လုံခြုံရေး တင်းကျပ်

June 10, 2018

ထိပ်သီးဆွေးနွေးပွဲ ကျင်းပမည့် စင်ကာပူတွင် လုံခြုံရေး တင်းကျပ်

အမေရိကန် သမ္မတ ဒေါ်နယ်ထရမ့်နဲ့ မြောက်ကိုရီးယား ခေါင်းဆောင် ကင်ဂျုံအန်းတို့ တွေ့ဆုံဖို့ လာရောက်မှာဖြစ်တဲ့အတွက် စင်ကာပူနိုင်ငံမှာ လမ်းတွေပိတ်ထားဖို့ အရံအတားတွေကို ဇွန်လ ၉ ရက် မွန်းလွဲပိုင်းမှာ စတင်ချထားပြီး လုံခြုံရေး တင်းကျပ်ထားပါတယ်။ ဈေးဝယ် ထွက်ကြတဲ့နေရာ အော်ချတ်လမ်းနားက စိန့်ရေးဂစ်နဲ့ ရှန်ဂရီလာ ဟိုတယ် ပတ်လည်မှာ လုံခြုံရေး တင်းကြပ်ထားပါတယ်။ ဒီဇိမ်ခံဟိုတယ်တွေမှာ ထရမ့်နဲ့ကင်ဂျုံအန်းတို့ ခရီးစဉ်အတွင်း နေထိုင်ကြလိမ့်မယ် လို့လည်း သတင်းတွေ ပေါ်ထွက်နေပါတယ်။ ဒါပေမယ့် ဟိုတယ် ၂ ခုလုံးကတော့ အတည်မပြုခဲ့ပါဘူး။ ထရမ့်ဟာ နျူကလီးယား လက်နက်အစီအစဉ် စွန့်လွှတ်ရေး အပေးအယူအနေနဲ့ ဖိအားနဲ့ နှစ်သိမ့်မှုရောပြီး ပေးဖို့ရှိတယ်လို့ သူ့လက်ထောက်တွေနဲ့ အုပ်ချုပ်ရေး အရာရှိဟောင်းတွေက ပြောပါတယ်။ အမေရိကန်နဲ့ မြောက်ကိုရီးယားခေါင်းဆောင် ကင်ဂျုံအန်းတို့ရဲ့ ထိပ်သီးဆွေးနွေးပွဲကို စင်ကာပူနိုင်ငံမှာ ဇွန် ၁၂ ရက်နေ့ ပြုလုပ်မယ်လို့ အမေရိကန်သမ္မတ ဒေါ်နယ်ထရမ့်က ပြောကြားထားပါတယ်။
3 years Ago

March 12, 2017

လောက်ကိုင်တိုက်ပွဲကြောင့် တရုတ်ဘက်ခြမ်း လုံခြုံရေး တင်းကျပ် (ရုပ်သံ)

by dvburma ကိုးကန့်ကိုယ်ပိုင်အုပ်ချုပ်ခွင့်ဒေသ လောက်ကိုင်မှာ ဖြစ်ပွားနေတဲ့ တိုက်ပွဲတွေကြောင့်  တရုတ်-မြန်မာနယ်စပ်က တရုတ်ဘက်ခြမ်းမှာ လုံခြုံရေးတွေ တိုးမြှင့်ချထားတယ်လို့ ဒေသခံတွေက ပြောပါတယ်။ "ပြီးခဲ့တဲ့ ၉ ရက်နေ့တုန်းကတော့ သူတို့ ဒီနန်းဆန်ထဲမှာပဲ လုံခြုံရေး တင်းကျင့်ထားတာ။ ပြီးတော့ နယ်စပ်နဲ့ ၂ ဖာလုံမသွားခိုင်းဘူး။ အဲနယ်စပ်နားက ဟိုတယ်တွေလည်း အကုန်ပိတ်ထားရတယ်။ အခုတော့ စစ်ကားတွေနဲ့ မနေ့ကတည်းက စပြီးတော့ လုံခြုံရေးတွေ လုပ်လာတယ်။ တော်တော်တော့ များတယ်" လို့ တရုတ်နိုင်ငံ နန်းဆန်ဒေသခံ ဝမ်အိုက်တင်က ပြောပါတယ်။ မတ်လ ၁၀ ရက်နေ့ကလည်း နန်းဆန်မြို့ရဲ့ မြောက်ဘက်မှာ လက်နက်ကြီး ကျရောက်မှုကြောင့် တရုတ်ဒေသခံတစ်ဦး သေဆုံးသွားတယ်လို့ နန်းဆန် သတင်းဌာနတစ်ခု ဖြစ်တဲ့ ကွမ်ပေါကျွေ သတင်းဌာနမှာ ဖော်ပြထားပါတယ်။ ဒါနဲ့ပတ်သက်လို့ ဒေသခံတဦးကို မေးမြန်းရာမှာ " မနေ့က ကျနော်တို့ရွာ ရှောက်ချန်းကိုးမှာ ရွာဥက္ကဋ္ဌရဲ့ အိမ်ခေါင်းမိုးပေါ် ကျဉ်ဆန်တစ်လုံး ရောက်လာလို့ ခေါင်းမိုးရော ပေါက်သွားတယ်။ အဲတာကိုလည်း ရဲတွေ စစ်ဆေးချက်တွေ ယူပြီး ယူသွားတယ်။ ပြီးတော့ မနေ့ ၄ နာရီခွဲမှာ နန်းဆန်မြို့တိုက်ပေါ်မှာလည်း လက်နက်ကြီး ၂ လုံးကျလို့ ပြီးတော့ ကျနော်တို့တောင် ဗွီဒီယိုသွားရိုက်သေးတယ်" လို့ပြောပါတယ်။ "လက်ရှိကတော့ သူတို့တွေ လုံခြုံရေးကို တော်တော်တင်းကျပ်ထားတယ်။ အဲဒီနယ်စပ်နားလေးမှာပေါ့။ ပြီးတော့ လက်နက်ကြီး ခဏခဏကျလို့ ပြည်သူတွေလည်း စိုးရမ်နေကြတယ်။ သူတို့ ကြံခုတ်လို့ မပြီးသေးဘူးလေ" လို့ ဝမ်အိုက်တင်က ဆက်ပြောပါတယ်။ တိုက်ပွဲကြောင် မြန်မာဘက်ခြမ်းက စစ်ရှောင်ဒုက္ခသည်တွေ တရုတ်ပြည်ဘက် ခိုလှုံနေတာ ၂ သောင်းကျော်အထိရှိနေပါတယ်။ ကိုးကန့်တိုက်ပွဲက ၇ ရက်တိုင်တိုင် ရှိလာပြီဖြစ်ပေမယ် တိုက်ပွဲငြိမ်သက်သွားခြင်းမရှိဘဲ ဆက်လက်ဖြစ်ပွားနေပါတယ်။ သတင်း - နိုင်နိုင် ရုပ်သံ - တရုတ်ဘက်ခြမ်း ဒေသခံတဦး
5 years Ago
Up