ကုလလုံခြုံရေးကောင်စီမှာ ပြုလုပ်တဲ့ ဆီးရီးယား လူ့အခွင့်အရေးဆိုင်ရာ အစည်းအဝေးကို  ရုရှားက တားမြစ်ပိတ်ပင်ခဲ့ပါတယ်။ မတ်လ ၁၉ ရက်နေ့က လူ့အခွင့်အရေး မဟာမင်းကြီး ရာအက် အယ်ဟူစိန် ပါဝင်တဲ့ ဆီးရီးယား လူ့အခွင့်ရေးဆိုင်ရာ အစည်းအဝေး ကျင်းပဖို့ ပြင်သစ်နဲ့ တခြားအဖွဲ့ဝင် ၆ နိုင်ငံက တောင်းဆိုခဲ့ပါတယ်။ ရုရှားကတော့ အဲဒီအစည်းအဝေး ကျင်းပမှာကို တားမြစ်ပြီး မဲခွဲဆုံးဖြတ်ပေးဖို့ တောင်းဆိုခဲ့ပါတယ်။ “ရုရှားဖက်ဒရေးရှင်းဟာ ဒီကနေ့ အစည်းအဝေး ပြုလုပ်မှာကို ဆန့်ကျင်ပါတယ်။ ဒီအစည်းအဝေးနဲ့ပတ်သက်လို့ မတ်လ ၁၆ ရက်နေ့က လုပ်ဖော်ကိုင်ဘက်တွေကို အသိပေးထားပါတယ်။ လူ့အခွင့်အရေးဟာ လုံခြုံရေးကောင်စီရဲ့ လုပ်ငန်းစဉ်မှာ မပါဝင်တဲ့အတွက် အခုအစည်းအဝေးဟာ မှန်ကန်မှုမရှိဘူးလို့ ကျနော်တို့ ရှုမြင်ပါတယ်။ ဂျနီဗာမှာ လုပ်ဆောင်နေတဲ့ လူ့အခွင့်အရေးကောင်စီ ရှိပါတယ်။ မစ္စတာ ရာအက် အယ်ဟူစိန်ဟာ အစည်းအဝေးပြုလုပ်ဖို့ နယူးယောက်ကို ရောက်ရှိနေတာဟာ ယုံကြည်ဖွယ်ကောင်းတဲ့ အကြောင်းပြချက် မဟုတ်ပါဘူး” လို့ ကုလသမဂ္ဂဆိုင်ရာ ရုရှား အမြဲတမ်း ဒု-ကိုယ်စားလှယ်   ဂျင်နာဂျီကူဇမင်က ပြောကြားခဲ့ပါတယ်။ ဆက်လက်ပြီး သူက “ဒီလုပ်ငန်းစဉ်ကို အရှေ့အလယ်ပိုင်း အခြေအနေဆိုပြီး ဖော်ပြထားပါတယ်။ အရှေ့အလယ်ပိုင်းမှာ ဖြစ်နေတဲ့ အခြေနေတွေကို ကျေန်ာတို့ မဆန့်ကျင်ပါဘူး။ အဆိုပြုထားတဲ့ ဒီနေ့အစည်းအဝေး ကျင်းပမှာကိုပဲ ကျေန်ာတို့ ဆန့်ကျင်တာပါ။ ဒီအတွက်  သင့်တေ်ာစွာ ဆန္ဒမဲပေးကြဖို့ ကျေနာ် တောင်းဆိုပါတယ်” လို့ ပြောပါတယ်။ မဲခွဲခဲ့ရာမှာတော့ အစည်းအဝေး ထောက်ခံမဲ ၈ မဲသာရှိခဲ့ပြီး တမဲ လိုအပ်ခဲ့ပါတယ်။ တရုတ်၊ ဘိုလီးဗီးယား၊ ကာဇက်စတန်တို့က ရုရှားဘက်ကနေ ရပ်တည်ပြီး အိုင်ဗရီကို့စ်၊ အီကွေတိုရီရယ်ဂီနီနဲ့ အီသီယိုးပီးယားတို့က ကြားနေခဲ့ကြပါတယ်။ ပြင်သစ်နဲ့အတူ အစည်းအဝေးပြုလုပ်ဖို့ ထောက်ခံတဲ့ နိုင်ငံတွေကတော့ ဗြိတိန်၊ ဆွီဒင်၊ ပိုလန်၊ ဟော်လန်၊ အမေရိကန်၊ ပီရူးနဲ့ ကူဝိတ်နိုင်ငံတို့ ဖြစ်ကြပါတယ်။

မြောက်ကိုရီးယားအပေါ် နိုင်ငံတကာက ပိုမိုပြင်းထန်တဲ့ ပိတ်ဆို့မှုတွေလုပ်ဖို့ ကုလသမဂ္ဂ လုံခြုံရေးကောင်စီက မတ် ၂ ရက်နေ့မှာ တညီတညွတ်တည်း အတည်ပြု ပြဋ္ဌာန်းလိုက်ပါတယ်။ နဂိုပိတ်ဆို့အရေးယူမှုတွေအပေါ် ထပ်ဆောင်း အရေးယူလိုက်တာဖြစ်ပြီး နှစ်ပေါင်း ၂၀ အတွင်း မြောက်ကိုရီးယားနိုင်ငံအပေါ် အပြင်းထန်ဆုံး ပိတ်ဆို့အရေးယူမှုတွေလို့ ဆိုပါတယ်။ မြောက်ကိုရီးယားနိုင်ငံက ကုလသမဂ္ဂ ပိတ်ပင်မှုတွေကို ချိုးဖောက်ပြီး ပြီးခဲ့တဲ့လက နျူကလီးယား စမ်းသပ်ဖောက်ခွဲမှု လုပ်ဆောင်ခဲ့လို့ အခုလို တဆင့်မြှင့် ပိတ်ဆို့အရေးယူဖို့ လုံခြုံရေးကောင်စီက ဆုံးဖြတ်လိုက်တာပါ။ ဒီဆုံးဖြတ်ချက်အရ မြောက်ကိုရီးယားနိုင်ငံကို ၀င်ထွက်တဲ့ ကုန်တင်သင်္ဘောမှန်သမျှ ကုလသမဂ္ဂရဲ့ အစီအစဉ်နဲ့ တက်ရောက်စစ်ဆေးကြရမှာဖြစ်ပြီး နောက်ထပ် နာမည်ပျက်စာရင်း တင်သွင်းခံရသူ လူပုဂ္ဂိုလ်တွေ၊ အဖွဲ့အစည်းတွေလည်း ထပ်တိုးလိုက်ပါတယ်။ မြောက်ကိုရီးယားကို လက်နက်ငယ်နဲ့ အပေ့ါစားလက်နက်တွေ ရောင်းချမှု၊ တင်ပို့မှု အားလုံးကိုလည်း ပိတ်ပင်လိုက်ပါတယ်။ မြောက်ကိုရီးယားအပေါ် ပြင်းထန်တဲ့ ပိတ်ဆို့မှုတွေလုပ်ပြီး နိုင်ငံတွင်း မတည်မငြိမ် ဖြစ်လာမှာကိုတော့ မြောက်ကိုရီးယားနိုင်ငံရဲ့ အဓိက မဟာမိတ်ဖြစ်တဲ့ တရုတ်နိုင်ငံက မလိုလားဘူးလို့ ပြောဆိုထားပါတယ်။ ဒီပိတ်ဆို့အရေးယူနုိုင်ရေးကိစ္စ အမေရိကန်နဲ့ တရုတ်နိုင်ငံတို့ သီတင်းပတ် ၇ ပတ်ကြာ ဆွေးနွေးခဲ့ရပါတယ်လို့ သတင်းတွေက ဆိုပါတယ်။