လာကာဇက်

February 10, 2022

လာကာဇက်ကို အသင်းခေါင်းဆောင် ခန့်အပ်ထားကြောင်း အာဆင်နယ်နည်းပြအတည်ပြု

တိုက်စစ်မှူးလာကာဇက်ကို အသင်းခေါင်းဆောင်သစ်အဖြစ် ခန့်အပ်ထားတယ်လို့ အာဆင်နယ် နည်းပြ အာတီတာက အတည်ပြုသွားပါတယ်။ 

ပြီးခဲ့တဲ့လပိုင်းက တိုက်စစ်မှူး အူဘာမီယန်းနဲ့ နည်းပြအာတီတာတို့ကြားမှာ စည်းကမ်းပိုင်းဆိုင်ရာ အဆင်မပြေဖြစ်ခဲ့ပြီးနောက် ယာယီအသင်း ခေါင်းဆောင်အနေနဲ့ လာကာဇက်က ပွဲစဉ်တွေကို ဦးဆောင်ခဲ့တာပါ။ 

လက်ရှိအချိန်မှာတော့ အူဘာမီယန်းက ဘာစီလိုနာကို အပြီးသတ်ပြောင်းရွှေ့သွားခဲ့တာကြောင့် လာကာဇက်ကို အသင်းခေါင်းဆောင်သစ်အဖြစ် နည်းပြအာတီတာက အတည်ပြုခန့်အပ်ခဲ့တာပါ။ အသက် ၃ဝ အရွယ် ပြင်သစ်တိုက်စစ်မှူး လာကာဇက်ဟာ ၂၀၁၇ ခုနှစ်က လိုင်ယွန်ကနေ ပြောင်းရွှေ့လာခဲ့သူဖြစ်ပြီး အာဆင်နယ်အတွက် ပွဲပေါင်း ၂၀၀ ကျော်ကစားထားပါတယ်။ 

ထွက်ခွာသွားတဲ့ အသင်းခေါင်းဆောင်ဟောင်း အူဘာမီယန်းကတော့ အသင်းနဲ့ လမ်းခွဲလာခဲ့တာက နည်းပြအာတီတာနဲ့ ပြဿနာဖြစ်ခဲ့တာကြောင့်လို့ ပြောပါတယ်။ 

နည်းပြအာတီတာဘက်ကတော့ အသင်းကောင်းဖို့အတွက် ဆုံးဖြတ်ချက်ချခဲ့ရတာလို့ ပြန်လည်ဖြေရှင်းထားပါတယ်။ 

လာကာဇက်ဟာ အသင်းခေါင်းဆောင်သစ်ဖြစ်လာပေမယ့် သူ့ရဲ့စာချုပ်သက်တမ်းက ရာသီအကုန် ကုန်ဆုံးမှာဖြစ်ပါတယ်။ 

10 months Ago

January 19, 2021

ခြေစွမ်းပြကစားနိုင်ရန် လာကာဇက်ထံမှ အကူအညီအများဆုံးရခဲ့ကြောင်း စမစ်ရိုး ပြော

ခြေစွမ်းပြ ကစားနိုင်ဖို့ အသင်းဖော် တိုက်စစ်မှူး လာကာဇက်ဆီက အကူအညီ အများဆုံးရခဲ့တယ်လို့ အာဆင်နယ်ကွင်းလယ်လူ စမစ်ရိုးက ပြောပါတယ်။  အင်္ဂလန်လူငယ်ကွင်းလယ်လူ စမစ်ရိုးဟာ အသက် ၂၀ နှစ်သာရှိသေးပေမယ့် အာဆင်နယ်အသင်းရဲ့ ၆ ပွဲဆက် တိုက်ရှုံးပွဲမရှိ ရလဒ်တွေမှာ အဓိက နေရာကနေ ခြေစွမ်းပြခဲ့ပါတယ်။  မနေ့က ကစားခဲ့တဲ့ နယူးကာဆယ်နဲ့ ပွဲမှာလည်း ဆာကာ ရဲ့ ဂိုးအတွက် ဖန်တီးပေးနိုင်ခဲ့ပြီး ဒီနှစ်ရာသီမှာ ကြိမ်မြောက်ဂိုးဖန်တီးမှု ပြုလုပ်နိုင်ခဲ့ပါတယ်။  စီနီယာ အသင်းကြီးမှာ အံဝင်ခွင်ကျဖြစ်စေဖို့နဲ့ ခြေစွမ်းပြသနိုင်ဖို့အတွက် အသင်းဖော်တွေအားလုံးက အားပေးကူညီကြပြီး တိုက်စစ်မှူးလာကာဇက်ကတော့ အများဆုံးဖြစ်တယ်လို့ စမစ်ရိုးကပြောပါတယ်။  အသင်းနည်းပြကလည်း လွတ်လွတ်လပ်လပ် ကစားဖို့ပြောခဲ့ပြီး ဟတ်ဒါဖီးလ်တောင်းနဲ့ လိုက်ဇစ်အသင်းတွေမှာ အငှားထွက်ကစားခဲ့ရတာကလည်း ခြေစွမ်းတိုးတက်လာစေခဲ့တယ်လို့ စမစ်ရိုးက ဆိုပါတယ်။
2 years Ago
Up