လပွတ္တာ

July 19, 2021

လပွတ္တာမြို့တွင် ရပ်ကွက်အုပ်ချုပ်ရေးမှူးရုံးရှေ့ ဗုံးပေါက်ကွဲ

ဧရာ၀တီတိုင်းဒေသကြီး၊ လပွတ္တာမြို့၊ အမှတ် ၅ ရပ်ကွက် အုပ်ချုပ်ရေးမှူးရုံးရှေ့မှာ ဇူလိုင်လ ၁၉ ရက် ဒီနေ့ မနက်ပိုင်းက ဗုံးပေါက်ကွဲခဲ့ပါတယ်။

မနက် ၆ နာရီ မိနစ် ၄၀ လောက်က  ရုံးရှေ့ကထပေါက်ကွဲခဲ့တာဖြစ်ပြီး လူထိခိုက်ဒဏ်ရာရတာ မရှိခဲ့ဘူးလို့ ဒေသခံတစ်ယောက်က ပြောပါတယ်။

“ရုံးရှေ့က ထပေါက်တာ အသံတော်တော်ကျယ်တယ်။ ပေါက်ပြီးတော့ မီးခိုးတွေထွက်လာတာ ဒါပထမဆုံးပေါက်တာ”လို့ ပြောပါတယ်။

ဗုံးပေါက်ကွဲပြီး မိနစ်ပိုင်းအကြာမှာ  စစ်ကား ၁ စီး၊ ရဲကား ၂ စီး၊ အိမ်စီးကား ၁ စီးနဲ့ရောက်လာပြီး ဗုံးပေါက်ကွဲတဲ့ ပတ်ဝန်းကျင်ကိုပိတ်ဆို့စစ်ဆေးခဲ့ပါတယ်။

ဒီနေ့မနက်ဗုံးပေါက်ကွဲမှုဟာ လပွတ္တာမြို့မှာ စစ်တပ်အာဏာသိမ်းပြီးနောက်ပိုင်း ပထမဆုံးဗုံးပေါက်ကွဲခဲ့တာလည်းဖြစ်ပါတယ်။

3 months Ago

May 31, 2021

လပွတ္တာတွင် ခရိုင်ရဲတပ်ဖွဲ့မှူး၏ကားဖြင့်တိုက်မိပြီး အမျိုးသား ၁ ဦး သေဆုံး

ဧရာဝတီတိုင်း၊ လပွတ္တာမြို့မှာ  မေလ ၃၁ ရက်နေ့က လပွတ္တာခရိုင်ရဲတပ်ဖွဲ့မှူးရဲ့ကားနဲ့ ဝင်တိုက်မိခဲ့တာကြောင့်  အမျိုးသား တစ်ဦးသေဆုံးသွားပါတယ်။

ဒီ နေ့လယ်  ၁၂ နာရီခွဲလောက်မှာ တော်ဝင်ဆီဆိုင်ရှေ့ဖြတ်မောင်းလာတဲ့ ခရိုင်ရဲမှူးကားဟာ လမ်းလျှောက်လာတဲ့ အသက် ၃၈ နှစ်အရွယ်  ဦးကျော်မင်းအောင် ဝင်တိုက်ခဲ့တာလို့ မျက်မြင်တွေ့သူတွေကပြောပါတယ်။

"နေရာမှာတင်  သေသွားတာ။ ကားကလည်း အရှိန်များတယ် အဲ့လူကလည်း လမ်းပေါ်တက်လျှောက်တော့ ထိန်းမရဘဲ တိုက်လိုက်တဲ့သဘောဖြစ်သွားတာ''လို့ ဒေသခံက ပြောပါတယ်။

ယာဉ်တိုက်မှုကြောင့်  လူသေဆုံးခဲ့တဲ့အတွက် ခရိုင်ရဲတပ်ဖွဲ့မှူးရဲ့ ကားမောင်းနှင်သူကို ဥပဒေအတိုင်းအရေးယူသွားဖို့ရှိတယ်လို့ တိုင်းရဲတပ်ဖွဲ့က တာဝန်ရှိသူက ပြောပါတယ်။

"ဥပဒေအတိုင်း အရေးယူသွားမှာပါ။ ခုလည်း ရဲစခန်းမှာ အမှုဖွင့်ထားပါပြီ။ လိုအပ်တာတွေ စီစဉ်နေပါတယ်''လို့ တိုင်းရဲတပ်ဖွဲ့ရဲ့ ပြောရေးဆိုခွင့်ရှိသူ ဒုရဲမှူးကြီး ထွန်းရွှေက ဒီဗွီဘီကို ပြောပါတယ်။

အဆိုပါ ယာဉ်တိုက်မှုနဲ့ ပတ်သက်ပြီး ခရိုင်ရဲတပ်ဖွဲ့မှူးရဲ့ ယာဉ်မောင်းကို လပွတ္တာမြို့မရဲစခန်းမှာ ရာဇသတ်ကြီးပုဒ်မ ၃၀၄  (က) နဲ့ အမှုဖွင့် ထားပါတယ်။

5 months Ago
More News
Up