လက်နက်စွဲကိုင်တော်လှန်

November 17, 2021

စစ်အာဏာရှင်အား လက်နက်စွဲကိုင်တော်လှန်နေသည့် ၁၀၁ တပ်ခွဲ (ဓာတ်ပုံ)

အကြမ်းဖက်စစ်ကောင်စီရဲ့ လူမဆန်စွာ ရက်စက်မှုတွေကို ငြိမ်းချမ်းစွာ ဆန္ဒပြတဲ့နည်းနဲ့ တော်လှန်လို့ မရတာကြောင့် လူငယ်အများစုဟာ လက်နက်ကိုင် ဒေသတွေကို သွားရောက်ကာ စစ်ပညာသင်ကြားပြီး အကြမ်းဖက်လူသတ် စစ်ကောင်စီအား လက်နက်ကိုင်တဲ့နည်းနဲ့ ဆန့်ကျင် တော်လှန်ခဲ့နေကြပါတယ်။

အဲဒီအထဲမှာ လူငယ်အများစုနဲ့ ဖွဲ့စည်းထားတဲ့ ၁၀၁ တပ်ခွဲလည်း တစ်ခုအပါအဝင် ဖြစ်ပါတယ်။

တပ်ခွဲက လူငယ်တွေဟာ တစ်နေ့တာကို ကိုယ်ခန္ဓာလေ့ကျင့်ခန်း ပြုလုပ်တာ၊ တနေ့တာ စားသောက်ဖို့အတွက် ငါးဖမ်းတာနဲ့ နေထိုင်ရာတဲတွေကို ကိုယ်တိုင် ဆောက်လုပ် နေထိုင်ကြပါတယ်။

၁၀၁ တပ်ခွဲမှာ လေ့ကျင့်နေတဲ့ PDF လူငယ်တွေရဲ့ နေ့ထိုင်မှုဘ၀တွေကို ရိုက်ကူးတင်ပြထားပါတယ်။

Photo - Kaung Zaw Hein / MPA

2 weeks Ago

May 4, 2021

အကြမ်းဖက်စစ်အုပ်စုကို ယောဒေသနေပြည်သူများက ရရာလက်နက်စွဲကိုင် တော်လှန်တိုက်ခိုက်နေ

မကွေးတိုင်းနဲ့ ချင်းပြည်နယ်စပ်ရှိ ယောဒေသ ဂန့်ဂေါမြို့နယ်နဲ့ ထီးလင်းမြို့နယ်ထဲမှာ မေလ ၄ ရက်နေ့က စစ်ကောင်စီအကြမ်းဖက်တပ်တွေကို ဒေသခံတွေက ရရာလက်နက်စွဲကိုင်ကာ ပြန်လည်ခုခံတိုက်ခိုက်နေကြပါတယ်။

စစ်အုပ်စုက ပြည်သူတွေအပေါ်  ဖိနှိပ်အကြမ်းဖက်မှုတွေ တစ်ရက်ထက် တစ်ရက် ဆိုးဝါးလာနေတာကြောင့် မခံနိုင်တော့တဲ့အတွက် အခုလို ရရာလက်နက်စွဲကိုင် တော်လှန်တာ ဖြစ်တယ်လို့ ဒေသခံတချို့က ဒီဗွီဘီကို ပြောပါတယ်။

ထီးလင်းမြို့နယ် တိုက်ပွဲအတွင်း မနက်ပိုင်းမှာ စစ်ကောင်စီဘက်က အနည်းဆုံး ၄ ဦး ကျဆုံးထားသလို ပြည်သူတွေဘက်ကလည်း ကျဆုံးသူတချို့ ရှိပါတယ်။

လက်ရှိမှာ စစ်ကောင်စီဘက်က အင်အားထပ်ဖြည့်နေသလို  ပြည်သူတွေဘက်ကိုလည်း အနီးအနားမြို့တွေက လာရောက်ဝိုင်းဝန်းနေကြတယ်လို့ သိရပါတယ်။ ဒါ့အပြင် ဂန့်ဂေါမြို့နယ်မြောက်ပိုင်း မြစ်သာမြစ်အရှေ့ဘက်ကမ်းရှိ  သာကောင်းကျေးရွာအနီးမှာလည်း စစ်ကောင်စီတပ်တွေနဲ့ ဒေသခံတွေ တိုက်ပွဲဖြစ်ပွားနေကာ ထိခိုက်ကျဆုံးမှု အသေးစိတ်တော့ မသိရသေးပါဘူး။ 

ဒီတိုက်ပွဲတွေကို စစ်ကောင်စီက စစ်အင်အားဖြည့်တဲ့အနေနဲ့ ကလေးမြို့ကနေ စစ်ကားကြီး ၇ စီးနဲ့ လာရောက်နေကြောင်းလည်း သတင်းရင်းမြစ်တွေထံက သိရပါတယ်။

မနေ့က‌လည်း ယောနယ်နဲ့ နယ်နိမိတ်ချင်းထိစပ်နေတဲ့ ဟားခါးမြို့မှာ စစ်ကောင်စီတပ်တွေနဲ့ CDF(Hakha)တို့ ပစ်ခတ်မှုဖြစ်ပြီး စစ်ကောင်စီအကြမ်းဖက်တပ်က ၄ ဦးသေဆုံးတယ်လို့ CDF က သတင်းထုတ်ပြန်ပါတယ်။ 

ဒါ့အပြင် ကလေး-ဂန့်ဂေါကားလမ်းပေါ်က ဆည်တောရွာအနီးမှာလည်း တိုက်ပွဲဖြစ်ပွားခဲ့ပြီး လက်ရှိဖြစ်ပွားနေတဲ့ တိုက်ပွဲတွေနဲ့ပတ်သက်လို့ ထိခိုက်ကျဆုံးမှုအခြေအနေကို  စုံစမ်းနေဆဲ ဖြစ်ပါတယ်။

ပြီးခဲ့တဲ့ မတ်လအတွင်းကလည်း စစ်ကောင်စီတပ်တွေနဲ့ ဒေသခံ တူမီးကိုင်ဆောင်သူတွေ ကလေး-ဂန့်ဂေါလမ်း၊ ဂန့်ဂေါမြို့နယ်မြောက်ပိုင်းက ကျေးရွာတွေမှာ တိုက်ပွဲဖြစ်ပွားကာ ပြည်သူတချို့ ကျဆုံးခဲ့ပါသေးတယ်။

ဂန့်ဂေါ-ကလေးလမ်းမှာ မကြာခဏဆိုသလို စစ်ကောင်စီအကြမ်းဖက်တပ်တွေနဲ့ ပြည်သူတွေ ရင်ဆိုင်တိုက်ပွဲတွေ ဖြစ်ပွားနေတာလည်း ဖြစ်ပါတယ်။

7 months Ago
Up