လက်နက်ကြီ

April 18, 2022

ဖယ်ခုံမြို့နယ်၌ PDF သင်တန်းဆင်းပွဲကို စစ်ကောင်စီတပ်က လက်နက်ကြီးဖြင့်ပစ်ခတ်

ရှမ်းပြည်နယ်တောင်ပိုင်း၊ ဖယ်ခုံမြို့နယ်၊ လွယ်ပေါကျေးရွာမှာ ဧပြီ ၁၈ ရက် ဒီနေ့မနက်ပိုင်းက ပြည်သူ့ကာကွယ်ရေးတပ်ဖွဲ့ (PDF) သင်တန်း ဆင်းပွဲအခမ်းအနားကျင်းပနေချိန်  ဖယ်ခုံမြို့အခြေ စိုက် စစ်ကောင်စီတပ်က လက်နက်ကြီးနဲ့ ပစ်ခတ်ခဲ့တယ်လို့ ဒေသခံတွေက ပြောပါတယ်။

ဒေသခံတဦးက "ဒီမနက် လွယ်ပေါမှာ PDF သင်တန်းဆင်းပွဲလုပ်နေတာကို စစ်တပ်က ဘယ်လို သတင်းရသွားလည်း မသိဘူး၊ ဖယ်ခုံဘက်ကနေ လက်နက်ကြီးနဲ့ လေး ချက်ပစ်လာတယ်" လို့ ပြောပါတယ်။

စစ်တပ်က ပစ်ခတ်လိုက်တဲ့လက်နက်ကြီးကျည်ဟာ လွယ်ပေါရွာအတွင်းနဲ့ စေတီကုန်းပေါ် ကျရောက်ပေါက်ကွဲခဲ့ပေမဲ့ ပြည်သူလူထုနဲ့ PDF တပ်ဖွဲ့ဝင်တွေ ထိခိုက်ဒဏ်ရာရတာ မရှိခဲ့ပါဘူး။

ဖယ်ခုံမြို့နယ်၊ လွယ်ပေါကျေးရွာမှာကျင်းပတဲ့  PDF တပ်ဖွဲ့သင်တန်းဆင်းပွဲ အခမ်းအနားကို ဒေသအတွင်းမှာရှိတဲ့ တော်လှန်ရေးမဟာမိတ်တပ်ဖွဲ့တွေ တက်ရောက်ချီးမြှင့်ခဲ့ပါတယ်။

10 months Ago

March 12, 2022

ယင်းမာပင်မြို့နယ်၌ စစ်​ကောင်စီတပ်က ပစ်ခတ်သည့် လက်နက်ကြီး​ကြောင့် ​လူနေအိမ် မီး​လောင်

စစ်ကိုင်းတိုင်း၊ ယင်းမာပင်မြို့နယ်မှာ မတ် ၁၂ ရက်မနက်ပိုင်းက စစ်​ကောင်စီတပ်ရဲ့ ရမ်းသန်း ပစ်ခတ်မှု​ကြောင့် ပြည်သူ​တွေရဲ့ နေအိမ်တချို့ မီး​လောင်သွားခဲ့တယ်လို့  ဒေသခံတွေထံက ​သိရပါတယ်။

မနေ့ညက န​တ္ထောင့်​ကျေးရွာမှာ တပ်စွဲညအိပ်ခဲ့တဲ့ စစ်​ကောင်စီတပ်ဖွဲ့တွေဟာ ဒီ​​မနက် ၆ နာရီ​ကျော်​လောက်မှာ ပေါက်ပန်းဖြူ​ကျေးရွာကို ရောက်လာပြီးနောက် ရုံး​လေးပင်​ကျေးရွာဘက်ကို မနက် ၇ နာရီ​လောက်မှာ လက်နက်ကြီး​တွေနဲ့ ပစ်ခတ်ခဲ့လို့ ​ဒေသခံပြည်သူတစ်ဦးရဲ့ ​နေအိမ် ၁ လုံး လက်နက်ကြီးကျည်ထိမှန်ခဲ့ပြီး မီး​လောင်သွားခဲ့တာ ဖြစ်ပါတယ်။ ​

ရွာသားတွေကတော့ စစ်​ကောင်စီတပ်ဖွဲ့​တွေရဲ့ရန်ကို​ ကြောက်လို့ ဘေးလွတ်ရာကို ကြိုတင်​ ရှောင်တိမ်း​နေကြတာ​ကြောင့် လူအထိအခိုက်​တော့ မရှိခဲ့ဘူးလို့  ဒေသခံက ပြောပါတယ်။

မီး​လောင်​နေတဲ့ ​နေအိမ်ကို ​ဒေသခံ ပြည်သူ့ကာကွယ်​ရေးတပ်​တွေ ပူး​ပေါင်းပြီး မီးငြှိမ်းသတ်ခဲ့ကြ တာ​ကြောင့် ထပ်မံမီးကူးစက် လောင်ကျွမ်းမှုအန္တရာယ်က​နေ လွတ်ကင်းသွားခဲ့တယ်လို့ ​ ဒေါင်းမင်း PDF အဖွဲ့​ခေါင်း​ဆောင် ဗိုလ်စက္ကက ​ပြောပါတယ်။

လက်ရှိအချိန်မှာ စစ်​ကောင်စီတပ်ဖွဲ့တွေဟာ ​ပေါက်ပန်းဖြူ​ကျေးရွာမှာပဲ ရှိ​နေ​သေးပြီး စစ်​ရေး တင်းမာမယ့် အ​နေအထားရှိ​နေတယ်လို့လည်း ဆိုပါတယ်။

မတ် ၁၁ ရက်နေ့ကလည်း ​ယင်းမာပင်မြို့နယ်အတွင်းမှာ လှုပ်ရှားသွားလာ​နေတဲ့ စစ်​ကောင်စီတပ်ဖွဲ့တွေနဲ့ PDF ပူး​ပေါင်းအဖွဲ့​တွေနဲ့ တိုက်ပွဲဖြစ်ပွားတာရှိခဲ့ပြီး နှစ်ဘက် ထိခိုက် ကျဆုံးတာ​တွေလည်း ရှိခဲ့ပါတယ်။

11 months Ago
More News
Up