လယ်ဧက

March 30, 2019

မန္တလေးတိုင်း မြို့နယ် ၄ ခု၊ လယ်ဧက ၅ သောင်းခွဲကျော်ကို ရေအလုံအလောက်ပေးမည်

မန္တလေးတိုင်းဒေသကြီး အတွင်းရှိ ဝမ်းတွင်း၊ ကျောက်ဆည်၊ တံတားဦး၊ မြစ်သားစတဲ့ မြို့နယ် ၄ ခုက တောင်သူတွေရဲ့ လယ်ယာဧက ၅ သောင်းခွဲကျော်ကို ရေအလုံအလောက် ပေးဝေသွားမယ်လို့ မတ် ၂၈ ရက်မှာ ဆည်မြောင်းရုံးက ပြောပါတယ်။ “ကင်းတားဆည်ထဲမှာ ရေဧက ပေ ၃ သိန်း ၉ သောင်း လောက်ရှိပါတယ်။ လက်ယာရေပေးရေး လက်ဝဲရေပေးရေး ဆိုပြီး ရေပေးဝေရေးစနစ် ၃ မျိုးနဲ့ မြို့နယ် ၄ ခုအတွင်းက လယ်ယာတွေကို ရေပေးနေရာမှာ ဒီနှစ် နွေရာသီမှာ လယ်ယာဧက ၅ သောင်းခွဲကျော်ကို ရေအလုံအလောက် ပေးနိုင်ပါတယ်” လို့ ကင်းတားဆည်တမံဦးစီးအရာရှိ ဦးထင်ကျော်လင်းက ဒီဗွီဘီကို ပြောပါတယ်။ အညာဒေသမှာ မိုးဦး၊ မိုးလယ်၊ မိုးနှောင်း မကောင်းခဲ့တဲ့အတွက် မိုးကို အားမကိုးဘဲ ကင်းတာဆည်ရေကိုပဲ အားကိုးစိုက်ပျိုးသွားမယ်လို့ တောင်သူတွေက မျှော်လင့်နေပါတယ်။ မန္တလေးတိုင်းနဲ့ ရှမ်းပြည်နယ်အစပ်မှာ တည်ရှိတဲ့ ကင်းတားဆည်ကြီးမှာ လျှပ်စစ်ဓာတ်အားထုတ်ရင်း တောင်သူတွေရဲ့ လယ်ယာတွေကို ဖေဖော်ဝါရီ ၁၅ ရက်ကစပြီး ရေပေးနေပါတယ်။ ၂၀၁၉ ခုနှစ် နွေရာသီမှာ စပါးဧက ၅၀၀၀ ကျော်နဲ့ အခြားသီးနှံဧက ၅ သောင်း ၁ ထောင်ကျော်ကို ရေအလုံအလာက် ပေးသွားမှာ ဖြစ်ပါတယ်။
2 years Ago

October 28, 2018

တိုက်ကြီးတွင် အင်းရေထွက်ပေါက် ပိတ်ထား၍ လယ်ဧက ၂၀၀ ကျော် ပျက်စီး

တိုက်ကြီးမြို့နယ်မှာ အင်း ရေထွက်ပေါက်တွေ ပိတ်ထားတဲ့အတွက် လယ်ဧက ၂၀၀ ကျော် ရေနစ်မြုပ် ပျက်စီးခဲ့တယ်လို့ တောင်သူတွေက ပြောပါတယ်။ တိုက်ကြီးမြို့နယ်၊ မင်းလှဝ ကျေးရွာအုပ်စု ကွင်းအမှတ် ၉၇ (က) နဲ့ ၇၃ ကွင်းတို့ အလဆည်းအင်းဂရန်နဲ့ ထိဆက်နေတဲ့ ချောင်းရိုးတွေကို အင်းပိုင်ရှင်က ရေထွက်ပေါက်တွေ ပိတ်ထားလို့ တောင်သူတွေစိုက်ပျိုးထားတဲ့ ရေကျနောက်စိုက် လယ်ဧက ၂၀၀ ကျော် ရေနစ်မြုပ်ပျက်စီးခဲ့တာကြောင့် ငါးလုပ်ငန်းဦးစီဌာနနဲ့ သက်ဆိုင်ရာဌာနတွေကို တောင်သူ ၂၀ ကျော်က အောက်တိုဘာ ၂၆ ရက်နေ့မှာ လက်မှတ်ထိုး တိုင်ကြားထားပါတယ်။ "ကျနော်တို့တွေက ရေကြီးတဲ့ကွင်းတွေဆိုတော့ ရေကျနောက်စိုက်ပျိုးရတာ၊ စပါး ၁ ဧကကို ငွေကျပ် ၄ သိန်းလောက် ကုန်ကျစိုက်ပျိုးထားရတာ၊ အင်းပိုင်ရှင်က ရေထွက်ပေါက်တွေကို ပိတ်ထားတော့ ရေက အယ်ပြီး လယ်တွေရေနစ်မြုပ်နေပြီး စပါးပင်တွေသေကုန်ပြီ၊ ရေပြန်ဖွင့်ပေးဖို့ ပြောတော့လည်း မဖွင့်ပေးတဲ့အတွက် ခုလို တိုင်ကြားရတာ" လို့ ဦးဆောင်တိုင်ကြားသူ ဦးစောထူးပိုက ပြောပါတယ်။ အလဆည်အင်းဂရန် ရေထွက်ပေါက် သုံးပေါက်ကို အင်းပိုင်ရှင်ကပိတ်ထားတာကြောင့် ငါးလုပ်ငန်းဦးစီးဌာန၊ စိုက်ပျိုးရေး ဦစီးဌာန၊ လယ်ယာမြေနှင့် စာရင်းအင်း ဦးစီးဌာနနဲ့ တိုက်ကြီးမြို့နယ် အထွေထွေဦးစီးဌာနတွေကို တိုင်ကြားထားပြီး ငါးလုပ်ငန်းဦးစီးဌာနက အင်းပိုင်ရှင်နဲ့ တွေ့ဆုံပြီး ရေထွက်ပေါက်တွေ ဖွင့်ပေးနိုင်အောင် စီစဉ်ပေးမယ်လို့ တာဝန်ရှိသူတဦးက ပြောပါတယ်။ အလဆည်း အင်းရေ ထွက်ပေါက်ပြသာနာသည် လယ်စိုက်တောင်သူတွေ နှစ်စဉ်ခံစားနေရကြောင်း၊ မင်းလှဝ ကျေးရွာအုပ်စုရှိ တောင်သူတွေဟာ တစ်နှစ်ကို တခါသာ စပါးကို အားထားစိုက်ပျိုးကြရပြီး အင်းပိုင်ရှင်နဲ့ နှစ်စဉ်ပြဿနာ တက်လေ့ရှိတယ်လို့ မင်းလှဝကျေးရွာ ဒေသခံတောင်သူတွေက ပြောပါတယ်။ အလဆည်း အင်းရေ ထွက်ပေါက်ပိတ်ထားတဲ့ကိစ္စ တိုက်ကြီးမြို့နယ် အထွေထွေဦးစီး ဌာနကို ဆက်သွယ်မေးမြန်ရာမှာ တောင်သူတွေ တိုင်ကြားစာပို့ထားတာကို အောက်တိုဘာ ၂၉ ရက်နေ့မှာ မြို့နယ် လယ်ယာမြေစီမံခန့်ခွဲရေးအဖွဲ့ ဆုံးဖြတ်ချက် နဲ့ ရေထွက်ပေါက်တွေ ဖွင့်ပေးဖို့ ဆောင်ရွက်သွားမယ်လို့ တာဝန်ရှိသူတဦးက ပြောပါတယ်။ သတင်း မေသွယ်
2 years Ago
Up