လစာဖြတ်တောက်

February 27, 2021

ညောင်လေးပင် CDM စည်ပင်ဝန်ထမ်းများကို လစာဖြတ်တောက်

ပဲခူးတိုင်းဒေသကြီး ညောင်လေးပင်မြို့နယ်က CDM လုပ်နေတဲ့ စည်ပင်ဝန်ထမ်းတွေကို ဖေဖော်ဝါရီလအတွက် လစာအပြည့်မပေးပဲ ၇ ရက်စာပဲ ပေးခဲ့တယ်လို့ သိရပါတယ်။

စစ်အာဏာသိမ်း​ပြီး​နောက် ဖေဖော်ဝါရီ ၈ ရက်နေ့ကစ​ပြီး ညောင်လေးပင်မြို့နယ် စည်ပင်သာယာ​ရေးဌာက ဝန်ထမ်း ၁၄ ဦးဟာ အာဏာဖီဆန်ရေးလှုပ်ရှားမှု (CDM) မှာ ပါဝင်နေကြတာပါ။

CDM ဝန်ထမ်း ၁၄ ဦးဟာ အမြဲတမ်းဝန်ထမ်းဖြစ်နေတာကြောင့် နေ့စားပုတ်ပြတ်ပေးသလို လစာကို ဖြတ်တောက်ပေးတာဟာ လုပ်ထုံးလုပ်နည်းနဲ့ မညီတာကြောင့် မကျေနပ်ဘူးလို့ CDM စည်ပင်ဝန်ထမ်းတစ်ဦးက ​​ပြောပါတယ်။

CDM လုပ်ခဲ့စဥ်ထဲက လစာကို မထုတ်ယူဖို့ ဆုံး​ဖြတ်ထား​ကြတာ​ဖြစ်ပြီး CDM လုပ်နေကြတာကလည်း အလုပ်က ထွက်တာမဟုတ်တာကြောင့် ပြည်သူလူထုထောက်ခံထားတဲ့ ​ပြည်သူအစိုးရစစ်စစ် ​ပြန်တက်လာမှသာ ရုံးပြန်တက်သွားမယ်လို့ ဆိုပါတယ်။

အာဏာဖီဆန်ရေး CDM လုပ်ရှားမှုမှာပါတဲ့ ဝန်ထမ်းတစ်ဦးက “ဖေဖော်ဝါရီ ၈ ရက်နေ့ကစပြီ CDM လုပ်တယ်၊ အဲ့အတွက်ကြောင့် ၇ ရက်စာပဲ ပေးတာ လို့ပြောတယ်။ ကျနော်တို့က အစကတည်းက ယူဖို့လည်း အစီအစဥ်မရှိဘူး၊ လစာအပြည့်ပေးလည်း မယူဘူး၊ ခုဟာက လုပ်ထုံးလုပ်နည်းနဲ့မညီလို့ ပြောနေရတာ” လို့ ပြောပါတယ်။

ညောင်လေးပင်မြို့မှာ စစ်အာဏာရှင်ဆန့်ကျင်ရေး သပိတ်မှောက်မှုတွေဟာ အရှိန်အဟုန်မြင့်လာနေပြီ CDM လုပ်ထားတဲ့ ဝန်ထမ်း ၃၀၀ ကျော်ရှိတယ်လို့ သိရပါတယ်။

သတင်း၊ဓာတ်ပုံ - နေလင်းထိုက်

4 months Ago

March 27, 2020

ဘာစီလိုနာ ကစားသမားအားလုံးကို လစာဖြတ်တောက်မည်

စပိန်ဘောလုံးကလပ် ဘာစီလိုနာဟာ ကိုရိုနာဗိုင်းရပ်စ်ကြောင့် စီးပွားရေး ထိခိုက်မှုတွေ ဖြစ်ရတာကို လျှော့ချနိုင်ဖို့ ကစားသမားတွေရဲ့လစာကို ဖြတ်တောက်သွားဖို့ ဆုံးဖြတ်လိုက်တယ်လို့ မတ် ၂၇ ရက် နေ့ ရိုက်တာသတင်းမှာ  ဖော်ပြထားပါတယ်။  စပိန်လာလီဂါကလပ်က ထုတ်ပြန်တဲ့အထဲမှာ ကလပ်ရဲ့ တန်ဖိုးအကြီးဆုံး ကမ္ဘာ့အကောင်းဆုံးဘောလုံးသမားဆု ခြောက်ကြိမ်ရ မက်ဆီအပါအဝင် ကစားသမားအားလုံး၊ ကစားသမား မဟုတ်တဲ့ ဝန်ထမ်းတွေ အားလုံးကို အခုလို နိုင်ငံကိုပိတ်ထားတဲ့ကာလမှာ မဖြစ်မနေ လစာဖြတ်တောက် လျှော့ချမှုတွေကို  ရင်ဆိုင်ရမယ်လို့ ဖော်ပြထားပါတယ်။   ဒီဆုံးဖြတ်ချက်ကို ကလပ်ရဲ့ ဒါရိုက်တာတွေအားလုံးက ဗွီဒီယိုကွန်ဖရင့်တခု ကျင်းပပြီး ဆုံးဖြတ်ခဲ့တာပါ။  စပိန်ဟာ ဥရောပမှာ အီတလီပြီးနောက် ကိုရိုနာဗိုင်းရပ်စ်ဒဏ် အခံရဆုံးနိုင်ငံဖြစ်ပြီး၊ သေဆုံးသူဦးရေမှာလည်း တရုတ်ပြည်ကို ကျော်လွန်ပြီး လူ ၄၃၀၀ ကျော်သေ ဆုံးပြီးဖြစ်ပါတယ်။ လက်ရှိမှာ စာရင်းအရ ဗိုင်းရပ်စ် ကူးစက်ခံထားရသူ ဦးရေကလည်း ၅၇၀၀၀ ကျော် ရှိနေပါတယ်။  ဘာစီလိုနာဟာ လစာတွေ ဖြတ်တောက်လျှော့ချရေးအပြင် ကလပ်အသင်းနဲ့ အသင်းပိုင် အဆောက်အအုံနေရာတွေကိုလည်း ကာတာလန်အစိုးရကျန်းမာရေးဌာနက အသုံးပြုနိုင်ဖို့ ခွင့်ပြုပေးထားကြောင်း ရိုက်တာသတင်းမှာ ဖော်ပြထားပါတယ်။
1 year Ago
Up