လန်ဒန်မြို့

A d v e r t i s e m e n t With Us

February 21, 2020

လန်ဒန်မြို့ရှိ ဗလီတခုတွင် ဓားထိုးမှုဖြစ်

လန်ဒန်မြို့က ဗလီတခုမှာ ဖေဖော်ဝါရီ ၂၀ ရက်က အသက် ၇၀ အရွယ် အမျိုးသား တယောက် ဓားထိုးခံပြီးနောက် ရဲတပ်ဖွဲ့က လူတယောက်ကို ဖမ်းဆီးခဲ့ပါတယ်။  အော်သံကြားတဲ့အတွက် ဓားနဲ့တိုက်ခိုက်တာကို သိခဲ့ပြီး ဗလီအမှုထမ်းကို  ပခုံးမှာ ဓားတန်း လန်းနဲ့မြင်ခဲ့တယ်လို့ မျက်မြင်တွေ့သူ တယောက်က ပြောပါတယ်။  အဲဒီနောက် ဝတ်ပြုသူအများအပြားက ဓားနဲ့ထိုးသူကို ဝိုင်းချုပ်ကြပြီး ဒဏ်ရာရသူကို သွေးတိတ်အောင်လုပ်ကာ ရဲအလာကိုစောင့်ဆိုင်းခဲ့တယ်လို့ ရှင်းပြပါတယ်။   ဓားနဲ့ တိုက်ခိုက်သူဟာ   အသက် ၂၉ နှစ်ရွယ် အမျိုးသားဖြစ်ပြီး  ရဲတပ်ဖွဲ့က သူ့ကို ဗလီထဲ ဝင်ရောက်ဖမ်းခဲ့တယ်လို့ ဘီဘီစီသတင်းမှာ ဖော်ပြပါတယ်။  ဓားထိုးခံရသူ  အမျိုးသားအခြေအနေဟာ အသက်အန္တရာယ် စိုးရိမ်စရာ မရှိဘူးလို့လည်း လန်ဒန်ရဲတပ်ဖွဲ့က သတင်းထုတ်ပြန်ခဲ့ပါတယ်။  တွစ်တာမှာတင်တဲ့  ဓာတ်ပုံတွေမှာတော့ ရီးဂျန့်စ်ပါ့ခန်အနီး ဗလီဝတ်ကျောင်းထဲကနေ လူတယောက်ကို ရဲတွေ ခေါ်ဆောင်သွားတာတွေ့ရပါတယ်။  ဓားနဲ့တိုက်ခိုက်မှုဟာ  မွန်းလွဲပိုင်း ဝတ်ပြုချိန်မှာဖြစ်ခဲ့တယ်လို့ ဘီဘီစီသတင်းအရ သိရပါ တယ်။ 
1 year Ago

ဦးနှောက်အကျိတ်ခွဲစိတ်မှုခံယူနေစဉ် တယောထိုးသည့် လူနာ (ရုပ်သံ)

ဦးနှောက်အကျိတ်ခွဲစိတ်မှုခံယူနေစဉ် လူနာက တယောထိုးတဲ့ ပထမဆုံး ဖြစ်ရပ်တခု ဗြိတိန်နိုင်ငံ လန်ဒန်မြို့ King's College ဆေးရုံမှာ ဇန်နဝါရီလ ၃၁ ရက်က ဖြစ်ခဲ့ပါတယ်။  အသက် ၅၃ နှစ်အရွယ် ဒက်မာတန်နာဆိုသူ အမျိုးသမီးဟာ ဦးနှောက်အကျိတ်ခွဲစိတ်ခံနေချိန်အတွင်း  “မားလာအင်န်ဂါရွှင်း” တေးသွားကို တ‌ယောထိုးခဲ့ ပါတယ်။  အဲဒီအချိန်မှာ ခွဲစိတ်ဆရာဝန်တွေက သူရဲ့ဘယ်လက်လှုပ်ရှားမှုကို ထိန်းချုပ်ပေးတဲ့ ဦးနှောက် ရှေ့ညာခြမ်းက အကျိတ်ကို ခွဲစိတ်ပေးခဲ့ပါတယ်။  လူနာရဲ့ တယောထိုးစွမ်းရည် ထိခိုက်မှာကို ကာကွယ်တဲ့အနေနဲ့ ဦးခေါင်းခွံကိုဖွင့်ပြီး လူနာတယောထိုးနေချိန်မှာ ခွဲစိတ်ဖို့ အစီစဉ်ဆွဲခဲ့တယ်လို့ ပါမောက္ခ ကီယိုမား အက်ရှ်ခန်က ရှင်းပြခဲ့ပါတယ်။  ခွဲစိတ်နေချိန်မှာတော့ တန်နာဟာ ဂီတပညာရှင် ဂတ်စတပ်မားလာ၊ ဂျော်ချ်ဂါရွှင်းတို့ရဲ့ ဂန္ထဝင်ဂီတ "Summertime" တေးသွားကို တီးခတ်ခဲ့ပါတယ်။  ဒါဟာ ပထမဆုံးအကြိမ် တယောထိုးနေရင်း  ခွဲစိတ်မှု လုပ်တာဖြစ်တယ်လို့ ပါမောက္ခ အက်ရှ်ခန်က ပြောပါတယ်။  ခွဲစိတ်မှုဟာ အောင်မြင်ပြီး အန္တရာယ်ရှိ အစိတ်အပိုင်းအပါအဝင်  အကျိတ်ရဲ့ ၉၀ ရာခိုင်နှုန်း ကျော်ကို ဖယ်ရှားပစ်နိုင်ခဲ့တယ်လို့ အက်ရှ်ခန်က ပြောပါတယ်။  တန်နာကလည်း တယောထိုးတာဟာ ၁၀ နှစ်သမီးကတည်းက  သူ့ဝါသနာ ဖြစ်တယ်လို့ ပြောပြီး ခွဲစိတ်ပေးခဲ့တဲ့ ဆရာဝန်တွေကို ကျေးဇူးတင်စကားဆိုခဲ့ပါတယ်။
1 year Ago

December 11, 2019

လန်ဒန်မြို့၌ ရာသီဥတုအရေး လှုပ်ရှားသူများက ကွန်ကရစ်တုံးတွင် လက်ကို ကော်ဖြင့်ကပ်ပြီး ဆန္ဒပြ

ဗြိတိန်နိုင်ငံ လန်ဒန်မြို့လယ် လမ်းမတခုမှာ Extinction Rebellion   လို့ အမည်ရတဲ့ ရာသီဥတုအရေး တက်ကြွလှုပ်ရှားသူတွေဟာ သူတို့ရဲ့လက်တွေကို ကွန်ကရစ်တုံးမှာ ကော်ကပ်ပြီး ဆန္ဒပြခဲ့ကြပါတယ်။ ဒီဇင်ဘာ ၉ ရက် မနက်အစောပိုင်းမှာ အစိမ်းရောင် ဆင်တူဝတ်စုံ ဝတ်ဆင်ထားကြတဲ့ ဆန္ဒပြသူတချို့ဟာ လမ်းပိတ်ပြီး သူတို့ရဲ့လက်တွေကို ကွန်ကရစ်တုံးတွေမှာ ကော်နဲ့ ကပ်ခဲ့ကြတာပါ။ လန်ဒန်မြို့လယ်ကောင်မှာ လေထုညစ်ညမ်းမှုညွှန်းကိန်း မြင့်တက်နေတာကို သတိပြုမိအောင်လို့ အခုလို ဆန္ဒထုတ်ဖော်တာလို့ အဲဒီတက်ကြွလှုပ်ရှားသူတွေက ပြောပါတယ်။  လန်ဒန်မြို့မှာ နေ့စဉ်နေ့တိုင်း ရောဂါအမျိုးမျိုးကြောင့် လူ ၂၅ ယောက် သေဆုံးနေကြရတယ်လို့လည်း သူတို့က ပြောပါတယ်။ လန်ဒန် ရဲတပ်ဖွဲ့က ဆန္ဒပြ တက်ကြွလှုပ်ရှားသူတွေကို ကော်တွေ ခွာပေးပြီး  ဖမ်းဆီး ခေါ်ဆောင်သွားခဲ့တယ်လို့ ရိုက်တာသတင်းဌာနက ဖော်ပြပါတယ်။
1 year Ago
More News
Up