လမ်းပတ် ဝေဖန်

November 20, 2020

လုံလောက်သည့်နားချိန်မရှိဘဲ ပွဲကစားရမည့်အပေါ် ချဲလ်ဆီးနည်းပြ လမ်းပတ် ဝေဖန်

နယူးကာဆယ်နဲ့ပွဲစဉ်ကို လုံလောက်တဲ့နားချိန်မရှိဘဲ ကစားရမယ့်အပေါ်မှာ ပရီးမီးယားလိဂ်ကို ချဲလ်ဆီးနည်းပြ လမ်းပတ်က ဝေဖန်လိုက်ပါတယ်။  ချဲလ်ဆီးအသင်းဟာ စနေနေ့ အစောဆုံးပွဲစဉ်အဖြစ် မြန်မာစံတော်ချိန်ည ၇ နာရီမှာ နယူးကာဆယ်အသင်းနဲ့ အဝေးကွင်းမှာ သွားရောက်ရင်ဆိုင်ရမှာပါ။ နိုင်ငံတကာပွဲစဉ်တွေက ကြာသာပတေးနေ့ မနက်ပိုင်းကမှ ပြီးဆုံးခဲ့ပြီး နားရက်တစ်ရက်လောက်သာ ရတဲ့အပေါ်မှာ နည်းပြ လမ်းပတ်က ဝေဖန်ခဲ့တာပါ။  ပွဲကစားမယ့်အချိန်က အကောင်းဆုံးအချိန်မဟုတ်ဘဲ အဲဒီလိုအခြေအနေမှာ ကစားဖို့ လိုအပ်တာမျိုးလည်း မဟုတ်ကြောင်း နည်းပြလမ်းပတ်က ဝေဖန်ပါတယ်။ ဒါ့အပြင် ပရီးမီးယားလိဂ်ပြိုင်ပွဲကို အကောင်းဆုံးဖြစ်စေချင်တယ်ဆိုရင် ပြင်ဆင်မှု ကောင်းကောင်းလုပ်နိုင်မယ့် အချိန်ပေးသင့်တယ်လို့ ဆိုပါတယ်။  အသင်းရဲ့အကောင်းဆုံးခြေစွမ်းနဲ့ ကစားချင်ပေမယ့်လည်း ပွဲစဉ်ဇယားအခြေအနေက အလွန်ခက်ခဲတယ်လို့ နည်းပြလမ်းပတ်က ပြောပါတယ်။  ပရီးမီးယားလိဂ်အသင်းကြီးတွေထဲမှာ မန်ယူ-ဝက်စ်ဘရွန်း၊ စပါး-မန်စီးတီးအသင်းတွေက နိုဝင်ဘာ ၂၂ ရက်နေ့ မနက်အစောပိုင်းမှာ ထိပ်တိုက်ယှဉ်ပြိုင်ရမှာဖြစ်ပြီး အာဆင်နယ်အသင်းက ညနေပိုင်းနဲ့ လီဗာပူးက နိုဝင်ဘာ ၂၃ ရက် မနက်အစောပိုင်းမှ လက်စတာနဲ့ ယှဉ်ပြိုင်ကစားရမှာဖြစ်ပါတယ်။  
1 year Ago
Up