လုံခြုံရေးဂိတ်

October 11, 2021

ဇီးကုန်းမြို့နယ် လုံခြုံရေးဂိတ် လက်ပစ်ဗုံး ပစ်ခံရပြီး ရဲ ၂ ဦး သေဆုံး

ပဲခူးတိုင်း၊ ဇီးကုန်းမြို့နယ်၊ လုံခြုံရေးဂိတ်ကို အောက်တိုဘာ ၁၀ ရက်၊ ည ၁၁ နာရီကျော်လောက်က လက်ပစ်ဗုံးနဲ့ ပစ်ခတ်တိုက်ခိုက်ခဲ့တဲ့အတွက် တာဝန်ကျ ရဲ ၂ ဦး သေဆုံးကာ ၂ ဦး ဒဏ်ရာရရှိကြောင်း ဒေသခံတွေထံက သိရပါတယ်။

“တာဝန်ကျ ရဲတပ်သား သင်္ကြန်အောင်ကတော့ ဗုံးစမှန်လို့ အဲဒီနေရာမှာပဲ သေတယ်။ ရဲတပ်သား ဝင်းမော်ဦးက ဆေးရုံတင်ထားရင်း ဒီမနက် ဆုံးသွားပြီ။ ဘယ်သူ လာပစ်လဲတော့ မသိဘူး” လို့ ဒေသခံတစ်ဦးက ပြောပါတယ်။

လက်ပစ်ဗုံး ထိမှန်ခဲ့တဲ့ ရဲဒုတပ်ကြပ် ပြည့်စုံအောင်နဲ့ ရဲတပ်သားဇေယျာဖြိုးတို့ကတော့ ဒဏ်ရာ ပြင်းထန်တဲ့အတွက် ဆေးရုံမှာ ဆေးကုသမှု ခံယူနေရပါတယ်။

1 week Ago
Up