လူငယ်စင်တာ

February 9, 2021

မုံရွာမြို့ လူငယ်စင်တာကို တပ်နှင့်ရဲအင်အား ၂၀ ခန့် ဝင်စီး

စစ်ကိုင်းတိုင်းဒေသကြီး မုံရွာမြို့က လူငယ်ရေးရာကော်မတီ စင်တာကို  ဒီနေ့မနက် အစောပိုင်းမှာ တပ်နဲ့ရဲတပ်ဖွဲ့ အင်အား ၂၀ လောက်နဲ့ ဝင်ရောက် စီးနင်းခဲ့တယ်လို့ လူငယ်ရေးရာအတွင်းရေးမှူး ကိုဝေမိုးနိုင်က ပြောပါတယ်။

“မနက် ၂ နာရီကနေ ၅ နာရီထိ ကျနော်တို့ မုံရွာမြို့လူငယ်စင်တာကို ဝင်စီးပါတယ်တဲ့။ လူငယ်စင်တာဆိုတာ စစ်ကိုင်းတိုင်းဒေသကြီး လူငယ်ရေးရာကော်မတီက ကြီးကြပ်တဲ့ရုံးပါ။ ကျနော်တို့ သပိတ်မှောက်ကျောင်းသားလူငယ်တွေကို ဝင်ရှာတယ်လို့ ဆိုပါတယ်။ လူငယ်စင်တာမှာ ရုံးအဖွဲ့မှူးနဲ့ Fever Clinic မှာ စေတနာ့ဝန်ထမ်း တာဝန်ယူနေတဲ့ လူငယ်တွေနဲ့ စုစုပေါင်း ၂ ယောက်ပဲ ရှိနေပါတယ်။ မနက် ၂ နာရီမှာ လက်နက်ကိုင် အယောက် ၂၀ ခန့် (ရဲ၊ စစ်၊ အရပ်သား) က လူငယ်စင်တာ ခြံဝန်းကို ကျော်ဝင်တယ်။ Fever Clinic ဘက်ကနေ ပြီး အဆောက်အဦးဝင်ပေါက်သော့ကို ဖျက်ဝင်ပြီး လူငယ်ရေးရာကော်မတီရုံးခန်းကို ဝင်စီးပါတယ်။”

စင်တာမှာရှိနေတဲ့သူတွေကို စစ်ဆေးမေးမြန်းခဲ့သလို လက်ပ်တော့တွေနဲ့ ဗီရိုတွေကို ဖွင့်ပြီး အကုန်စစ်ကြောင်း၊ ပိုက်ဆံအိတ်တွေ ATM ကတ်တွေကို သိမ်းသွားပေမဲ့ ခုတော့ ပြန်ရပြီလို့ ဆိုပါတယ်။

Hand Speaker‌ ၄ လုံး၊ ရွေးကောက်ပွဲကာလက လူငယ်ရေးရာကော်မတီက ဖြန့်ဝေခဲ့ကြတဲ့ voter education ပန်းဖလက်တွေ၊ လူငယ်ရေးရာကော်မတီ တံဆိပ်တုံးတွေ လူငယ်ရေးရာကော်မတီရဲ့ အသုံးစရိတ်ဘောက်ချာအချို့ အစရှိတာတွေကို သိမ်းဆည်းသွားတယ်လို့ ဆိုပါတယ်။

ဒီနေ့မနက် ၉ နာရီမှာ မူလကြေညာထားတဲ့အတိုင်း စစ်အာဏာရှင်အလိုမရှိကြောင်း  မုံရွာမြို့တွင်း ဆက်လက်ဆန္ဒပြသွားကြမှာဖြစ်ပြီး ပြည်သူတွေ တစ်ခဲနက် ပူးပေါင်း ပါဝင်ပေးကြဖို့

မေတ္တာရပ်ခံတယ်လို့ ကိုဝေမိုးနိုင်က ပြောပါတယ်။

ကျော်မင်းသန့်

3 months Ago

February 27, 2020

မြန်မာနိုင်ငံ၏ ပထမဆုံး လူငယ်စင်တာ မုံရွာတွင်ဖွင့်လှစ်

စစ်ကိုင်းတိုင်းဒေသကြီး လူငယ်ရေးရာကော်မတီကနေ ဦးဆောင်ကာ လူငယ်စင်တာကို ဖေဖော်ဝါရီ ၂၇ ရက်နေ့က မုံရွာမြို့မှာ ဖွင့်လှစ်လိုက်ပါတယ်။ ဒီလူငယ်စင်တာက မြန်မာနိုင်ငံရဲ့ ပထမဆုံးသော လူငယ်စင်တာဖြစ်ပြီး ဖွင့်ပွဲအခမ်းအနားကို ပြည်ထောင်စုဝန်ကြီး ဒေါက်တာဝင်းမြတ်အေး၊ စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်နဲ့ ဝန်ကြီးတွေ၊ စစ်ကိုင်းတိုင်းလွှတ်တော်ဥက္ကဋ္ဌ ဦးသန်းနဲ့ လွှတ်တော်ကိုယ်စားလှယ်တွေ စစ်ကိုင်းတိုင်းလူငယ်ရေးရာကော်မတီ ဥက္ကဋ္ဌ ဒေါက်တာဇော်ဝင်းနဲ့  လူငယ်ရေးရာကော်မတီဝင်တွေ တက်ရောက်ခဲ့ကြပါတယ်။  မြန်မာနိုင်ငံ လူငယ်ရေးရာ မူဝါဒကို ၂၀၁၇ ခုနှစ်က စတင်ပြဋ္ဌာန်းခဲ့ပြီး စစ်ကိုင်းတိုင်း လူငယ်ရေးရာကော်မတီကိုတော့ အစိုးရအဖွဲ့က ၄၀ ရာခိုင်နှုန်း၊ လူငယ် ၆၀ ရာခိုင်နှုန်း နဲ့ ၂၀၁၈ ခုနှစ်က စတင်ဖွဲ့စည်းခဲ့တာပါ။  အခမ်းအနားမှာ ဒေါက်တာဝင်းမြတ်အေးက လူငယ်တွေရဲ့ အခန်းကဏ္ဍ အရေးကြီးပုံတွေ၊ မူးယစ်ဆေးဝါးအန္တရာယ်တွေနဲ့ပတ်သက်လို့ ဝိုင်းဝန်းကာကွယ်တားဆီးဖို့ကိစ္စနဲ့ လူငယ်ရေးရာ ကော်မတီတွေအတွက် ဘတ်ဂျက်ခွဲဝေချထားပေးမယ့်အကြောင်းတွေကို ပြောဆိုခဲ့ပါတယ်။  လူငယ်စင်တာမှာ ပြင်ဆင်ထားတဲ့အခြေအနေတွေကိုလည်း သွားရောက်ကြည့်ရှုစစ်ဆေးခဲ့ ပါသေးတယ်။ လူငယ်စင်တာမှာတော့ လူငယ်တွေအတွက် ဘာသာစကားသင်တန်းတွေ၊ နိုင်ငံရေးသင်တန်းတွေ၊ အခြားသက်မွေးသင်တန်းတွေကိုလည်း ဖွင့်လှစ်သင်ကြားပေးသွားမယ်လို့ သိရပါတယ်။
1 year Ago
Up