လီဗာပူး

October 24, 2022

ဒေါ့မွန်က ဂျာမန်ကြယ်ပွင့် မူကိုကို ကို ခေါ်ယူရန် လီဗာပူးအသင်း ဦးဆောင်

လီဗာပူးအသင်းဟာ ထိပ်တန်းကလပ်တွေရဲ့ ပစ်မှတ်တိုက်စစ်မှူး မူကိုကို ကို ခေါ်ယူဖို့ ထိပ်ဆုံးကနေ ဦးဆောင်နေပါတယ်။ 

အသက် ၁၇ နှစ်ပဲရှိသေးတဲ့ ဂျာမနီ ယူ- ၂၁ လက်ရွေးစင် ယူဆွတ်ဖာ မူကိုကိုဟာ ဒေါ့မွန်အသင်းမှာ ခြေစွမ်းပြနေပြီး ဘွန်ဒက်စ်လီဂါ ၁၀ ပွဲ ကစားအပြီးမှာ ၄ ဂိုးသွင်း ၂ ဂိုး ဖန်တီးနိုင်ခဲ့ပါတယ်။ 

သူဟာ အခုနှစ်ရာသီအကုန်မှာ ဒေါ့မွန်နဲ့ စာချုပ်သက်တမ်းကုန်ဆုံးမှာဖြစ်လို့ ဘာစီလိုနာ၊ ရီးရဲလ်မက်ဒရစ်၊ ပီအက်စ်ဂျီအသင်းတွေက ခေါ်ယူဖို့ အပြိုင်စိတ်ဝင်စားနေကြတာပါ။

လက်ရှိအချိန်မှာ လီဗာပူးအသင်းက လက်ဦးမှုရယူနိုင်ဖို့ နီးစပ်နေပြီး ဂျာမန်နည်းပြ ယာဂန်ကလော့ပ်ကြောင့် တခြားအသင်းတွေထက် ပိုပြီးရေပန်းစားလာခဲ့တာပါ။

နည်းပြကလော့ပ်ကိုယ်တိုင်ကလည်း မူကိုကိုရဲ့ခြေစွမ်းကို ချီးကျူးခဲ့ဖူးတာကြောင့် မူကိုကို ကိုခေါ်ယူလိမ့်မယ်လို့ စပိန်သတင်းစာ Sport ကဖော်ပြပါတယ်။ 

1 month Ago

October 23, 2022

အနိုင်ရသင့်သည့်ပွဲ ရှုံးနိမ့်ခဲ့ရသည့်အပေါ် လီဗာပူးနည်းပြ ကလော့ပ်စိတ်ပျက်

နော်တမ်ဟမ်ဖောရက်စ်နဲ့ ပွဲစဉ်မှာ နိုင်ပွဲရယူခဲ့သင့်ပေမယ့် ရှုံးပွဲတွေ့ခဲ့ရတဲ့ပေါ် စိတ်ပျက်စရာဖြစ်ခဲ့ကြောင်း လီဗာပူးနည်းပြကလော့ပ်က ပြောပါတယ်။

လီဗာပူးအသင်းဟာ တန်းတက်နော်တမ်ဟမ်ကို အဝေးကွင်းမှာတစ်ဂိုးဂိုးမရှိနဲ့ ရှုံးနိမ့်ခဲ့ရပြီး ထိပ်ဆုံးကအသင်းတွေနဲ့ အမှတ်ကွာဟချက်ပိုမိုကြီးမားလာခဲ့ပါတယ်။

နည်းပြကလော့ပ်ကတော့ အနိုင်ရသင့်တဲ့ပွဲမှာ အနိုင်မရခဲ့တာလို့ စိတ်ပျက်စကားဆိုခဲ့ပြီး ဒီလိုပွဲမှာရှုံးနိမ့်ခဲ့ရတာကို နားမလည်မိကြောင်း ပွဲအပြီးမှာပြောပါတယ်။

လီဗာပူးအသင်းမှာ အဓိက ကစားသမားတွေဖြစ်တဲ့ ဒီယက်ဇ်၊ ဂျိုတာ၊ မာတစ်၊အယ်ကန်တာရာနဲ့ နူညက်ဇ်တို့ ပါဝင်နိုင်ခြင်း မရှိခဲ့တာကြောင့်လည်း ရလဒ်ကောင်းရယူနိုင်ခြင်းမရှိခဲ့တာပါ။

ပွဲကြီးပွဲကောင်းတွေကို ၆ ပွဲဆက်တိုက် ကစားသမား အကန့်အသတ်နဲ့ယှဉ်ပြိုင်ခဲ့ရတာကိုလည်း နည်းပြကလော့ပ်က ထောက်ပြသွားခဲ့ပြီး အဆုံးထိ တိုက်ပွဲဝင်သွားဖို့သာ ရှိတော့ကြောင်း မှတ်ချက်ပေးသွားခဲ့ပါတယ်။

1 month Ago
More News
Up