လူစည်ကားရာနေရာများ

A d v e r t i s e m e n t With Us

April 1, 2020

ကိုရိုနာဗိုင်းရပ်စ်ကာကွယ်ရန် ကျောက်ဖြူဆေးရုံနှင့် လူစည်ကားရာနေရာများကို ပိုးသတ်ဆေးဖျန်း

  ကိုနာဗိုင်းရပ်စ် ရောဂါ ကူးစက်ပြန့်ပွားမှုတွေကို ထိန်းချုပ်နိုင်ဖို့အတွက်  ရခိုင်ပြည်နယ်၊ ကျောက်ဖြူမြို့ရှိ ပြည်သူ့ ဆေးရုံကြီးအပါအဝင် လူစည်ကားနေရာတွေမှာ  ကလိုရင်း ပိုးသတ်ဆေးတွေ လိုက်လံပက်ဖျန်းနေပါတယ်။ မတ်လ ၃၁ ရက်နေ့က ပရဟိတအသင်းတွေနဲ့ ပူးပေါင်းကာ ပိုးသတ်ဆေး လိုက်လံဖြန်းပေး ခဲ့တယ်လို့ ဓူဝံကြယ်နာရေးကူညီမှုအသင်း ဥက္ကဋ္ဌ ကိုဗလကြီးက ပြောပါတယ်။  “ကျနော်တို့ဒေသကို ကိုရိုနာဗိုင်းရပ်စ်မရောက်လာရအောင်၊ ရောက်လာရင်လည်း မကျယ်ပြန့်အောင်၊  မြန်မြန်ဆန်ဆန်ထိန်းထိန်းသိမ်းသိမ်း ဖြစ်နိုင်အောင်အတွက် လုပ်တယ်ဆိုတာကို အားလုံးသိပြီးသားဖြစ်မယ်လို့ ကျနော်ထင်ပါတယ်။ လူအများအပြား ရောက်နိုင်တဲ့နေရာ၊ လူအများအပြားရှိနိုင်တဲ့နေရာ ပြီးရင် ကလေးတွေ အများအပြားစုနိုင်တဲ့ နေရာ ဥပမာ ပရဟိတကျောင်း နောက်တစ်ခုက စျေးကိုတော့ စည်ပင်က လုပ်တယ်လို့ပြောပါတယ်။ လိုအပ်ရင်ထပ်ပြီးဖျန်းဖို့လည်း အစီအစဉ်ရှိပါတယ်” လို့ ပြောပါတယ်။ လေးဝတီကုလရက္ခိတ(ပရဟိတ)အသင်းနဲ့ ဓူဝံကြယ်နာရေးကူညီမှု အသင်း၊ ကျောက်ဖြူမြို့ သွေးလှူရှင်အသင်းနဲ့ ရက္ခိတရင်ခွင်အသင်းတို့မှပူးပေါင်းပြီးတော့ လုပ်ဆောင်ခဲ့တာဖြစ်ပါတယ်။ ကိုရိုနာဗိုင်းရပ်စ်ရောဂါနဲ့ ပတ်သက်လို့ ပြည်သူလူထုအနေနဲ့ ကျန်းမာရေးဌာနရဲ့ ထုတ်ပြန်ချက်တွေကို သိရှိနေပေမယ့် လူတစ်ဦးတစ်ယောက်ချင်းအသိနဲ့ ကျန်းမာရေးအသိ၊ သတိရှိကာပူးပေါင်းပေးဖို့ လိုအပ်တယ်လို့ လေးဝတီကုလရက္ခတိ(ပရဟိတ)အသင်းဥက္ကဋ္ဌ ဦးဂျပန်ကြီးက ပြောပါတယ်။ “အဓိကတော့ ဒီရောဂါနဲ့ပတ်သက်ပြီးတော့ သိသင့်သလောက်တော့ သိနေကြပါပြီ၊ အခုကတော့ ကျနော်ပြောချင်တာကတော့ အဓိကကိုယ့်အသိနဲ့ တစ်ဦး တစ်ယောက်ချင်းအသိနဲ့ ဒီရောဂါ ကာကွယ်တားဆီးရေးအတွက် ကျန်းမာရေးဌာနကချပေးထားတဲ့ ဆောင်ပုဒ်တွေပေါ့နော်၊ ဒီဟာတွေကို တစ်ဦးချင်းတစ်ဦးချင်း ကိုယ့်အသိနဲ့ကိုယ် မိသားစုအလိုက် ကိုယ်တိုင် ကိုယ်ကျ တာဝန်ယူတဲ့စိတ်နဲ့ ဒါတွေကိုလိုက်နာဆောင်ရွက်ပေးကျဖို့ ထပ်ပြောချင်ပါတယ်။” ကျောက်ဖြူခရိုင် ပြည်သူ့ ဆေးရုံကြီး၊ လေဆိပ်၊ သင်္ဘောဆိပ်၊ ကားဂိတ်တွေနဲ့ လူစည်ကားရာနေရာတွေကို သွားရောက် ပိုးသတ်ဆေးဖျန်းခဲ့သလို နောက်ထပ် လိုအပ်တဲ့နေရာတွေကိုလည်း ပိုးသတ်ဆေးဖျန်းဖို့ ပရဟိတ အဖွဲ့တွေက အစီအစဉ် ရှိပါတယ်။ သတင်း- နောင်နောင် 
10 months Ago

March 22, 2020

ဘန်ကောက်ရှိ ကုန်တိုက်ကြီးများ အပါအဝင် လူစည်ကားရာနေရာများ ယာယီပိတ်

ထိုင်းနိုင်ငံ၊ ဘန်ကောက်မှာရှိတဲ့ ကုန်တိုက်ကြီးတွေ အပါအဝင် လူအများ စုဝေးစည်ကားရာ နေရာတွေကို မတ် ၂၂ ရက်နေ့ကစပြီး ဧပြီ ၁၂ ရက်နေ့ထိ ယာယီပိတ်ထားတယ်လို့ မန်နေဂျာအွန်လိုင်းသတင်းမှာ ဖော်ပြပါတယ်။  ဘန်ကောက်မှာ ကိုရိုနာဗိုင်းရပ်ကူးစက်ပြန့်ပွားမှု ထိန်းချုပ်ရေးအတွက် ကူးစက်ရောဂါ ကာကွယ်ရေးကော်မတီအစည်းအဝေးကနေ အမျိုးအစားပေါင်း ၁၉ ခုက နေရာတွေကို ယာယီပိတ်ထားဖို့ ဆုံးဖြတ်ခဲ့ကြတယ်လို့ ဘန်ကောက်မြို့တော်ဝန် နိုင်းအဆတ်ခ်ဝင်း ခွမ်မိုင်းက သတင်းထောက်တွေကို ပြောပါတယ်။  အဆိုပါအမျိုးအစားပေါင်း ၁၉ ခုမှာ အနှိပ်ခန်းတွေ၊ ကိုယ်အလေးချိန် ထိန်းသိမ်းလေ့ကျင့်တဲ့ နေရာတွေ၊ တိရိစ္ဆာန်အမွေးညှပ် ရေချိုးဆိုင်တွေ၊ အလှပြင်ဆိုင်တွေ၊ အလှအပပြုပြင်ရေး ဆေးခန်းတွေ၊ ဘိုရင်းပစ် ဂိမ်းကစားရာ နေရာတွေ၊ ကွန်ပျူတာဆိုင်တွေ၊ ဂေါက်ကွင်း၊ ရေကူးကန်တွေ၊ ဆေးမင်ကြောင်ထိုးဆိုင်တွေ၊ ကလေးထိန်းကျောင်းတွေ၊ လူအိုများအား အိမ်တိုင်ရာရောက် လိုက်လံပြုစုသည့်ဝန်ဆောင်လုပ်ငန်း၊  ဘုရားပူဇော်တဲ့ နေရာတွေ၊ ကြက်တိုက်ကစားဝိုင်း၊ အစည်းအဝေးနဲ့ ပြခန်းပြုလုပ်နေရာ၊ ကုန်တိုက်ကြီးတွေ၊ (စူပါမားကက် မပါ)၊ စာသင်ကျောင်း၊ ကျူရှင်ခန်းနဲ့ သင်တန်းအမျိုးမျိုး၊ အစိုးရ/ပုဂ္ဂလိက တက္ကသိုလ်ကောလိပ်တွေနဲ့ သက်မွေးဝမ်းကျောင်း စတာတွေ ဖြစ်ပါတယ်။ ကုမ္ပဏီတွေ လုပ်ငန်းရှင်တွေအနေနဲ့ မိမိလက်အောက်ခံ ဝန်ထမ်းတွေကို နေအိမ်ကနေ အလုပ်လုပ်ခွင့်ပြုဖို့၊ အစိုးရဌာနဆိုင်ရာ ဝန်ထမ်းတွေအနေနဲ့ အလှည့်ကျစနစ်နဲ့ အလုပ်လာလုပ်ဖို့ကိုလည်း မေတ္တာရပ်ခံထားပါတယ်။  ဒါ့အပြင် လုပ်သားပြည်သူတွေအနေနဲ့လည်း မလိုအပ်ပါက လူစုလူဝေးနေရာတွေကို ရှောင်ကြဉ်ဖို့၊ စားနပ်ရိက္ခာတွေကိုတော့ ဝယ်ယူသိုလှောင်ထားစရာမလိုဘဲ အိမ်အရောက် ပါဆယ်ပို့ပေးတဲ့စနစ် သုံးနိုင်ကြောင်း၊ ရိက္ခာမပြတ်ဖို့ စူပါမားကက်နဲ့ ဆဲဗဲင်းအီလဲဗင်း ကုန်စုံဆိုင်တွေကို ဖွင့်ခွင့်ပြုထားကြောင်း၊ ဒါပေမဲ့  အဆိုပါဆိုင်တွေအနေနဲ့ ရောဂါကင်းဝေးဖို့ သန့်ရှင်းရေးကို အထူးဂရုစိုက်ရမှာဖြစ်ပြီး ဆိုင်အဝင်အထွက်တွေမှာ အယ်လ်ကိုဟောလ်ပါ လက်ဆေးဂျယ်လီရည်တွေ အသင့်ထားပေးရမယ်လို့ ဘန်ကောက်မြို့တော်ဝန်က ပြောသွားပါတယ်။
10 months Ago
Up