လိုက်ဝိတ်ချန်ပီယံ

March 29, 2020

ခါဘစ်ကို မက်ဂရီဂေါ အနိုင်ပြန်ယူလိမ့်မည်ဟု လိုဘော့ဗ် သုံးသပ်

မက်ဂရီဂေါဟာ ခါဘစ်နဲ့ မကျေပွဲ ထိုးသတ်ခွင့်ရဖို့ ထိုက်တန်မှုရှိပြီး အနိုင်ပြန်ယူနိုင်မယ်လို့ အသင်းဖော်ဟောင်း အာတမ်လိုဘော့ဗ်က ပြောပါတယ်။  လိုဘော့ဗ်နဲ့ မက်ဂရီဂေါတို့ဟာ လေ့ကျင့်ဖော်တွေဖြစ်ခဲ့ပြီး မက်ဂရီဂေါအနေနဲ့ ပြိုင်ဘက် ခါဘစ်ကို အနိုင်ယူနိုင်တယ်လို့  လိုဘော့ဗ်က ယုံကြည်နေပါတယ်။  အိုင်ယာလန်သား မက်ဂရီဂေါဟာ ပြီးခဲ့တဲ့ဇန်နဝါရီလက စိန်ခေါ်သူ ဒိုနယ်ဆာရိုနီကို  ၄၀ စက္ကန့် နဲ့ အနိုင်ယူထားတာ ဖြစ်ပါတယ်။  လိုက်ဝိတ်ချန်ပီယံခါဘစ်ကတော့ ချန်ပီယံကာကွယ်ပွဲအဖြစ် ဖာဂူဆန်နဲ့ ထိုးသတ်ရဖို့ရှိပါတယ်။ မက်ဂရီဂေါဟာလည်း ဂတ်ဂျီနဲ့ လာမယ့်နွေရာသီမှာ တပွဲ ထိုးသတ်ဖို့ရှိပါတယ်။  ဒါပေမဲ့ အသင်းဖော်ဟောင်း လိုဘော့ဗ်ကတော့ မက်ဂရီဂေါအနေနဲ့ ခါဘစ်နဲ့ ဖာဂူဆန်ပွဲက အနိုင်ရတဲ့သူနဲ့သာ ထိုးသတ်သင့်တယ်လို့ ဆိုပါတယ်။ ခါဘစ်ဟာ ၂၀၁၈ ခုနှစ်က မက်ဂရီဂေါကို စတုတ္ထအချီမှာ အလဲထိုးပြီး သူ့ဆီက လိုက်ဝိတ်ချန်ပီယံရွှေခါးပတ်ကို ရယူနိုင်ခဲ့တာဖြစ်ပါတယ်။
1 year Ago
Up