လယ်ယာမြေကိစ္စ

A d v e r t i s e m e n t With Us

October 29, 2017

လယ်ယာမြေကိစ္စ စကားများရာမှ လူသတ်မှုဖြစ်ပွား

ပဲခူးတိုင်းဒေသကြီး ကျောက်တံခါးမြို့နယ် ဆင်ဇလုပ်အုပ်စု ဆင်သေအင်းကျေးရွာရှိ လယ်ကွက်တခုအတွင်း မနေ့ မွန်းလွဲ ၁ နာရီလောက်က လယ်ယာမြေကိစ္စစကားများရာမှ ခိုက်ရန်ဖြစ်ပွားပြီး လူသတ်မှုဖြစ်ခဲ့တယ်လို့ ကျောက်တံခါးမြို့နယ် ရဲတပ်မှူးရုံး တာဝန်ရှိသူ တဦးက ပြောပါတယ်။ ဖြစ်စဉ်မှာ ဆင်ဇလုပ်ကျေးရွာအုပ်စု ဆင်သေအင်းကျေးရွာအနီးရှိ လက်ကွင်းအတွင်းမှာ ပဲနွယ်ကုန်းမြို့ ကြိမ်ခါးကုန်းကျေးရွာနေသူ ဦးဝင်းအောင်နဲ့အတူ အောင်မြင်မြို့ ရွာမရပ်ကွက် နေသူ  ဦးအောင်ငွေတို့နဲ့ ဆင်ဇလုပ်ကျေးရွာနေ ဦးဇော်နိုင်ဦး၊ ပေစိ (နေရပ်လိပ်စာစုံစမ်းဆဲ) ဆိုသူတို့ တဦးနဲ့ တဦး အပြန်အလှန် စကားများရာမှ ဦးဇော်နိုင်ဦးက ဓားနဲ့ ခုတ်ခဲ့တာကြောင့် ဦးဝင်းအောင် သေဆုံးခဲ့ပြီး ဦးအောင်ငွေကတော့ ဒဏ်ရာပြင်းထန်လို့ တောကျွဲအင်ဆေးရုံကနေ တောင်ငူပြည်သူ့ဆေးရုံ လွှဲပြောင်းကုသနေတယ်လို့ ဆိုပါတယ်။ "ဖြစ်တာကတော့ဗျာ။ သတ်တဲ့သူနဲ့ သေတဲ့လူနဲ့က ညီအကိုတစ်ဝမ်းကွဲ၊ မြေနဲ့ ပတ်သက်ပြီးတော့ ပြဿနာတက်ထားတယ်လို့ ပြောတယ်။ အဓိကကတော့ မြေပိုင်ဆိုင်မှုနဲ့ ပတ်သက်ပြီး ကျေနပ်မှုမရှိတာကနေပြီး စကားများရာကနေဖြစ်တာပါ။ ပထမတော့ လေးခွတွေ ဘာတွေနဲ့ပစ်တယ်တဲ့။ လယ်သမားဆိုတော့လည်း ကိုင်းခုတ်ဓားဆိုတာ တောင်သူတွေကလည်း အကုန်ပါကြတာကိုး။ ဓားကလည်း နှစ်ဖက်လုံးပါတဲ့အခါကြတော့ အပြန်အလှန်ခုတ်ကြတာပေါ့။ အဲဒီမှာ တယောက်ကတော့ နေရာမှာတင်သေတယ်ဗျ။ တယောက်ကတော့ တောင်ငူဆေးရုံကို ပို့ထားရတယ်" လို့ ကျောက်တံခါးမြို့နယ်ရဲတပ်ဖွဲမှူးရုံး တာဝန်ရှိသူတဦးက ပြောပါတယ်။ အဆိုပါဖြစ်စဉ်နဲ့ ပတ်သက်ပြီး ဇော်နိုင်ဦးနဲ့ ပေစိတို့ကို တောကျွဲအင်နယ်မြေရဲတပ်ဖွဲစခန်းမှ လူသတ်မှု၊ ပြင်းထန်နာကျင်စေမှု၊ အားပေးကူညီမှုတို့နဲ့ ရာဇသတ်ကြီးပုဒ်မ ၃၀၂/၃၂၆/၁၁၄ တို့နဲ့ ဖမ်းဆီးအမှုဖွင့်အရေးယူဆောင်ရွက်နေတယ်လို့ သိရပါတယ်။ သတင်း - ကျော်အောင် (ကညွတ်ကွင်း)
3 years Ago

October 26, 2015

ရွေးကောက်ပွဲနိုင်ရင် လယ်ယာမြေကိစ္စများဆောက်ရွက်ပေးမည်ဟု ဦးအောင်သိန်းလင်း ပြော

၂၀၁၅ အထွေထွေ ရွေးကောက်ပွဲမှာ အနိုင်ရခဲ့ရင် မပြီးပြတ်သေးတဲ့ လယ်ယာမြေကိစ္စတွေကို ဆက်လက်ဆောင်ရွက်ပေးသွားမယ်လို မြို့တော်ဝန်ဟောင်းတဦး ဖြစ်သူ ဦးအောင်သိန်းလင်းက ပြောကြားလိုက်ပါတယ်။ လယ်ယာမြေနဲ့ အခြားမြေများသိမ်းဆည်းခံရမှုကြောင့် ပြည်သူတွေနစ်နာမှု မရှိစေရေး စုံစမ်းရေးကော်မရှင်မှာ အဖွဲ့ဝင်တဦးအဖြစ်ဆောင်ရွက်နေတဲ့ မြို့တော်ဝန်ဟောင်း ဦးအောင်သိန်းလင်းဟာ ၂၀၁၅ ရွေးကောက်ပွဲမှာ ထပ်မံအနိုင်ရရှိခဲ့ရင် မပြီးပြတ်သေးတဲ့ လယ်ယာမြေကိစ္စတွေကို ဆက်ပြီးဆောင်ရွက်သွားမယ်လို့ ပြောကြားလိုက်ပါတယ်။ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပြည်သူ့လွှတ်တော်ကိုယ်စားလှယ်လောင်း ဦးအောင်သိန်းလင်း က“ပြည်ထောင်စုလွှတ်တော်ကနေ အစိုးရကို ပေးပို့ထားတာတွေ ရှိတယ်။ တချို့ကလည်း ပြီးပြီ။ တို့လို့တန်းလန်း ကျန်တာတွေလည်း ရှိတယ်။ ကျနော့် စဉ်းစားချက်က တကယ်လို့ လွှတ်တော်ထဲရောက်သွားရင်တော့ မပြီးပြတ်သေးတဲ့ နစ်နာမှု တင်ပြချက်တွေကို ပြီးပြတ်အောင် တွန်းအားပေးဆောင်ရွက်မယ်လို့ စိတ်ကူးထားတယ်”လို့ ပြောပါတယ်။ ဦးအောင်သိန်းလင်းဟာ ၂၀၁၅ ရွေးကောက်ပွဲကို ရန်ကုန်တိုင်းဒေသကြီး တောင်ဥက္ကလာပ မြို့နယ်ကနေ ပြည်သူ့လွှတ်တော်ကိုယ်စားလှယ်လောင်းအဖြစ် ၀င်ရောက်ယှဉ်ပြိုင်မှာ ဖြစ်ပါတယ်။ ပြည်သူ့လွှတ်တော်ကိုယ်စားလှယ်လောင်း ဦးအောင်သိန်းလင်း က “အထူးသဖြင့် ၂၀၁၀ ရွေးကောက်ပွဲမှာ ကျနော့်ကို သူတို့ရွေးပြီးနောက်ပိုင်းမှာ လွှတ်တော်ထဲမှာ ကျနော်ဟာ ပြည်သူ့တာဝန်ကို ကျေကျေပွန်ပွန်ထမ်းဆောင်ခဲ့တယ်ဆိုတာကို သူတို့သိကြပါတယ်။ ဒါကြောင့် ၂၀၁၀ တုန်းက ကျနော့်ကို ရွေးလိုက်တာသည် အရွေးမှန်သွားတယ်။ လွှတ်တော်ထဲမှာ ကျနော့်ရဲ့ဆောင်ရွက်ချက်တွေဟာ ကျနော့်ရဲ့ ရပ်တည်ချက် စိတ်သဘောထားကို ထင်ဟပ်နေတာဖြစ်တဲ့အတွက် ဒီရွေးကောက်ပွဲမှာ ကျနော်ကိုပဲ ရွေးမယ်လို့ ယုံကြည်ထားပြီး ဖြစ်ပါတယ်”လို့ ပြောပါတယ်။ ဦးအောင်သိန်းလင်းဟာ လယ်ယာမြေပြဿ နာ နစ်နာမှု မရှိစေရေး စုံစမ်းရေးကော်မရှင်အဖွဲ့ဝင် အဖြစ် ပြည်သူ ၁၃၈၇၅ ဦးရဲ့ တင်ပြမှု ၁၇၁၅ စောင်ကို အစီရင်ခံစာအုပ် ၂၀ ပြုစုတင်ပြခဲ့တာကြောင့် လယ်သမားတွေအနေနဲ့ လျော်ကြေးငွေ ကျပ်ငွေ သိန်း ၆ သိန်းကျော်နဲ့ မြေဧက ၁၀၃၇၀ ပြန်လည်ရရှိအောင် ဆောင်ရွက်ပေးနိုင်ခဲ့တယ်လို့လည်း သူ့ရဲ့ မဲဆွယ်စည်းရုံးရာမှာ ဖြန့်ဝေတဲ့ လက်ကမ်းစာစောင်မှာ ထည့်သွင်းဖော်ပြထားပါတယ်။
5 years Ago
Up