လူငယ် ၂ ဦး

December 29, 2021

ပလက်ဝမြို့တွင် လူငယ် ၂ ဦးကို စစ်ကောင်စီက ဖမ်းဆီး

ချင်းပြည်နယ် ပလက်ဝမြို့မှာ ဒီဇင်ဘာလ ၂၈ ရက် ညနေပိုင်းက ဒေသခံလူငယ်နှစ်ယောက်ကို စစ်ကောင်စီက ဖမ်းဆီးသွားတယ်လို့ မိသားစုအသိုင်းအဝိုင်းဆီက သိရပါတယ်။

ပလက်ဝမြို့ မြို့မရပ်ကွက်က ကိုတင်ထွန်းအောင်နဲ့ စစ်ဘေးရှောင်စခန်းက ကိုတင်ဦးတို့ ၂ ယောက်ကို မနေ့ ညနေ ၆ နာရီလောက်မှာ ပလက်ဝမြို့မရဲစခန်းက နယ်ထိန်းအဖွဲ့တွေက ဖမ်းဆီးခေါ်ဆောင်သွားတာလို့ ဆွေမျိုးတော်စပ်သူ တစ်ယောက်က ပြောပါတယ်။

လူငယ် ၂ ယောက်ကို စစ်ဆေးမေးမြန်းဖို့ရှိတယ်ဆိုပြီး ဖမ်းဆီးပြီး ည ၈ နာရီကျော်လောက်မှာ ပလက်ဝအခြေစိုက် ခမရ (၂၈၉) တပ်ရင်းကို ခေါ်ဆောင်သွားကြပြီး ည ၉ နာရီလောက်မှာတော့ ပလက်ဝမြို့မရဲစခန်းကို ပြန်ပို့ကြတယ်လို့ ဆိုပါတယ်။

မိသားစုဝင်တွေက ဘာအကြောင်းအရာနဲ့ ဖမ်းဆီးခံရလဲဆိုတာကို မေးမြန်းဖို့ သွားရောက်ခဲ့ပေမယ့် အခုအချိန်ထိ တွေခွင့် မပေးသေးဘဲ မနေ့ညကတော့ အနွေးထည်တွေ၊ စောင်တွေ သွားပို့ပေးခဲ့ တယ်လို့ ပြောပါတယ်။

အဲဒီလူငယ် ၂ ယောက်ဖမ်းဆီးခံရတဲ့ ကိစ္စကို အသေးစိတ်သိရှိနိုင်ဖို့ ပလက်ဝမြို့မရဲစခန်းကို တယ်လီဖုန်းနဲ့ ဆက်သွယ်ခဲ့ပေမယ့် ဖုန်းလက်ခံဖြေကြားခြင်းမရှိပါဘူး။

ဖမ်းဆီးထိန်းသိမ်းခံရတဲ့ လူငယ်နှစ်ယောက်ဟာ ပလက်ဝမြို့မှာရှိတဲ့ စစ်ဘေးရှောင်ပြည်သူတွေရဲ့ လူမှုကူညီရေး ပရဟိတလုပ်ငန်းတွေမှာ တက်တက်ကြွကြွ ကူညီဆောင်ရွက်ပေးနေသူတွေ ဖြစ်တယ်လို့ ဒေသခံတွေဆီကနေ သိရပါတယ်။

3 weeks Ago

October 15, 2021

မုဒုံမြို့က အသက်မပြည်သေးသည့် လူငယ် ၂ ဦးကို စစ်ကောင်စီ အင်အားသုံးဖမ်းဆီး

မွန်ပြည်နယ် မုဒုံမြို့မှာ အသက် ၁၆ နှစ်နဲ့ ၁၇ နှစ်အရွယ် အသက်မပြည့်သေးသူ နှစ်ဦးကို စစ်ကောင်စီက အင်အားသုံး ဖမ်းဆီးသွားတယ်လို့ သိရပါတယ်။

မုဒုံမြို့ အမှတ် ၁ စာသင်ကျာင်းရှေ့၊ အောင်ချမ်းသာလမ်းမှာ နေထိုင်တဲ့ အသက် ၁၆ နှစ်အရွယ် မောင်မင်းထက်ကျော်ကို အောက်တိုဘာ ၁၃ ရက်နေ့ည ၁၀ နာရီကျော်မှာ စစ်ကောင်စီက ဝင်ရောက်ဖမ်းဆီးခဲ့တာပါ။ 

ရှင်စောပုလမ်းသွယ် (ရဲစခန်းလမ်းကြား) မှာ နေထိုင်တဲ့ အသက် ၁၇နှစ်အရွယ် မနှင်းပွင့်မဒီကိုလည်း အောက်တိုဘာ ၁၃ ရက်နေ့ ည ၁၀ နာရီအချိန်မှာ ဝင်ရောက်ဖမ်းဆီးခဲ့တယ်လို့ မုဒုံမြို့ခံ နိုင်ငံရေးသမားတစ်ယောက်က ပြောပါတယ်။

“နှစ်ယောက်စလုံးက ကျောင်းသားအရွယ်လူငယ်တွေပါ။ စစ်သားတွေက နေအိမ်တွေမှာ မတရားဝင်ရောက်ဖမ်းဆီးခဲ့တာပါ။” 

အဖမ်းခံရတဲ့ လူငယ်တွေကို ဘယ်မှာထိန်းသိမ်းထားတယ်ဆိုတာ မသိရဘဲ သူတို့ရဲ့ လက်ကိုင်ဖုန်းတွေကိုလည်း စစ်သားတွေက သိမ်းယူသွားပါတယ်။

3 months Ago
Up