လားရှိုး

November 1, 2018

လားရှိုးတွင် တိုက်ပွဲရှောင် ဒေသခံ ၁၈၀၀ ခန့် ရောက်ရှိနေဟု ကုလထုတ်ပြန်

ရှမ်းပြည်နယ်၊ လားရှိုးမြို့နယ်ထဲမှာ တိုင်းရင်းသားလက်နက်ကိုင်တပ်ဖွဲ့တွေ အကြား ဖြစ်ပွားတဲ့ တိုက်ပွဲတွေကြောင့် ဒေသခံ ရွာသား ၁၈၀၀ လောက် တိမ်းရှောင်လာကြရတယ်လို့ ကုလသမဂ္ဂ လူသားချင်းစာနာမှု ဆိုင်ရာညှိနှိုင်းရေးရုံးက သတင်းထုတ်ပြန်ပါတယ်။ အောက်တိုဘာ ၂၆ ရက်မှာ လားရှိုးမြို့နယ်၊ အီနိုင်းကျေးရွာအုပ်စုအတွင်း၊ မန်ပြင်ကျေးရွာမှာ တာအန်းအမျိုးသားလွတ်မြောက်ရေးတပ်မတော် (TNLA)၊ ရှမ်းပြည် တိုးတက်ရေး ပါတီ/ ရှမ်းပြည်တပ်မတော် (SSPP/SSA) ပူးပေါင်းတပ်ဖွဲ့နဲ့ ရှမ်းပြည်ပြန်လည်ထူထောင်ရေး ကောင်စီ/ ရှမ်းပြည်တပ်မတော် (RCSS/SSA) တို့အကြား တိုက်ပွဲတွေ ဖြစ်ခဲ့တာပါ။ လတ်တလောမှာ တိုက်ပွဲကြောင့် ထွက်ပြေးလာကြသူတွေဟာ လာရှိုးမြို့က မန်ဆူ ဘုန်းတော်ကြီးကျောင်း၊ နှစ်ခြင်းနဲ့  အာစီခရစ်ယာန်ဘုရားကျောင်းတွေမှာ ခိုလှုံ နေထိုင်နေကြပါတယ်။ သူတို့အတွက် စောင်၊ အိပ်ယာခင်းတွေ အပါအဝင် ဆောင်းဝတ် အနွေးထည်တွေနဲ့ အသုံးအဆောင်တွေ၊ ကျန်းမာရေးစောင့်ရှောက်တာ၊ တကိုယ်ရေ သန့်ရှင်းရေး အသုံး အဆောင်တွေနဲ့ အမျိုးသမီး အသုံးအဆောင်တွေလိုအပ်နေတယ်လို့ ဆိုပါတယ်။ ဒေသတွင်း အာဏာပိုင်တွေ၊ အရပ်ဘက်လူမှုအဖွဲ့အစည်းတွေ၊ ပြည်တွင်းနဲ့ နိုင်ငံတကာက လူသားချင်းစာနာမှုဆိုင်ရာ အကူအညီပေးရေး အဖွဲ့အစည်းတွေက အစားအစာ၊ ငွေသား၊ အခြားကယ်ဆယ်ရေး ပစ္စည်းတွေကို ပံ့ပိုးပေးနေကြပါတယ်။ ဒါပေမယ့် နေရပ်စွန့်ခွာတိမ်းရှောင်သူတွေရဲ့ မူလရပ်ရွာတွေမှာ မလုံခြုံတာကြောင့် နေရပ်စွန့်ခွာတိမ်းရှောင်သူ လူဦးရေ ပိုမိုများပြားလာနိုင်ပြီး အကူအညီတွေ ထပ်လိုဦးမယ်လို့လည်း ကုလသတင်းမှာ ဖော်ပြပါတယ်။ ဓာတ်ပုံ- UNOCHA
3 years Ago

October 12, 2018

လားရှိုးမြို့တွင် ပေါက်ကွဲမှုဖြစ်ပွား

ရှမ်းပြည်နယ်၊ လားရှိုးမြို့၊ အမှတ် ၇ ရပ်ကွက်၊ သီတာလမ်းရှိ၊ ဒေါ်ရန်ကျုံရှန်း နေအိမ်ဝင်းအတွင်း မနေ့ညက ပေါက်ကွဲမှုတခုဖြစ်ပွားခဲ့ပါတယ်။ မနေ့ည ၉ နာရီလောက်က အသံကျယ်လောင်တဲ့ ပေါက်ကွဲမှုတခုကြောင့် ဒေါ်ရန်ကျုံရှန်း ရဲ့ နေအိမ် ပြတင်းတံခါး ၂ ခု မှန်ကွဲပျက်စီးကာ အိမ်ကြမ်းပြင်ပျက်စီးသွားပါတယ်။ ဒီလိုပျက်စီးမှုတွေရှိပေမယ့် နေအိမ်မှာ နေထိုင်သူတွေကတော့ ထိခိုက်မှုမရှိပါဘူး။ အဆိုပ်နေအိမ်ကို ဗျောက်နဲ့ပစ်ပေါက်မှုကြောင့် အခုလိုဖြစ်ရတာလို့ လားရှိုးရဲစခန်းက တာဝန်မှူး ရဲမှူး အောင်ကျော်ကျော်လွင်က ပြောပါတယ်။ “ဗျောက်အိုးနဲ့ လှမ်းပစ်တာလို့တော ပြောတယ် အမှုက၊ ဒါပေမယ့် အမှုက စစ်တုန်းရှိသေးတယ်။ အိမ်က ဘေးရဲ့ဟာလေးတွေ နည်းနည်းပျက်တာ။ အဲလောက်ပါပဲ။ အခုကတော့ အမှုဖွင့်ပြီး စစ်ထားတယ်။ လုပ်တဲ့လူကိုတော့ စုံစမ်းနေဆဲပါပဲ။” လားရှိုးမြို့ခံ ဒေါ်ချွန်းချွန်းကတော့ ဒီပေါက်ကွဲမှုကို ကြားပေမယ့် အသေးစိတ်မသိဘူးလို့ ပြောပါတယ်။ “အသံတော့ ကြားလိုက်တယ်။ ဘာဖြစ်တာလဲဆိုတာမသိတာ။ အိမ်ကလူတောင် ဘယ်သူမှ ထွက်မကြည့်ဘူး။ ဗျောက်သံပဲ ထင်လို့ အားလုံး ဒီတိုင်းပဲအိပ်တာ။ ဒါပေမယ့် မနက် ကျမှပဲ သိတာ။” ဒီပေါက်ကွဲမှုနဲ့ပတ်သက်ပြီး တာဝန်ရှိသူတွေက စုံစမ်းစစ်ဆေးနေဆဲဖြစ်ပါတယ်
3 years Ago
More News
Up