လုပ်ခလစာ ၅၆၀၀ ကျပ်

April 1, 2018

လုပ်ခလစာ ၅၆၀၀ ကျပ်ထက်မနည်းရရှိရေး မန္တလေး စက်ရုံအလုပ်သမားများ ဆန္ဒပြ

အနည်းဆုံး လုပ်ခလစာ ၅၆၀၀ ကျပ်ထက်မနည်းရရှိရေးအတွက် မန္တလေးမြို့၊ စက်ရုံ ၁၅ ခုက အလုပ်သမားတွေ ဒီနေ့မနက်က ဆန္ဒထုတ်ဖော် တောင်းဆိုခဲ့ပါတယ်။ မန္တလေးမြို့၊ မဟာအောင်မြေမြို့နယ်၊ မနော်ရမ္မံပြည်သူ့ဟစ်တိုင်ကွင်းမှာ စက်ရုံ အလုပ်ရုံတွေက အလုပ်သမား ၁၀၀ လောက်ဟာ အနည်းဆုံးလုပ်ခလစာ ၅၆၀၀ ကျပ်ထက် မနည်းရရှိရေး၊ အလုပ်သမားတွေ အငြင်းပွားတာတွေကို မြန်မြန်ဆန်ဆန် ဖြေရှင်းပေးရေး၊ လာဘ်ပေးလာဘ်ယူ ပပျောက်ရေး၊ လုပ်သက်ကြေး၊ ကျွမ်းကျင်ကြေးတွေ သတ်မှတ်ပေးရေး စတာတွေကို တောင်းဆိုခဲ့ကြပါတယ်။ မြန်မာနိုင်ငံ စက်မူလက်မှုနဲ့ ဝန်ဆောင်မှု လုပ်ငန်းပေါင်းစုံ အလုပ်သမားသမဂ္ဂ အတွင်းရေးမှူး     ဦးသက်နှင်းအောင်က “အဓိကတောင်းဆိုချက်ဖြစ်တဲ့ အနည်းဆုံးအခကြေးငွေ ဥပဒေပုဒ်မ (၁၄/က) ကို အလုပ်ရှင်တွေအနေနဲ့ လုံးဝမချိုးဖောက်ဖို့ပြောချင်တယ်။ အခုတောင်းဆိုနေတဲ့အချက်တွေကို မရမချင်း ဆက်ပြီးတောင်းဆိုသွားမှာဖြစ်တယ်” လို့ ပြောပါတယ်။ ဒီဆန္ဒပြပွဲမှာ အီလန်ဆပ်ပြာစက်ရုံ၊ Ve Ve အချိုရည် စက်ရုံ၊ အာရှ အချိုရည်စက်ရုံ၊ စိန်ကမ္ဘာအထည်စက်ရုံနဲ့ ပေါ်ပီ မုန့်စက်ရုံ စတဲ့ စက်ရုံပေါင်း ၁၅ ခုက အလုပ်သမားတွေ ပါဝင်ကြပါတယ်။
3 years Ago
Up