လွိုင်ကော်

July 3, 2018

ဗိုလ်​ချုပ်​​ကြေးရုပ်​ ဆန္ဒပြလူထုကို လွိုင်ကော်ရဲတပ်ဖွဲ့ ဖြိုခွင်း (ရုပ်သံ)

ကယားပြည်နယ်၊ လွိုင်ကော်မြို့တော်မှာ ဗိုလ်​ချုပ်​​ကြေးရုပ်​ ထားရှိမှာကို ကန့်ကွက်တဲ့ ဒေသခံ​ တိုင်းရင်းသား​တွေရဲ့ ဆန္ဒပြပွဲကို ဒီကနေ့ လွိုင်ကော် ရဲတပ်ဖွဲ့ဝင်တွေက ဖြိုခွင်းလူစုခွဲခဲ့ပါတယ်။ ဗိုလ်ချုပ်အောင်ဆန်း ကြေးရုပ်တု လွိုင်ကော်မှာ မထားရှိဖို့ စစ်ကြောင်း ၃ ကြောင်းနဲ့ ချီတက်ဆန္ဒပြသူတွေ လွိုင်ကော်မြို့ နာရီစင်မှာ ဆုံကြပြီး လူထုဟစ်တိုင်ကွင်းမှာ သွားရောက် ဟောပြောဖို့အသွားမှာ ရဲတပ်ဖွဲ့ဝင်တွေက  တားဆီးခဲ့တာပါ။ ဆန္ဒပြခေါင်းဆောင် တဦးဖြစ်တဲ့ ဆရာသောမတ်စ်က “ကျနော်တို့ ဟစ်တိုင်ရှိတဲ့ နေရာသွားဖို့ ပန်းခြံသွားဖို့ ညှိတယ်။ ညှိလို့မရတော့ ကျနော်တို့လူထုတွေကလည်း နေပူထဲမှာ အကြာကြီးခံနေပြီး သူတို့က အထက်နဲ့ညှိမယ်ဆိုပြီး ပြောတယ်။ ပြောတော့ လူထုတွေက မခံနိုင်တော့ဘူး။ အဲဒါ ကျနော်တို့ ဝင်တိုးရင်းနဲ့ ရုန်းရင်းဆန်ခတ်တွေ ဖြစ်သွားတယ်။  ကျနော်တို့ လူထုခေါင်းဆောင်ထဲက တယောက် ဖမ်းတယ်။ အချုပ်ကားထဲ ထည့်တယ်။ ပူးပေါင်းပါဝင်တဲ့ ရွာသားတွေကို လက်ထိပ်ခတ်တယ်။ ဆိုတော့ အဲဒါကို ကျနော်တို့ ပြန်ပြီးတောင်းဆိုတယ်။ ကျနေ်ာတို့လူကို ချက်ချင်းလွှတ်ပေးဖို့ ထိုင်သပိတ်တွေ လုပ်တယ်။ ထိုင်သပိတ်လုပ်တော့ သူတို့ ပြန်လွှတ်ပေးတယ်။ ပြန်လွှတ်ပေးလိုက်တော့ ကျနေ်ာတို့ လူစုပြန်ခွဲသွားတယ်။” လို့ ပြောပါတယ်။ ဒီလို ရုန်းရင်းဆန်ခတ် ဖြစ်ပြီးနောက် ဆန္ဒပြတဲ့ လူထုတွေက လူစုခွဲကာ အိမ်ပြန်ခဲ့ရလို့ ရည်မှန်းထားတဲ့ နေရာကို မရောက်နိုင်ခဲ့ပါဘူး။ ဗိုလ်ချုပ်ကြေးရုပ် လွိုင်ကော်မှာ မထားဖို့ ဆက်လက်ကန့်ကွက်သွားမှာ ဖြစ်တယ်လို့ ဆန္ဒပြသမားတွေက ပြောပါတယ်။
3 years Ago

June 4, 2018

လွိုင်ကော်တွင် ယမ်းချောင်း ၅၀၀၀ ခန့်နှင့် ဖောက်ခွဲရေးပစ္စည်းများ ဖမ်းမိ

ကယားပြည်နယ်၊ လွိုင်ကော်မြို့နယ်မှာ ယမ်းချောင်း ၄,၈၀၀ ချောင်းနဲ့ စနစ်တံကြိုးတွဲလျက် ဒီတိုနေတာ အချောင်း ၄,၀၀၀ ဖမ်းဆီးရမိခဲ့တယ်လို့ ပြည်ထဲရေးက သတင်းထုတ်ပြန်ပါတယ်။ ဇွန် ၃ ရက်နေ့ မနက် ၁၂ နာရီလောက်က လွိုင်ကော်မြို့နယ် နွားလဝိုးကျေးရွာ စက်မှုဇုန်ရှိ ယာဉ်ကြီးရပ်နားစခန်းသိုလှောင်ရုံကို ကယားပြည်နယ် သတ္တုတွင်းဦးစီးဌာန ပြည်နယ်ဦးစီးမှူး ဦးဆောင်တဲ့အဖွဲ့က ရှောင်တခင် ဝင်ရောက်စစ်ဆေးရာမှာ ဖမ်းဆီးမိခဲ့တာပါ။ ဒေါ်မြမြစိမ်း(ခ)အားတုံ ငှားရမ်းထားတဲ့ သိုလှောင်ရုံအခန်းအမှတ် (၉/၁၀) အတွင်းမှာ စက္ကူဖာနဲ့ ထည့်ထားတဲ့ အရှည် ၉ လက်မ၊ လုံးပတ် ၃ လက်မခန့်ရှိ ယမ်းချောင်း ၄,၈၀၀ ချောင်း၊ အရှည် ၁၂ ပေခန့်ရှိ အဖြူရောင်စနက်တံကြိုးနဲ့ တွဲလျက် အရှည် ၂ လက်မခန့်ရှိ အနက်ရောင် ဒီတိုနေတာ ၄,၀၀၀ ချောင်းတို့အား သိမ်းဆည်းရမိခဲ့တယ်လို့ ဆိုပါတယ်။ ဖမ်းဆီးမိသူ ဒေါ်မြမြစိမ်း(ခ)အားတုံကို လွိုင်ကော်မြို့မရဲစခန်းက လက်နက်ဥပဒေပုဒ်မ ၁၉ (စ) နဲ့ အမှုဖွင့် စစ်ဆေးနေတယ်လို့ သိရပါတယ်။ ဓာတ်ပုံ - ပြည်ထဲရေး
3 years Ago
More News
Up