လိဂ်ဖလား

January 9, 2019

လိဂ်ဖလားဆီမီး စပါးနှင့်ပွဲတွင် ပယ်နယ်တီပေးခဲ့သည့် ဆုံးဖြတ်ချက်ကို ချဲလ်ဆီးနည်းပြ ဝေဖန်

စပါးနဲ့ပွဲမှာ ပယ်နယ်တီပေးခဲ့တဲ့ ဆုံးဖြတ်ချက်နဲ့ ပတ်သက်ပြီး ချဲလ်ဆီးနည်းပြ ဆာရီက ဝေဖန်သွားပါတယ်။ ချဲလ်ဆီးအသင်းဟာ စပါးနဲ့ကစားခဲ့တဲ့ ကာရာဘောင်ဖလား ဆီမီးဖိုင်နယ် ပထမအကျော့ပွဲစဉ်မှာ ဟယ်ရီကိန်းရဲ့ ပယ်နယ်တီဂိုးနဲ့ ရှုံးပွဲတွေ့ခဲ့တာပါ။ အဲဒီပွဲမှာ ဟယ်ရီကိန်းက ချဲလ်ဆီးလူကျွံထောက်ချောက်ကို ကျော်ဖြတ်ပြီး ဂိုးသမားနဲ့ ရင်ဆိုင်အတွေ့မှာ ဂိုးသမားက ဖျက်ထုတ်မှုကြမ်းခဲ့တယ်ဆိုပြီး ဒိုင်လူကြီးက ပယ်နယ်တီပေးခဲ့တာပါ။ ချဲလ်ဆီးဂိုးသမား ကတ်ပါ ကျူးလွန်တဲ့ ပြစ်ဒဏ်ဘောက အငြင်းပွားဖွယ်ဖြစ်ခဲ့လို့ ဒိုင်လူကြီးက ဗွီဒီယိုပြန်ကြည့်ပြီးမှ ပယ်နယ်တီပေးခဲ့တာ ဖြစ်ပါတယ်။ ဒါပေမယ့် အဲဒီပြစ်ဒဏ်ဘော မကျူးလွန်ခင်မှာ ဟယ်ရီကိန်းရဲ့ အနေအထားက လူကျွံနေခဲ့ပြီး အင်္ဂလန်ဒိုင်လူကြီးတွေအနေနဲ့ VAR စနစ်ကို သေချာ အသုံးမပြုတတ်သေးဘူးလို့ ဆာရီက ဝေဖန်ခဲ့ပါတယ်။ ဟယ်ရီကိန်းရဲ့ ဒူးနဲ့ ဦးခေါင်းဟာ လူကျွံနေခဲ့ပြီး စည်းကြပ်ဒိုင်လူကြီးတွေ အနေနဲ့ ဘောလုံးရှိတဲ့နေရာကို အမီလိုက်ကြည့်ဖို့ လိုတယ်လို့ ဆာရီက ဝေဖန်ခဲ့ပါတယ်။ ချဲလ်ဆီးအသင်းဟာ ပထမအကျော့မှာ ရှုံးပွဲတွေ့ခဲ့တာကြောင့် ဇန်နဝါရီ ၂၂ ရက်မှာ ကစားမယ့် ဒုတိယအကျော့မှာ နိုင်ပွဲရဖို့ လိုအပ်နေတာ ဖြစ်ပါတယ်။
3 years Ago

လိဂ်ဖလား ဆီမီးဖိုင်နယ် ပကျော့တွင် စပါးက ချဲလ်ဆီးကို အနိုင်ယူ (ရုပ်သံ)

အင်္ဂလန် လိဂ်ဖလား (ကာရာဘောင်ဖလား) ဆီမီးဖိုင်နယ် ပထမအကျော့ပွဲစဉ်အဖြစ် တော့တင်ဟမ်ဟော့စပါးနဲ့ ချဲလ်ဆီးတို့ မနေ့ကယှဉ်ပြိုင်ရာ စပါးက ၁ ဂိုး ဂိုးမရှိနဲ့ အနိုင်ရသွားပါတယ်။ အိမ်ရှင် စပါးအသင်းက တိုက်စစ်မှူး ဟယ်ရီကိန်း၊ ဆွန်ဟောင်မင်၊ အယ်လီ၊ အဲရစ်ဆင် စတဲ့ အဓိက ကစားသမားတွေနဲ့ ပွဲထွက်ခဲ့သလို ချဲလ်ဆီးကလည်း ဟာဇက်၊ ဝီလျံ၊ ကန်တေ၊ ဂျော်ဂျင်ဟို၊ အလွန်ဆို၊ ဘာ့က်လေတို့ကို အသုံးပြု ယှဉ်ပြိုင်ခဲ့တာပါ။ နှစ်သင်းစလုံး အပြန်အလှန် တိုက်စစ်ဆင်ကစားပြီး ဧည့်သည် ချဲလ်ဆီးအသင်းက ဘောလုံးပိုင်ဆိုင်မှုရော ထိုးဖောက်ကန်သွင်းရာမှာပါ အသာစီးရခဲ့ပေမယ့် အခွင့်အရေးတွေ အသုံးမချနိုင်ဘဲ လိုအပ်တဲ့အနိုင်ဂိုး မဖန်တီးနိုင် ဖြစ်ခဲ့ပါတယ်။ စပါးအတွက် တလုံးတည်းသော အနိုင်ဂိုးကိုတော့ ပွဲချိန် ၂၆ မိနစ်မှာ တိုက်စစ်မှူး ဟယ်ရီကိန်းက ပယ်နယ်တီကတဆင့် သွင်းယူပေးခဲ့ပါတယ်။ အခု ပထမအကျော့မှာ အနိုင်ရတဲ့အတွက် စပါးအသင်း နောက်ဆုံးဗိုလ်လုပွဲတက်ဖို့ အခွင့်အရေး ကောင်းနေပြီး ဒီနှစ်သင်း ဒုတိယအကျော့ပွဲစဉ်ကိုတော့ ချဲလ်ဆီးကွင်းမှာ လာမယ့် ဇန်နဝါရီ ၂၅ ရက်နေ့ ယှဉ်ပြိုင်ရမှာ ဖြစ်ပါတယ်။
3 years Ago

December 20, 2018

အာဆင်နယ်ကို ၂ ဂိုးပြတ်ဖြင့်နိုင်ပြီး စပါး လိဂ်ဖလား ဆီမီးတက် (ရုပ်သံဟိုက်လိုက်)

အင်္ဂလန် လိဂ်ဖလား (ကာရာဘောင်ဖလား) ကွာတားဖိုင်နယ် ပွဲစဉ်အဖြစ် အာဆင်နယ်နဲ့ တော့တင်ဟမ်ဟော့စပါးတို့ မနေ့ကယှဉ်ပြိုင်ရာ စပါးက ၂ ဂိုး ဂိုးမရှိနဲ့နိုင်ပြီး ဆီမီးဖိုင်နယ် တက်ရောက်သွားပါတယ်။ အာဆင်နယ်အသင်းဟာ တိုက်စစ်မှူး လာကာဇက်တီကို အရန်ထားပြီး အူဘာမီယန်း၊ အိုင်ဝိုဘီ၊ မစ်ခီတာယန်း၊ ရမ်ဆေး၊ တော်ရဲယား စတဲ့ အဓိက ကစားသမား အများစုနဲ့ ပွဲထွက်လာခဲ့ပါတယ်။ စပါးကလည်း တိုက်စစ်မှူး ဟယ်ရီကိန်းကို အရန်ခုန်မှာထားပြီး ဆွန်ဟောင်မင်၊ အယ်လီ၊ အဲရစ်ဆင်၊ လူးကပ်စ်မော်ရာ၊ ဟယ်ရီဝင့်က်စ်၊ ထရစ်ပီယာ စတဲ့ အဓိက ကစားသမားတွေနဲ့ ယှဉ်ပြိုင်ခဲ့တာပါ။ အိမ်ရှင် အာဆင်နယ်အသင်းက ဘောလုံးပိုင်ဆိုင်မှုရော ထိုးဖောက်ကန်သွင်းခွင့်မှာ အသာရခဲ့ပေမယ့် ဂိုးအဖြစ်တော့ မပြောင်းလဲနိုင်ဘဲ အရှုံးပေးခဲ့ရတာပါ။ စပါးအတွက် အဖွင့်ဂိုးကို ပွဲချိန် မိနစ် ၂၀ မှာ ဆွန်ဟောင်မင်နဲ့ ဒုတိယဂိုးကို ၅၉ မိနစ်မှာ အယ်လီတို့က သွင်းယူပေးခဲ့ပါတယ်။ စပါးအသင်းဟာ လိဂ်ဖလား ဆီမီးဖိုင်နယ်မှာ ပရီးမီးယားလိဂ်ပြိုင်ဘက် ချဲလ်ဆီးနဲ့ ယှဉ်ပြိုင်ရမှာ ဖြစ်ပါတယ်။
3 years Ago
More News
Up