လိုင်ယွန်

January 14, 2021

တိုက်စစ်မှူး ဒမ်ဘီလီကို အက်သလက်တီကိုက အငှားခေါ်ယူ  

အက်သလက်တီကိုအသင်းဟာ လိုင်ယွန်တိုက်စစ်မှူး မူဆာဒမ်ဘီလီကို အငှားနဲ့ခေါ်ဖို့ အပြီးသတ် ဆောင်ရွက်နိုင်ခဲ့ပြီဖြစ်ပါတယ်။ ဒီစာချုပ်မှာ ပြင်သစ်တိုက်စစ်မှူးအတွက် အပြီးသတ်ခေါ်ယူခွင့်လည်း ပါဝင်ပါတယ်။ ဆီမြွန်နီရဲ့အသင်းဟာ ဒမ်ဘီလီအတွက် အခုသီတင်းပတ်အစောပိုင်းမှာ သဘောတူညီမှု ရရှိ ခဲ့တာဖြစ်ပြီး တနင်္လာနေ့မှာ ဆေးစစ်မှု ခံယူခဲ့တာပါ။  ကလပ်အသင်း ၂ ခုကြား အငှားသဘောတူညီချက်မှာ ဒမ်ဘီလီကို ယူရို ၃၃ ဒသမ ၅ သန်းနဲ့ အပြီး သတ်ခေါ်ယူခွင့်လည်း ပါဝင်ပြီး ဘောနပ်စ်ကြေး ယူရို ၅ သန်း ထပ်ပေးရမှာ ဖြစ်ပါတယ်။  စာချုပ်ရဲ့အစိတ်အပိုင်းတစ်ခုအဖြစ် အငှားခေါ်ယူခွင့်အတွက် တီကိုအသင်းက ယူရို ၁ ဒသမ ၅ သန်း ပေးချေရမှာဖြစ်ပါတယ်။  ဒမ်ဘီလီဟာ ဆဲတစ်အသင်းကနေ လိုင်ယွန်အသင်းကို ယူရို ၂၂ သန်းနဲ့ ၂၀၁၈ နွေရာသီမှာ ရောက်ရှိလာတာဖြစ်ပြီး ပြင်သစ်ကလပ်မှာ ၂ နှစ်ခွဲကစားခဲ့ပါတယ်။  ပြင်သစ်တိုက်စစ်မှူးဟာ လိုင်ယွန်အတွက် ၁၀၈ ပွဲ ကစားပြီး ၄၅ ဂိုးသွင်းယူကာ ၂၀၁၉-၂၀ ရာသီမှလည်း ချန်ပီယံလိဂ် ဆီမီးဖိုင်နယ်အထိရောက်အောင်ကူညီပေးနိုင်ခဲ့ပါတယ်။  ဒါပေမဲ့ ပြီးခဲ့တဲ့လတွေကစလို့ ဒမ်ဘီလီဟာ အသင်းပြောင်းဖို့ ကြိုးစားခဲ့တာဖြစ်ပြီး ဒါကိုလိုင်ယွန် အားကစားဒါရိုက်တာ ဂျူနင်ဟိုကလည်း အတည်ပြုပေးခဲ့ပါတယ်။ ဒမ်ဘီလီဟာ ဒီရာသီမှာ လိုင်ယွန်အသင်းအတွက် ၁၆ ပွဲကစားကာ ၁ ဂိုးသွင်းယူ ပေးခဲ့ပြီး ပြီးခဲ့တဲ့ ၂ ရာသီဆက်တိုက် ဂိုး ၂၀ နဲ့အထက်သွင်းယူ နိုင်ခဲ့သူဖြစ်ပါတယ်။ အက်သလက်တီကိုအသင်းဟာ တိုက်စစ်မှူး ဒီယေဂိုကော်စတာကို ထွက်ခွာခွင့်ပြုခဲ့ တာကြောင့် သူ့နေရာမှာ ဒမ်ဘီလီနဲ့ အစားထိုးခဲ့တာဖြစ်ပြီး လိုင်ယွန်အသင်းဘက်ကတော့ ဒမ်ဘီလီရဲ့နေရာမှာ လက်စတာတိုက်စစ်မှူး ဆူလေမာနီနဲ့ အစားထိုးခဲ့ပါတယ်။  ဆူလေမာနီဟာ လက်စတာကနေ နယူးကာဆယ်၊ ဖင်နာဘာချီနဲ့ မိုနာကိုအသင်းတို့ကို အငှားထွက်ကစားခဲ့ရသူဖြစ်ပြီး လက်ရှိအချိန်မှာ ပြင်သစ်မြေကို ပြန်လည်ရောက်ရှိလာခဲ့ပြီ ဖြစ်ပါတယ်။ ဆူလေမာနီဟာ အခုရာသီမှာလက်စတာအသင်းအတွက် တစ်ပွဲသာ ပွဲထွက်ခွင့်ရ ရှိခဲ့ပြီး ပြီးခဲ့တဲ့ရာသီမို နာကိုအသင်းမှာတာ့ ၁၉ ပွဲကစားကာ ၉ ဂိုးသွင်းယူပေးခဲ့သူဖြစ်ပါတယ်။
11 months Ago

January 10, 2021

တိုက်စစ်မှူး ဒမ်ဘီလီ တီကိုအသင်းကိုပြောင်းရန် နီးစပ်နေပြီဟု လိုင်ယွန်အသင်း အတည်ပြု

တိုက်စစ်မှူး မူဆာဒမ်ဘီလီကို အက်သလက်တီကိုအသင်းဆီ ရောင်းချဖို့ ဆွေးနွေးမှုတွေ လုပ်ဆောင်နေတယ်လို့ လိုင်ယွန်အသင်းဘက်က အတည်ပြုပါတယ်။  အက်သလက်တီကိုဟာ ဒီယေဂိုကော်စတာကို စာချုပ်ဖျက်သိမ်းခဲ့ပြီးနောက် သူ့နေရာမှာ အစားထိုးဖို့ ကြိုးစားနေတာဖြစ်ပါတယ်။ လက်ရှိအချိန်မှာ တီကိုအသင်းဟာ ပြိုင်ပွဲစုံမှာ ယှဉ်ပြိုင်နေရပြီး အသင်းတိုက်စစ်မှူး ဆွာရက်အတွက် အထောက်အပံ့ဖြစ်စေမယ့် တိုက်စစ်မှူးမျိုး လိုအပ်နေတယ်လို့ နည်းပြက ပြောပါတယ်။  ဒါ့ကြောင့် ဖူလ်ဟမ်နဲ့ ဆဲလ်တစ်တိုက်စစ်မှူးဟောင်းကို ခေါ်ယူဖို့ ကြိုးစားနေတာလည်း ဖြစ်ပါတယ်။ ဒမ်ဘီလီရဲ့ အပြောင်းအရွှေ့အတွက်ဆွေးနွေးနေတယ်လို့ ရင်းနက်စ်နဲ့တစ်ဖက် ၂ ဂိုးစီသရေကျခဲ့ပြီးတဲ့နောက်မှာ လိုင်ယွန်အသင်း နည်းစနစ်ဒါရိုက်တာ ဂျူနင်ဟိုက ပြောပါတယ်။  “ဒမ်ဘီလီ ကျနော့်ဆီရောက်လာပြီးတော့ အသင်းပြောင်းဖို့ လိုအပ်နေတဲ့အကြောင်းကို ပြောပါတယ်။ ဒါဟာ ကျနော်တို့ မျှော်လင့်ထားတဲ့ အရာမဟုတ်ပေမယ့် ကျနော် သူ့ကို တကယ်နှစ်သက်ပါတယ်။ အသင်းမှာ ဆက်မနေချင်တဲ့လူကို နောက် ၅ လလောက် အသင်းမှာ ဆက်ထိန်းထားဖို့ဆိုတာ မဖြစ်နိုင်ပါဘူး။”      လက်ရှိအချိန်မှာ အက်သလက်တီကိုအသင်းဟာ မြို့ခံပြိုင်ဘက် ရီးရဲလ်မက်ဒရစ်အသင်းကို တစ်မှတ်ဖြတ်ကာ လာလီဂါအမှတ်ပေးဇယားကို ဦးဆောင်နေပြီး ပြိုင်ဘက်ထက် ၃ ပွဲလျော့ ကစားထားပါတယ်။  ဒါ့ကြောင့် သူတို့ဟာ အားလျော့သွားတဲ့ တိုက်စစ်ပိုင်းကို မဖြစ်မနေဖြည့်တင်းဖို့ လိုအပ်နေပြီး လိုင်ယွန်အသင်းဘက်ကလည်း ဒမ်ဘီလီသာ ထွက်ခွာပါက သူ့ နေရာကို အစားထိုးဖို့ အယ်လ်ဂျီးရီးယား တိုက်စစ်မှူး အစ္စလာမ်ဆူလေမာနီကို စောင့်ကြည်နေတယ်လို့ ဂျူနင်ဟိုက ပြောပါတယ်။  ပြင်သစ်လီဂူးပြိုင်ပွဲမှာ လိုင်ယွန်ဟာ ပီအက်စ်ဂျီနဲ့ လိုင်လီတို့ကို တစ်မှတ်ဖြတ်ကာ အမှတ်ပေးဇယားကို ဦးဆောင်နေပါတယ်။
11 months Ago
More News
Up