လစ်ဗျားဝန်ကြီးချုပ်

November 13, 2021

ရွေးကောက်ပွဲလုပ်ငန်းစဉ် တရားမျှတပါက အာဏာလွှဲပေးမည်ဟု လစ်ဗျားဝန်ကြီးချုပ်ပြော

ရွေးကောက်ပွဲလုပ်ငန်းစဉ်ဟာ တညီတညွတ်တည်းဖြစ်ပြီး တရားမျှတတဲ့နည်းလမ်းနဲ့ ကျင်းပမယ်ဆိုရင် အာဏာလွှဲပြောင်းပေးသွားမယ်လို့ လစ်ဗျားဝန်ကြီးချုပ် အဗဒူလ်ဟာမစ်အယ်လ်ဒက်ဘီဘာက နိုဝင်ဘာ ၁၂ ရက်မှာ ပြောပါတယ်။

လစ်ဗျားနိုင်ငံအရေး ပါရီမှာပြုလုပ်တဲ့  ထိပ်သီးဆွေးနွေးပွဲအပြီး သတင်းစာရှင်းလင်းပွဲမှာ ပြောတာ ဖြစ်ပါတယ်။

ပြိုင်ဘက် လစ်ဗျား နိုင်ငံရေးအဖွဲ့အစည်းတွေ အငြင်းအခုံဖြစ်နေတဲ့ ရွေးကောက်ပွဲစည်းမျဉ်းတွေနဲ့ ပတ်သက်ပြီး အစည်းအဝေးအတွင်း အရေးတကြီး ပြုပြင်ပြောင်းလဲဖို့ အလေးပေး တိုက်တွန်းခဲ့တယ်လို့ ဝန်ကြီးချုပ်က ပြောပါတယ်။

လစ်ဗျားရဲ့ ရွေးကောက်ပွဲလုပ်ငန်းစဉ်နဲ့ နိုင်ငံရေး အသွင်ကူးပြောင်းမှုကို နှောင့်ယှက်တဲ့ ဘယ်သူ့ကိုမဆို ကမ္ဘာ့အင်အားကြီးနိုင်ငံတွေက ပိတ်ဆို့အရေးယူမှုတွေ ပြုလုပ်သွားမှာဖြစ်ပြီး ဆယ်စုနှစ်တစ်ခုကြာ ပဋိပက္ခကို အဆုံးသတ်ဖို့ ရည်ရွယ်တဲ့ မဲခွဲဆုံးဖြတ်ပုံနဲ့ ပတ်သက်ပြီး ကြီးမားတဲ့ အငြင်းပွားမှုတွေ ရှိနေသေးတယ်လို့ သောကြာနေ့က ပဲရစ်မှာ ပြောခဲ့ပါတယ်။ 

အဲဒီအစည်းအဝေးမှာ ပြင်သစ်၊ လစ်ဗျား၊ ဂျာမနီ၊ အီတလီနဲ့ အီဂျစ်နိုင်ငံတို့မှ ခေါင်းဆောင်တွေအပြင် အမေရိကန် ဒုသမ္မတလည်း ပါဝင်ခဲ့ပါတယ်။

ဒီအစည်းအဝေးဟာ စီစဉ်ထားတဲ့ ဒီဇင်ဘာ ၂၄ ရက် ရွေးကောက်ပွဲအတွက် ကျောထောက်နောက်ခံ ခိုင်မြဲစေဖို့နဲ့ နိုင်ငံခြား အင်အားစုတွေကို ဖယ်ရှားဖို့ကြိုးပမ်းမှုလည်း ဖြစ်ပါတယ်။ 

2 months Ago

September 17, 2020

နိုင်ငံတကာအသိအမှတ်ပြု လစ်ဗျားဝန်ကြီးချုပ် ရာထူးကနုတ်ထွက်မည်ဟုကြေညာ

လစ်ဗျားရဲ့ နိုင်ငံတကာအသိမှတ်ပြုဝန်ကြီးချုပ် ဖားယက်စ် အယ်ဆာရက်ချ်က အောက်တိုဘာလကုန်မှာ ရာထူးကဆင်းဖို့ ရည်ရွယ်ထားတယ်လို့ စက်တင်ဘာ ၁၆ ရက်မှာ  နိုင်ငံပိုင်ရုပ်သံကနေ  မိန့်ခွန်းပြောကြားခဲ့ပါတယ်။  ဝန်ကြီးချုပ် ဆာရက်ချ်ဟာ ထရီပိုလီအခြေစိုက် လစ်ဗျားအစိုးရအဖွဲ့အကြီးအကဲဖြစ်ပြီး လစ်ဗျားအရှေ့ပိုင်းနဲ့တောင်ပိုင်း နေရာအများစုကို ပြိုင်ဘက်အစိုးရက ထိန်းချုပ်ထားပါတယ်။  သူဟာ ကုလကျောထောက်နောက်ခံပြု နိုင်ငံရေးသဘောတူညီချက်အရ ၂၀၁၅ မှာ ဖွဲ့စည်းခဲ့ တဲ့ GNA အစိုးရကို  ဦးဆောင်လာခဲ့တာပါ။  ၂၀၁၁ ခုနှစ်က လစ်ဗျားမှာ အာဏာရှင် ကဒါဖီအစိုးရ ဖြုတ်ချခံရပြီးနောက်ပိုင်း နိုင်ငံ စည်းလုံးရေးနဲ့ တည်ငြိမ်ရေး ရည်ရွယ်ချက်နဲ့  GNA အစိုးရကို ဖွဲ့စည်းခဲ့တာပါ။  GNA  အစိုးရအဖွဲ့ဝန်ကြီးချုပ်  ဆာရက်ချ် နုတ်ထွက်မှုဟာ ထရီပိုလီမှာ နိုင်ငံရေး မသေချာ မရေရာမှုကို တိုးပွားစေပြီး လစ်ဗျားအနောက်ပိုင်းကို လွှမ်းမိုးတဲ့ ပြိုင်ဘက်လက်နက်ကိုင် အဖွဲ့တွေကြား တိုက်ပွဲတွေ ပိုဖြစ်လာစေနိုင်တယ်လို့ ရိုက်တာသတင်းမှာ ဖော်ပြထားပါတယ်။
1 year Ago
Up