လာလီဂါပွဲစဉ်

November 29, 2020

စပိန်လာလီဂါပွဲစဉ်များ မာရာဒိုနာအတွက် ပွဲမစခင် ၁ မိနစ် ငြိမ်သက်ဂုဏ်ပြု

မနေ့က ကစားသွားခဲ့တဲ့ စပိန်လာလီဂါပွဲစဉ်တွေမှာ ကွယ်လွန်သွားခဲ့တဲ့ မာရာဒိုနာအတွက် ပွဲမစခင်မှာ တစ်မိနစ်ငြိမ်သက်ပြီး ဂုဏ်ပြုခဲ့ကြပါတယ်။  အာဂျင်တီးနား ဂန္ထဝင် တိုက်စစ်မှူး မာရာဒိုနာဟာ စပိန်ကလပ်တွေဖြစ်တဲ့ ဘာစီလိုနာနဲ့ ဆီဗီလာအသင်းတွေလည်း ပါဝင်ကစားခဲ့ဖူးတာပါ။  ရီးရဲလ်မက်ဒရစ်နဲ့ အလာဗက်စ်တို့ ကစားသွားတဲ့ လာလီဂါပွဲစဉ်မှာ မာရာဒိုနာရဲ့ရုပ်ပုံကို ကွင်းလည်စည်းမှာထားပြီး နှစ်ဖက် ကစားသမားတွေက တစ်မိနစ်ငြိမ်သက်ပြီး ဂုဏ်ပြုခဲ့ကြပါတယ်။  အလားတူ ဗလင်စီယာနဲ့ အက်သလက်တီကို မက်ဒရစ်အသင်းတို့ ပွဲမစခင်မှာလည်း တစ်မိနစ်ငြိမ်သက်ပြီး မာရာဒိုနာကို ဂုဏ်ပြုခဲ့ကြပါတယ်။  အခုလအတွင်းမှာ ကွယ်လွန်သွားတဲ့ ဗလင်စီယာကစား သမားဟောင်း ဟွမ်ဆိုးလ်အတွက်လည်း တစ်ပါတည်း ဂုဏ်ပြုပွဲလုပ်ခဲ့တာပါ။  မာရာဒိုနာကစားခဲ့တဲ့ ဆီဗီလာအသင်းကတော့ ပွဲမစခင်မှာ ကျောနံပါတ် ၁၀ ကို ကစားသမားအားလုံး ဝတ်ဆင်စေပြီး တစ်မိနစ်ငြိမ်သက်ပြီး ဂုဏ်ပြုပေးခဲ့ပါတယ်။
1 year Ago

July 12, 2020

မာဆယ်လို ပေါင်ခြံဒဏ်ရာကြောင့် လက်ကျန်လာလီဂါပွဲစဉ်များ လွဲချော်မည်

ရီးရဲလ်မက်ဒရစ် နောက်ခံလူ မာဆယ်လိုဟာ ဒဏ်ရာကြောင့် လာလီဂါ လက်ကျန်ပွဲစဉ်တွေကို လွဲချော်တော့မှာ ဖြစ်ပါတယ်။  အသက် ၃၂ နှစ်ရှိ ညာနောက်ခံလူ မယ်ဆယ်လိုဟာ ပေါင်ခြံဒဏ်ရာ ရခဲ့တာကြောင့် ၃ ပတ်လောက် အနားယူရမယ်လို့ ရီးရဲလ်အသင်းက ဇူလိုင် ၁၀ ရက်မှာ တရားဝင်သတင်း ထုတ်ပြန်ခဲ့တာပါ။  မာဆယ်လိုဟာ အလာဗက်စ်ကို အနိုင်ရခဲ့တဲ့ သောကြာနေ့က ပွဲစဉ်ကတည်းက ပါဝင်ကစားနိုင်ခြင်း မရှိခဲ့တာပါ။  ဂရန်နာဒါ၊ ဗီလာရီးယဲလ်နဲ့ လီဟီနက်ဇ်အသင်းတွေနဲ့ ပွဲစဉ်တွေမှာလည်း ဆက်လက်လွဲချော်မှာ ဖြစ်ပါတယ်။ မယ်ဆယ်လိုအနေနဲ့ မန်စီးတီးအသင်းနဲ့ သြဂုတ် ၇ ရက်မှာ ကစားရမယ့် ချန်ပီယံလိဂ် ၁၆ သင်းအဆင့် ဒုတိယအကျော့ပွဲစဉ်မှာတော့ ပြန်ကစားနိုင်မယ်လို့ သိရပါတယ်။  ရီးရဲလ်အသင်းဟာ ပထမအကျော့ အိမ်ကွင်းပွဲစဉ်မှာ ၂ ဂိုး ၁ ဂိုးနဲ့ မန်စီးတီးကို ရှုံးနိမ့်ခဲ့ပါတယ်။
2 years Ago
More News
Up