လစာ ၃၀ ရာခိုင်နှုန်း

A d v e r t i s e m e n t With Us

April 7, 2020

COVID-19 ကပ်ရောဂါဘေးကာလ အိန္ဒိယအစိုးရခေါင်းဆောင်များ လစာ ၃၀ ရာခိုင်နှုန်း လျှော့ယူ

အိန္ဒိယနိုင်ငံမှာ ကိုရိုနာဗိုင်းရပ်စ် ကူးစက်မှုနဲ့ ကိုရိုနာဗိုင်းရပ်စ်ကြောင့် စီးပွားရေးအပေါ် သက်ရောက်မှုတွေကို ကိုင်တွယ်ဖြေရှင်းနေရတာမို့ ဝန်ကြီးချုပ် နရိန်ဒြာမိုဒီအပါအဝင် တခြားအစိုးရထိပ်ပိုင်းခေါင်းဆောင်တွေအနေနဲ့ ဒီနှစ်မှာ လစာ ၃၀ ရာခိုင်နှုန်း လျှော့ယူမယ်လို့ ပြန်ကြားရေးဝန်ကြီးက  ဧပြီ ၆ ရက်မှာ ပြောပါတယ်။ ကိုရိုနာဗိုင်းရပ်စ် ပျံ့နှံ့တာကို ထိန်းချုပ်ဖို့အတွက်  ဝန်ကြီးချုပ် မိုဒီက နိုင်ငံတဝန်း သီတင်း ၃ ပတ်ကြာ အိမ်ထဲက အိမ်ပြင် မထွက်ရ အစီအမံကို ချမှတ်ခဲ့ပါတယ်။ ဒါပေမဲ့ ဒီအစီအမံက  သန်းနဲ့ချီတဲ့ အိန္ဒိယပြည်သူတွေကို အလုပ်လက်မဲ့ဖြစ်စေပြီး ဆင်းရဲသား အတော်များများကို စားဝတ်နေရေး အခက်တွေ့စေပါတယ်။ ဒါကြောင့် လူမှုရေးတာဝန်ယူမှုအနေနဲ့ သမ္မတရမ်နတ်ကိုဗင်နဲ့အတူ ဝန်ကြီးချုပ် မိုဒီ၊ ပြည်နယ်အုပ်ချုပ်ရေးမှူးတချို့နဲ့ ပါလီမန်အမတ်တွေ လစာလျှော့ယူမယ့် အမိန့်အာဏာကို  ပြည်ထောင်စုအစိုးရအဖွဲ့က သဘောတူထားပါတယ်။  ဧပြီ ၆ ရက်နေ့အထိ အိန္ဒိယနိုင်ငံမှာ ကိုရိုနာဗိုင်းရပ်စ် ကူးစက်ခံရသူ ၃,၈၅၁ ယောက်ရှိပြီး သေဆုံးသူ ၁၁၁ ယောက်ရှိတယ်လို့  ကျန်းမာရေးဝန်ကြီးဌာနက သိရပါတယ်။ 
11 months Ago
Up