပါတယ်။ ကချင်ပြည်နယ်ဟိုတယ်နှင့်ခရီးသွားလာရေးဦးစီးဌာန ပြည်နယ်တာဝန်ခံ ဦးခိုင်ဝင်းက "ဒေသခံပြည်သူလူထုတွေရဲ့ အကျိုးစီးပွားကို အဓိကထားတယ်။ ဒီအကျိုးစီးပွားပေါ်မူတည်ပြီးတော့ ဒေသခံတွေကလည်း အင်းတော်ကြီး ဇီဝအဝန်းနယ်မြေကို ကာကွယ်ထိန်းသိမ်းရင်းနဲ့ သူတို့အကျိုးစီးပွားတွေကို ဆောင်ရွက်လို့ရတယ် ဆိုတာကို သဘောပေါက်နားလည်အောင် အဓိကဆွေးနွေးပါတယ်။ သဘာဝအရင်းအမြစ်တွေကို ထိန်းသိမ်းရင်းနဲ့ ခရီးသွားတွေဆီက အခကြေးငွေရယူသလို ခရီးသွားဖွံ့ဖြိုးလာရင်လည်း အခကြေးငွေကနေပြီး သဘာဝထိန်းသိမ်းရေးကို ပြန်ပြီးပံ့ပိုးသွားနိုင်မှာ ဖြစ်တယ်။” လူထုအခြေပြု သဘာဝခရီးသွားလုပ်ငန်းကို ဖော်ဆာင်မယ့် ဒေသခံကျေးရွာတစ်ရွာကို ၅၀ ရာခိုင်နှုန်းကျော် ဖော်ဆောင်မယ်ဆိုပါက မြေနေရာနဲ့ ငွေကြေးချမှတ် စီစဉ်ပေးသွားမယ်လို့ သိရပါတယ်။  ပထမဆုံး စတင်အကောင်အထည်ဖော်မယ့် ကျေးရွာတွေကတော့ အင်းရှေ့ကမ်းမှာ လုံးစန့်ကျေးရွာနဲ့ အင်းနောက်ကမ်းမှာ တုံစံခကျေးရွာတွေ ဖြစ်တယ်လို့ သိရပါတယ်။ သတင်း - မုန်းမုန်းမင်း
9 months Ago

December 25, 2020

ကျေးရွာလူထုအခြေပြု ကိုဗစ်-၁၉ အကူညီပေးရေးအဖွဲ့များ ဖွဲ့စည်းနေ

ကိုဗစ်-၁၉ ရောဂါကာကွယ်ထိန်းချုပ်ရေးတွေအတွက် စောင့်ကြည့်အကူညီပေးဖို့ လူမှုဝန်ထမ်းဌာနက ဦးဆောင်ပြီး စေတနာဝန်းတွေ အဖွဲ့ပေါင်းစုံနဲ့ ဖွဲ့ထားတဲ့ ကျေးရွာလူထု အခြေပြု ကိုဗစ်-၁၉ အကူညီပေးရေးအဖွဲ့တွေ ဖွဲ့စည်းနေပြီလို့ သိရပါတယ်။ ကိုဗစ်-၁၉ ရောဂါ ဖြစ်ပွားတာ ကာလကြာလာတာနဲ့အတူ လတ်တလောမှာလည်း ရောဂါပိုးတွေ့ရတဲ့ လူနာလျော့နည်းလာလို့ ကွာရန်တင်းစင်တာတွေ ပိတ်သိမ်းဖို့ ရည်ရွယ်နေတာပါ။  လက်ရှိမှာ လူနာအရေအတွက် လျှော့နည်းတာနဲ့ ရောဂါကိုဓာတ်ခွဲစစ်ဆေးတာ မြန်ဆန်လာတာကြောင့်လည်း အရင်ထက် ကွာရန်တင်းစင်တာမှာ ထားရှိကန့်သတ်ရသူတွေဟာ မရှိသလောက်ဖြစ်နေပြီလို့ လှိုင်သာယာမြို့နယ် ကိုဗစ်-၁၉ ကွာရန်တင်းစင်တာတွေမှာ ကူညီဆောင်ရွက်ပေးနေတဲ့ ပရဟိတအဖွဲ့ဝင် ကိုဇေကိုကိုက ပြောပါတယ်။ "ကွာရန်တင်းစင်တာတွေကို ဖြည်းဖြည်းခြင်းလျော့ပြီးတော့ ပိတ်သွားမယ်။ ပိတ်ပြီးတော့ အဓိက main စင်တာတွေကို ချန်ထားမယ်ပေါ့၊ အရန်သင့်သဘောချန်ထားမယ်ပေါ့။ ဒီမြို့နယ်အဆင့်စင်တာတွေမှာ လက်ရှိလူကလည်း သိသိသာလျော့လာတယ်။ fever clinic တွေမှာလည်း ပြတဲ့လူတွေကသိ သိသာသာလျော့လာတယ်။" ကိုဗစ်-၁၉ နဲ့ ပတ်သက်ပြီး ကွာရန်တင်းစင်တာတွေပိတ်သိမ်းပါကလည်း ရပ်ရွာမြို့နယ်အလိုက် ကိုဗစ်-၁၉ ကော်မတီအဖွဲ့တွေကို အဆင့်ဆင့်ဖွဲ့စည်းသင်တန်းပေးပြီး မြို့နယ်အလိုက် ကိုဗစ်ကြောင့် ရောဂါအခြေအနေ ပြင်းထန်လာသူတွေကို အကူညီပေးနိုင်ဖို့ အစိုးရဌာနတွေနဲ့ လူမှုကူညီရေးကွန်ရက်အဖွဲ့တွေ ဖွဲ့စည်းပြင်ဆင်နေပြီလို့ ဆိုပါတယ်။ ကိုဇေကိုကိုက “ကျေးရွာလူထုပရဟိတပုံစံမျိုးပေါ့ အဲ့ဒါတွေပြန်ဖွဲ့တယ်။ အဲ့ဒီ့ကမှပြန်ပြီး ကိုယ့်အနီးအနား အချင်းချင်းအသိပညာပြန်ပေးပေါ့။ တကယ့်အခြေအနေဆိုးတဲ့လူကျမှ ဆေးရုံပြန်ပို့တာတို့ အဲ့ဒါမျိုးလုပ်ဖို့အတွက် စီစဉ်ထားတာရှိတယ်။" လို့ ပြောပါမယ်။ ရန်ကုန်တိုင်း၊ တောင်ဒဂုံမြို့နယ်မှာရှိတဲ့ အမျိုးသားယဥ်ကျေးမှုနဲ့ အနုပညာတက္ကသိုလ် ကိုဗစ်-၁၉ ကုသရေးစင်တာကို ဒီဇင်ဘာ ၂၅ ရက်နေ့ကစပြီး ပိတ်သိမ်းလိုက်ပြီလို့ သိရပါတယ်။  
10 months Ago
Up