လာလီဂါပြိုင်ပွဲ

June 9, 2020

လာလီဂါပြိုင်ပွဲအတွက် အသင်းအားလုံး အဆင်သင့်ဖြစ်နေ

စပိန်ကလပ်တွေဟာ လီလာဂါပြိုင်ပွဲ ပြန်လည်စတင်ဖို့အတွက် အဆင်သင့် ဖြစ်နေကြပြီး အသင်းအားလုံးက အခုနှစ်ဘောလုံး ရာသီပြီးဆုံးအောင် ကစားလိုကြပြီး ကြောက်လန့်မှုတွေ ရှိနေရင်တော့ ဘောလုံးပြန်လည်စတင်နိုင်မှာမဟုတ်ဘူးလို့ အက်သလက်တီကိုမက်ဒရစ်အသင်း ဥက္ကဋ္ဌ အင်းနရစ်ဆာရီဇိုက ပြောပါတယ်။  လာလီဂါပွဲစဉ်တွေကို လာမယ့် သောကြာနေ့မှာ ဆီဗီလာနဲ့ ဘက်တစ် ပွဲစဉ်နဲ့ ပြန်လည်စတင်ကစားကြမှာပါ။  ရီးရဲလ်မက်ဒရစ်အသင်းက ဘာနေဗျူးကွင်းကို ပြုပြင်နေတာကြောင့် အိမ်ကွင်းပွဲတွေကို ပရိသတ် ၆,၀၀၀ ဆံ့ ဒီစတီဖန်နိုကွင်းမှာ ပြောင်းရွှေ့ကစားမှာပါ။  အိမ်ကွင်းအပြောင်းအလဲဖြစ်ပေမယ့် အသားကျအောင် လေ့ကျင့်ပြီးသားဖြစ်လို့ ပြဿနာမရှိနိုင်ကြောင်း ဂိုးသမား ကော့တွိုက်က ပြောပါတယ်။  ဘာစီလိုနာနည်းပြ ဆက်တီယန်ကတော့ လက်ကျန် လာလီဂါပွဲစဉ်တွေကို ဆက်တိုက်ကစားရမှာ ဖြစ်ပေမယ့် အဓိကတိုက်စစ်မှူး မက်ဆီကိုတော့ ကွင်းထဲမှာ အမြဲတမ်းရှိနေတာကို နှစ်သက်တယ်လို့ ဆိုသွားခဲ့ပါတယ်။
11 months Ago

May 26, 2020

စပိန် လာလီဂါပြိုင်ပွဲများ အမြန်ဆုံး ပြန်လည်ကျင်းပမည်

ကလပ်အသင်းတွေ လေ့ကျင့်ခန်းအပြည့်အ၀ဆင်းနိုင်မှုအပေါ် မူတည်ပြီး လာလီဂါပြိုင်ပွဲကို အမြန်ဆုံး ကျင်းပသွားမယ်လို့ လိဂ်ဥက္ကဋ္ဌ ဂျာဗီယာတက်ဘက်စ်က ပြောလိုက်ပါတယ်။ လာလီဂါပြိုင်ပွဲကို ဇွန်လအတွင်းမှာ ပြန်လည်စတင်ဖို့ စပိန်ဝန်ကြီးချုပ်ရဲ့ ခွင့်ပြုချက်ရရှိထားပါတယ်။ ကလပ်အသင်းတွေဘက်က အဖွဲ့ငယ်လေးတွေနဲ့သာ လေ့ကျင့်ခန်းဆင်းနေပြီး ကစားသမားအစုံအလင်နဲ့ လေ့ကျင့်နိုင်ခြင်း မရှိသေးပါဘူး။ ကလပ်အသင်းတွေရဲ့ လေ့ကျင့်ခန်းအပြည့်အဝဆင်းနိုင်မှု အခြေအနေအလိုက် အမြန်ဆုံး ပြန်လည်ကျင်းပမှာဖြစ်ပြီး ဇွန်လ ၁၁ ရက်မှာ ပထမဆုံးပွဲစဉ်တပွဲကို စတင်ကျင်းပနိုင်ဖို့ မျှော်လင့်ကြောင်း လာလီဂါဥက္ကဋ္ဌ တက်ဘက်စ်က ပြောပါတယ်။  ဇွန်လ ၁၁ ရက်မှာ မကျင်းပနိုင်ဘူးဆိုရင် ၁၃ ရက် သို့မဟုတ် ၁၄ ရက် မှာ ပြန်လည် ကျင်းပဖို့ ကြိုးပမ်းမယ်လို့ လာလီဂါ ဥက္ကဋ္ဌက ပြောပါတယ်။  ဇွန်လ ၁၁ ရက်မှာ ကျင်းပနိုင်ခဲ့မယ်ဆိုရင်တော့ ဆီဗီလာနဲ့ ရီးရဲလ်ဘက်တစ် ပွဲနဲ့ စတင်မယ်လို့ သိရပါတယ်။  စပိန်မှာ ကိုရိုနာဗိုင်းရပ်စ်ကြောင့် လူပေါင်း ၂၈၀၀၀ ကျော် သေဆုံးခဲ့ပြီး ၂၃၀၀၀ ကျော် ဗိုင်းရပ်စ်ကူးစက်ခံထားရတာ ဖြစ်ပါတယ်။
11 months Ago
Up