လာရောက်အဖမ်းခံ

A d v e r t i s e m e n t With Us

August 16, 2017

သိန်း ၁၅၀၀ ကျော် အလွဲသုံးစားမှုဖြင့် CB ဘဏ် လက်ထောက်မန်နေဂျာ လာရောက်အဖမ်းခံ

ပဲခူးတိုင်းဒေသကြီး၊ ညောင်လေးပင်မြို့နယ်မှာ ကျပ်သိန်း ၁၅၀၀ကျော် အလွဲသုံးစားမှုနဲ့ တိုင်းကြားခံရသူ CB ဘဏ်ခွဲက လက်ထောက်မန်နေဂျာအမျိုးသမီး သြဂုတ် ၁၅ ရက်က လာရောက်အဖမ်းခံခဲ့တယ်လို့ မြို့မစခန်းမှူးက ပြောပါတယ်။ သြဂုတ် ၁၁ ရက် ည ၇ နာရီလောက်မှာ ညောင်လေးပင် CB ဘဏ်ခွဲက လက်ထောက်မန်နေဂျာဟာ သူတာဝန်ယူဆောင်ရွက်ရတဲ့ (ချေးငွေ/စီမံဌာနစိတ်) က ငွေကျပ် ၁၅၄,၆၇၂,၀၀၀ ကို ဘဏ်ကိုမသွင်းဘဲ မိမိကိုယ်ကျိုးအတွက် အလွဲသုံးစားပြုခဲ့တယ်ဆိုပြီး ညောင်လေးပင် CB ဘဏ်ခွဲ မန်နေဂျာ ဒေါ်ပြည့်စုံဝင်းက တရားလိုလုပ် အမှုလာဖွင့် တိုင်ကြားထားတာ ဖြစ်ပါတယ်။ စခန်းမှူး ဒု ရဲမှူးဇော်မိုးက “မနေ့ကလာပြီး အဖမ်းခံပါတယ်။ ကျနော်တို့ သူ့မိဘတွေကို လာအပ်ပေးဖို့ စည်းရုံးလိုက်တယ်လေ။ ရန်ကုန်ရောက်နေတာ လားမသိဘူး။ သူ့အဖေအမေတွေကို ဆက်သွယ်တဲ့အချိန် သူ့မိဘတွေ ခေါ်လာပြီး လာအပ်ပေးတာပေါ့။ အဲဒီညကတည်းက သူ့မိဘတွေ အကြောင်းကြားပါတယ်။ မနက်ဖြန် လာအပ်ပေးမယ်လို့။ မနက် ၁၀ နာရီလောက်ကျတော့ စခန်းကို လာရောက်အဖမ်းခံတာပါ” လို့ ဒီဗွီဘီကိုပြောပါတယ်။ ညောင်လေးပင်မြို့မရဲစခန်းက ရာဇသတ်ကြီးဥပဒေ ပုဒ်မ-၄၀၈ နဲ့ အမှုဖွင့်ထားတယ်လို့ သိရပါတယ်။ သတင်း၊ ဓာတ်ပုံ-နေလင်းထိုက်
4 years Ago

March 23, 2017

လူမည်းတဦးအား ဓားဖြင့်ထိုးသတ်ခဲ့သည့် လူဖြူက မက်ဟန်တန်ရဲစခန်းတွင် လာရောက်အဖမ်းခံ

နယူးယောက်မြို့မှာ လူမည်းတဦးကို ဓားနဲ့တိုက်ခိုက်ခဲ့တဲ့လူဖြူတဦးဟာ မတ်လ ၂၂ ရက်နေ့က မက်ဟန်တန်ရဲစခန်းကို လာရောက်အဖမ်းခံခဲ့တယ်လို့ သိရပါတယ်။ သူကတော့ အသက် ၂၈ နှစ်အရွယ် ဂျိမ်းစ်ဟာရစ်ဂျက်ဆန် ဖြစ်ပါတယ်။  သူဟာ  ဘော်တီမိုးကနေ နယူးယောက်ကို လာရောက်ပြီး အခုလို တိုက်ခိုက်ခဲ့တာဖြစ်ပါတယ်။ ဂျက်ဆင်ဟာ မတ်လ ၂၁ ရက်နေ့က  စားသောက်ဆိုင်နားက အမှိုက်ပုံးတွေမှာ လျှောက်ဖွနေတဲ့ တင်မိုသီကော့ဖ်မန်းဆိုတဲ့ လူမည်းတယောက်ကိုတွေ့ပြီး ဓားနဲ့ထိုးခဲ့တယ်လို့ သိရပါတယ်။ အဲဒီနောက် ကော့ဖ်မန်းဟာ ဓားဒဏ်ရာနဲ့အနီးနားက ရဲစခန်းကို သွားရောက်ခဲ့ပါတယ်။ ရဲစခန်းက သူ့ကိုဆေးရုံပို့ပေးခဲ့ပြီး သူဟာ ရရှိထားတဲ့ဒဏ်ရာနဲ့ ဆေးရုံမှာသေဆုံးခဲ့ပါတယ်။ ဂျက်ဆင်ဟာ ပြစ်မှုကျူးးလွန်ပြီး နောက်တနေ့မှာ အခင်းဖြစ်ရာမှာသုံးတဲ့ ဓားတွေနဲ့အတူ ရဲစခန်းကို လာရောက်အဖမ်းခံခဲ့ပါတယ်။ “နယူးယောက်မှာတခုခုဖြစ်ရင် တကမ္ဘာလုံးသိတယ်လေ။ သူက အဲဒီလိုဖြစ်စေချင်တာ” လို့ နယူးယောက်ရဲဌာန ဒုအကြီးအကဲ ဘေလ်အော်ဘရီက ပြောပါတယ်။ ဒီတိုက်ခိုက်မှုဟာ လူမျိုးရေးမုန်းတီးမှုကြောင့်ဖြစ်တာကို ဖော်ပြနေတယ်လို့ နယူးယောက်ရဲဌာန ဒုအကြီးအကဲကို ကိုးကားပြီး ရိုက်တာသတင်းမှာဖော်ပြထားပါတယ်။
4 years Ago
Up