လူကုန်ကူးသူများကို ဖမ်းဆီးအမှုဖွင့်

A d v e r t i s e m e n t With Us

May 18, 2019

သားအမိ ၄ ဦးအား တရုတ်ဘက် ရောင်းချခဲ့သည့် လူကုန်ကူးသူများကို ဖမ်းမိ

ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်၊ မိုင်းယုလေးကျေးရွာမှာ နေထိုင်တဲ့ သားအမိ ၄ ယောက်အား တရုတ်နိုင်ငံဘက် ပို့ဆောင်ရောင်းချခဲ့တဲ့ လူကုန်ကူးသူ ၄ ဦးကို နမ့်ခမ်းမြို့မှာ ဖမ်းဆီးမိခဲ့ပါတယ်။ အဲ့ဒီလိုသွားရောက် ရောင်းချခဲ့တဲ့ အမျိုးသမီး ၃ ဦးနဲ့ အမျိုးသား ၁ ဦးတို့ကို မေ ၁၅ ရက်နေ့က ဌာနေပြည်သူ့စစ်တပ်ဖွဲ့က ဖမ်းဆီးရမိခဲ့တာပါ။ “ကျမအမျိုးသားရဲ့ ညီလေးရဲ့ မိန်းမနဲ့ ကလေး ၃ ယောက် ပျောက်နေလို့ လိုက်ရှာတာ နမ့်ခမ်းက အိမ်ငှားတခုမှာ ကျမတို့ တူမကို ရှာတွေ့ပါတယ်။ တူမကို ခေါ်ထားတဲ့ သူတွေကို ဖမ်းပေးဖို့ ပြည်သူ့စစ်ကို အကူညီတောင်းတော့ လာဖမ်းပေးပါတယ်။ ဖမ်းပြီးတော့ စစ်မေးကြည့်တော့ ကျမ အမျိုးသား ညီလေးရဲ့ မိန်းမနဲ့ ကလေးနှစ်ယောက်ကို တရုတ်ပြည်ဘက်ကို ပို့ပြီးရောင်းလိုက်ကြောင့် သိရပါတယ်” လို့ လူကုန်းကူးခံရသူရဲ့ ဆွေမျိုးတော်သူက ပြောပါတယ်။ တရုတ်ပြည်မှာ အိမ်ထောင်ကျနေတဲ့ အစ်မရဲ့ အမျိုးသားဖြစ်သူ တရုတ်နိုင်ငံသားက မှာယူလို့ သွားရောက်ပို့ဆောင် ပေးခဲ့တာဖြစ်ပြီး ပိုဆောင်ခ ယွမ်ငွေ နှစ်သောင်းရတယ်လို့ ဖမ်းဆီးခံရသူ အမျိုးသားက ပြောပါတယ်။ “ကျနော့် မိန်းမရဲ့ သုံးယောက်မြောက် အစ်မအကြီးက တရုတ်နိုင်ငံသားနဲ့ အိမ်ထောင်ကျနေပြီး တရုတ်ပြည်မှာနေနေပါတယ်။ အစ်မ ယောက်ျားက လူလိုချင်တယ်ဆိုလို့ ကျနော်တို့ သွားပို့ ပေးပါတယ်။ မိန်းမတယောက်နဲ့ ကလေးသုံးယောက်ပါ။ အဲ့လို့ ပို့ပေးရင် တရုတ်ငွေ နှစ်သောင်းပေးမယ်ပြောပါတယ်။ အခု တစ်သောင်းပဲ ရပါတယ်။” ရောင်းချခံရသူတွေဟာ အသက် ၃၀ အရွယ် မိခင်ဖြစ်သူ အမျိုးသမီးတဦး၊ ၄ နှစ်အရွယ်နဲ့ ၂ နှစ်အရွယ် သားယောက်ျားလေး ၂ ဦးဖြစ်ပါတယ်။ ၇ အရွယ် သမီးဖြစ်သူကတော့ ၀ယ်မယ့်သူမရှိလို့ လူကုန်ကူးသူတွေ လက်ထဲမှာ ကျန်ရှိနေခဲ့တယ်။ လူကုန်ခံရတဲ့ သားအမိ ၃ ယောက်ဟာ တရုတ်နိုင်ငံ၊ ယူနန်ပြည်နယ်၊ ထိန်ခြုံး၊ ရင်ကျန်းမြို့မှာ ရှိနေတယ်လို့ လူကုန်ကူးခံရသူရဲ့ ဆွေမျိုးတော်စပ်သူက ပြောပါတယ်။ “ရောင်းခံရတာက အမေဖြစ်သူနဲ့ သားနှစ်ယောက်ပါ။ မိန်းကလေးကတော့ ယူမယ့်သူမရှိလို့ ကျန်နေတာကြောင့် လူကုန်ကူးသူတွေရဲ့ လက်ထဲကနေ ပြန်ရပါတယ်။ အခုလွတ်သွားတဲ့ လူကုန်ကူးသူ မိန်းမက ကျမတူမကို အမေလို့ ခေါ်ခိုင်ပါတယ်။ အမေ မခေါ်ရင် ရိုက်တယ်လို့ တူမက ပြန်ပြောပြပါတယ်။ ဖမ်းထားမိသူတွေကို မေးကြည့် သားအမိသုံးယောက်လုံး တရုတ်ပြည် ထိန်ခြူံး ရင်ကျန်းမှာ ရှိနေတယ်လို့ ဖြေပါတယ်” လို့ လူကုန်းကူးခံရသူရဲ့ ဆွေမျိုးတော်သူက ပြောပါတယ်။ ဒီလူကုန်ကူးမှုကို အဓိက ဦးဆောင်သူကတော့ လွတ်မြောက်နေဆဲဖြစ်ပါတယ်။ ဌာနေပြည်သူ့စစ်အဖွဲ့က ဖမ်းဆီးထားတဲ့ လူကုန်ကူးသူ ၄ ဦးထဲက အမျိုးသမီးတဦးကတော့ ဖမ်းဆီးထားစဉ်မှာ ထွက်ပြေး လွတ်မြောက်သွားလို့ အမျိုးသား ၁ ဦးနဲ့ အမျိုးသမီး ၂ ဦးအား နမ့်ခမ်းမြို့မရဲစခန်းကို မေ ၁၇ ရက်နေ့က အပ်နှံခဲ့ပါတယ်။ မြန်မာနိုင်ငံရဲ့ လူကုန်ကူးမှုဖြစ်စဉ်ရဲ့ ရာခိုင်နှုန်း ၈၀ ကျော်ဟာ တရုတ်နိုင်ငံကို ပို့ဆောင်တာဖြစ်ပါတယ်။ ပြီးခဲ့တဲ့ ၂၀၁၈ ခုနှစ်က အမှုပေါင်း ၄၀ ဖော်ထုတ်နိုင်ခဲ့ပြီး တရားခံ မ ၆၆ ဦး၊ ကျား ၂၃ ဦးကို အရေယူနိုင်ခဲ့ကာ လူကုန်ကူးခံရသူ ၁၉၁ ဦးကို တရုတ်ကနေ လွှဲပြောင်းရယူနိုင်ခဲ့တယ်။ ဒါ့အပြင် ၂၀၁၈ ခုနှစ်အတွင်း တရုတ်ပြည်က ပြန်လည်လွှဲပြောင်းတဲ့ တရားမ၀င်မြန်မာလုပ်သား ကျား (၉၉၅၃) ဦးနဲ့ မ (၂၆၃၄) ဦးကို လွှဲပြောင်းလက်ခံရရှိခဲ့လို့ မူဆယ် လူကုန်ကူးမှုတားဆီးနှိမ်နင်းရေး ရဲတပ်ဖွဲ့ရဲ့ တာဝန်ရှိသူက ဆိုပါတယ်။
2 years Ago

January 21, 2017

မြန်မာအမျိုးသမီးများအား တရုတ်အမျိုးသားနှင့် လက်ထပ်ပေးရန် လူကုန်ကူးသူများကို ဖမ်းဆီးအမှုဖွင့်

ရန်ကုန်တိုင်းဒေသကြီး၊ လှိုင်သာယာမြို့နယ်၊ ထီးလှိုင်ရှင်အိမ်ယာ၊ တိုက်အမှတ် ၂၈၊ အခန်း ၃၀၁၊ ၄ လွှာမှာ တရုတ်နိုင်ငံ ပို့ဆောင်ရောင်းစားဖို့အတွက် အမျိုးသမီးငယ်တွေအား စည်းရုံးပြောဆို သူတွေကို ဖမ်းမိခဲ့ပါတယ်။ သတင်းပေးချက်အရ  ဇန်န၀ါရီ ၁၆ ရက် မွန်းလွဲ ၁ နာရီက အမှတ်(၆) လူကုန်ကူးမှု တားဆီးနှိမ်နင်းရေးတပ်ဖွဲ့စု(ရန်ကုန်)မှ ယာယီရဲမှူး မျိုးသိန်းနဲ့ ပူးပေါင်းအဖွဲ့ဝင်တွေ ဝင်ရောက်ရှာဖွေရာ တရုတ်ယောက်ျားယူဖို့ စည်းရုံးပြောဆိုသူ မမြတ်နိုး(ခ)မြင့်မြင့်စိုးပါ ၃ ဦးကို ဖမ်းဆီးရမိပြီး လှိုင်သာယာမြို့မရဲစခန်းက လူကုန်ကူးမှုတားဆီး ကာကွယ်ရေး ဥပဒေနဲ့ အမှုဖွင့် အရေးယူခဲ့တယ်လို့ ရန်ကုန်တိုင်းရဲတပ်ဖွဲ့ ဖေ့စ်ဘွတ်ခ်စာမျက်နှာမှာ ဖော်ပြထားပါတယ်။ ဖြစ်စဉ်မှာ လှိုင်သာယာမြို့နယ်နေသူ မ---- နှင့် ဒဂုံမြို့သစ်တောင်ပိုင်းမြို့နယ် နေသူ မ----တို့ ၂ ဦးကို လွန်ခဲ့တဲ့ ၁ လခန့်က မမြတ်နိုးနဲ့ ခင်ပွန်း တရုတ်နိုင်ငံသား Mr.LIJIE နဲ့ မနီလာဝင်း ဆိုသူတို့မှ တရုတ်အမျိုးသားနဲ့ လက်ထပ်ပေါင်းသင်းပါက ချမ်းသာစွာနေရမယ့်အပြင် မိသားစုစားဝတ်နေရေးကိုလည်း ထောက်ပံ့နိုင်မည်ဖြစ်ကြောင်း စည်းရုံးပြောဆိုခဲ့တယ်လို့ ဆိုပါတယ်။ သူတို့နှစ်ဦးအား တဦးကို မြန်မာ ကျပ်ငွေ ၁၅ သိန်းပေးမယ်လို့ ပြောဆိုစည်းရုံးပြီး တရုတ် နိုင်ငံ သွားရောက်ဖို့ နိုင်ငံကူး လက်မှတ်ပြုလုပ်နေစဉ် မမြတ်နိုးတို့ ၃ ဦး လွန်ခဲ့တဲ့ ၂ လလောက်က တရုတ်နိုင်ငံကို ပို့ဆောင်ရောင်းစားခံခဲ့ရသူ ဒဂုံမြို့သစ်တောင်ပိုင်းနေသူ မ----၏သူငယ်ချင်းက ဖုန်းဆက်သွယ်လာပြီး သူမကို ငွေကျပ်သိန်း ၂၀ ပေးမယ်လို့ စည်းရုံးပြီး တရုတ်နိုင်ငံကို ပို့ဆောင်ခဲ့ကြောင်း၊ တရုတ်နိုင်ငံ ရောက်တဲ့အခါ ယွမ် ၂ သိန်းနဲ့ တရုတ်အမျိုးသားထံ ရောင်းစားခံခဲ့ရကြောင်း၊ မိခင်ဖြစ်သူထံအကြောင်းကြားပေးဖို့နဲ့ တရုတ်နိုင်ငံကို လိုက်မလာဖို့၊ လိုက်လာပါက ထပ်မံရောင်းစား ခံရမယ်လို့ ပြောကြားခဲ့တယ်လို့ ဆိုပါတယ်။ စစ်ဆေးပေါ်ပေါက်ချက်တွေအရ တရုတ်အမျိုးသားနဲ့ လက်ထပ်ဖို့ စည်းရုံးပြောဆိုခဲ့တဲ့ မမြတ်နိုးနဲ့ခင်ပွန်း တရုတ်နိုင်ငံသား Mr.LIJIE နိုင်ငံကူးလက်မှတ် E-4558 8273 တရုတ်နိုင်ငံ၊ ဟက်ဗစ်ပြည်နယ်၊ ဖူးကျုံးမြို့ဇာတိနဲ့ လှိုင်သာယာမြို့နယ် နေသူ မနီလာဝင်းတို့ကို လှိုင်သာယာမြို့မရဲစခန်း (ပ) ၁၅၅/၂၀၁၇၊ လူကုန်ကူးမှုတားဆီးကာကွယ် ရေးဥပဒေ-၂၄/၃၂ နဲ့ အမှုဖွင့် အရေးယူ ထားတယ်လို့ သိရပါတယ်။
4 years Ago
Up