လာပေါ်တာ

July 25, 2022

ဘာစီလိုနာကို မက်ဆီ ပြန်လာလိမ့်မည်ဟု အသင်းဥက္ကဋ္ဌ လာပေါ်တာ သုံးသပ်

ပီအက်စ်ဂျီတိုက်စစ်မှူး မက်ဆီဟာ တချိန်မှာ ဘာစီလိုနာအသင်းကို ပြန်လာလိမ့်မယ်လို့ အသင်းဥက္ကဋ္ဌ လာပေါ်တေးက ပြောပါတယ်။

မက်ဆီဟာ ပြီးခဲ့တဲ့နှစ်ကမှ ဘာစီလိုနာကနေ ထွက်ခွာပြီး ပီအက်စ်ဂျီ အသင်းဆီပြောင်းရွှေ့ကစားနေတာပါ။

မက်ဆီဟာ ဘာစီလိုနာကို ပြန်လာနိုင်မယ့် အခြေအနေကို လမ်းဖွင့်ပေးထားဖို့က အသင်းရဲ့ တာဝန်ဝတ္တရားဖြစ်ပြီး မက်ဆီဟာ ဘာစီလိုနာနဲ့ ရေစက်ကုန်ပြီလို့ မယုံကြည်ကြောင်း အသင်းဥက္ကဋ္ဌလာပေါ်တေးက ပြောပါတယ်။

“မက်ဆီအပေါ်မှာ အကြွေးတစ်ခု တင်နေသလိုခံစားရတယ်။ ဘာစီလိုနာအသင်း ဥက္ကဋ္ဌတစ်ယောက်ရဲ့ ကျင့်ဝတ်အရတော့ လုပ်သင့်လုပ်ထိုက်တာကို လုပ်ဆောင်ခဲ့တယ်လို့ ထင်တယ်။ ဒါပေမဲ့ ဘာစီလိုနာအသင်းဥက္ကဋ္ဌတစ်ယောက်အနေနဲ့လည်း ပုဂ္ဂိုလ်ရေးအရမှာ သူ့ဆီအကြွေးတစ်ခုတင်နေတယ်လို့ ယုံကြည်တယ်”လို့ အသင်းဥက္ကဋ္ဌ လာပေါ်တေးက ပြောပါတယ်။ 

မက်ဆီဟာ ပီအက်စ်ဂျီနဲ့ စာချုပ်သက်တမ်းတစ်နှစ်သာ  ကျန်ရှိတော့တာ ဖြစ်ပါတယ်။

5 months Ago

March 30, 2022

ကွင်းလယ်နှင့်ခံစစ်ကစားသမား ၂ ဦး ခေါ်ယူခဲ့ပြီးဟု ဘာစီလိုနာ အတည်ပြု

ကွင်းလယ်နဲ့ ခံစစ်ကစားသမား ၂ ဦးကို ခေါ်ယူစာချုပ်ခဲ့ပြီလို့ ဘာစီလိုနာအသင်းဥက္ကဋ္ဌ လာပေါ်တာက အတည်ပြုသွားပါတယ်။ 

ဘာစီလိုနာအခြေစိုက် ရေဒီယိုတခုဖြစ်တဲ့ RAC1 နဲ့ အင်တာဗျူးမှာ ကစားသမားသစ် ၂ ဦးကို ခေါ်ယူစာချုပ်ပြီးဖြစ်တယ်လို့ အသင်းဥက္ကဋ္ဌ လာပေါ်တာက အတည်ပြုခဲ့ပြီး နာမည်တွေကိုတော့ လက်ရှိအချိန်မှာ ထုတ်ဖော်ပြောဆိုဖို့ မသင့်တော်သေးကြောင်း ပြောပါတယ်။

“လာမယ့်ရာသီအတွက် ကစားသမား ၂ ဦးကို ခေါ်ယူစာချုပ်ပြီးပါပြီ။ ၁ ဦး ကွင်းလယ်လူ၊ နောက် ၁ ဦးက ဗဟိုခံစစ်မှူးပါ။ ဒါပေမဲ့ သူတို့ရဲ့အမည်တွေကိုတော့ ပြောခွင့်မရှိသေးပါဘူး” လို့ လာပေါ်တာက ပြောပါတယ်။

သတင်းတွေအရတော့ အေစီမီလန်က အိုင်ဗရီကို့စ်ကွင်းလယ်လူ ဖရန့်ကတ်ဆီးနဲ့ ချဲလ်ဆီးနဲ့ စာချုပ်သက်တမ်းကုန်ဆုံးတော့မယ့် ဒိန်းမတ်နောက်ခံလူ ခရစ္စတီယန်ဆန်တို့ဖြစ်တယ်လို့ သိရပါတယ်။ 

ဘာစီလိုနာအသင်းဟာ ကတ်ဆီးကို ဝါရင့်ကွင်းလယ်လူ ဘူးစကွက် အနားယူချိန်မှာ အရန်သင့်အစားထိုးအသုံးပြုနိုင်ဖို့ ရည်မှန်းထားတယ်လို့ သိရပါတယ်။

8 months Ago
More News
Up