လက်နက်ကိုင်အဖွဲ့

A d v e r t i s e m e n t With Us

January 24, 2021

မောင်တောတွင် အမည်မသိလက်နက်ကိုင်အဖွဲ့၏ ရိုက်နှက်ခံရသူ အရေးပေါ်ကုသနေရ (ဓာတ်ပုံ)

ရခိုင်ပြည်နယ်၊ မောင်တောမြို့နယ်တောင်ပိုင်း မေယုတောင်ခြေမှာ ဝါးခုတ်သွားရာမှ အမည်မသိ လက်နက်ကိုင်အဖွဲ့ရဲ့ ဖမ်းဆီးရိုက်နှက်ခံရတဲ့ အောင်သုခကျေးရွာက ရွာသား ၂ ဦးထဲက ၁ ဦး ဒဏ်ရာပြင်းထန်တာကြောင့် မောင်တောဆေးရုံကနေ စစ်တွေဆေးရုံကို ပြောင်းရွှေ့ပြီး အရေးပေါ်ကုသနေရတယ်လို့ သိရပါတယ်။ ဖြစ်စဥ်မှာ မောင်တောမြို့နယ်အင်းဒင်ကျေးရွာအုပ်စု၊ အောင်သုခကျေးရွာသားနှစ်ဦးမှာ ဇန်နဝါရီ ၂၂ ရက်နေ့ မနက်ပိုင်းက ဝါးခုတ်သွားကြစဉ် လက်နက်ကိုင်အဖွဲ့တစ်ခုက ဖမ်း ဆီးရိုက်နှက်ပြီး ပြန်လွှတ်ပေးလိုက်တာလို့ မိသားစုဝင်တစ်ဦးက ပြောပါတယ်။ ဖမ်းဆီးရိုက်နှက်ခံခဲ့ရတဲ့ အောင်သုခကျေးရွာသားနှစ်ဦးမှာ ဦးကျော်ဇောအောင် ၅၃ နှစ်နဲ့ ဦးမင်းသိုက်ထွန်း ၃၈ နှစ်တို့ဖြစ်ပါတယ်။ ဦးကျော်ဇော်အောင်မှာ ဒဏ်ရာပြင်ထန်းတာကြောင့် မောင်တောဆေးရုံကနေ စစ်တွေဆေးရုံကြီးကို ဇန်နဝါရီ ၂၃ ရက်နေ့က ပို့ဆောင်ကုသထားရတာပါ။  Photo - Kaung Mrat Naing / MPA  
1 month Ago

January 23, 2021

မေယုတောင်ခြေ ဝါးသွားခုတ်သူ ၂ ဦး လက်နက်ကိုင်အဖွဲ့က ရိုက်နှက်သဖြင့် ပြင်းထန်ဒဏ်ရာရ

ရခိုင်ပြည်နယ်၊ မောင်တောမြို့နယ်တောင်ပိုင်း အင်းဒင်ကျေးရွာ မေယုတောင်ခြေအနီး ဝါးသွားခုတ်တဲ့ အောင်သုခ ကျေးရွာသား ၂ ဦး ဇန်နဝါရီ ၂၁ ရက် နေ့ မနက် ၁၀ နာရီလောက်က အမည်မသိ လက်နက်ကိုင်အဖွဲ့တခုရဲ့ ရိုက်နှက်ခံရတာကြောင့် ပြင်းထန်စွာ ဒဏ်ရာများရရှိပြီး မောင်တောဆေးရုံမှာ ဆေးကုသမှု ခံယူနေရပါတယ်။

ဒဏ်ရာရရှိသူ အောင်သုခကျေးရွာသား ကိုမင်းသိုက်ထွန်းက "ကျနော်တို့ ၂ ဦးက မနက် ၁၁ နာရီလောက်မှာ မေယုတောင်ခြေအနီးဝါးသွားပြီး ပြန်လာဖို့ လုပ်နေတဲ့အချိန်မှာ လက်နက်ကိုင်ထားတဲ့.. ၂ ဦးရောက်လာပြီး သေနတ်နဲ့ချိန်ပြီး ဓားတွေကိုချခိုင်းတယ်။ လက်ကိုနောက်ပြန်တုပ်ပြီး ကြိုးနဲ့ချည်တယ်၊ တောထဲကိုခေါ်သွားတယ်။ နောက် သူတို့အဖွဲ့က ၃ ဦးနဲ့ ထပ်တွေ့ပြီး ကျနော်တို့ ၂ ဦးလုံကို သေနတ်ဘောင်နဲ့ ရိုက်တယ်၊ ဝါးချွန်တွေနဲ့ထိုးတယ်။ ​ကျောကုန်းတွေကို ပြေးကန်တယ်။ နေ့လယ် ၂ နာရီကျော်မှာ ပြန်လွှတ်လိုက်တယ်။" လို့ ပြောပါတယ်။

ရိုက်နက်ခံရတဲ့ အောင်သုခရွာသား ၂ ဦးမှာ ဦးကျော်ဇောအောင်နဲ့ ကိုမင်းသိုက်ထွန်း တို့ဖြစ်ပြီး အိမ်ခြံစည်းရိုးထိုးဖို့ မေယုတောင်ခြေမှာ ဝါးသွားခုတ်ကြတာလို့ သိရပါတယ်။

ပြီးခဲ့တဲ့နှစ် နိုဝင်ဘာ ၂၆ ရက်နေ့ မနက် ၃ နာရီလောက်ကလည်း မောင်တောမြို့နယ်(တောင်ပိုင်း) ဥဒေါင်းကျေးရွာရှိ ပုစွန်ကန်မှာ အလုပ်လုပ်ကိုင်နေတဲ့ အမျိုးသား ၅ ဦးအား အမည်မသိအဖွဲ့စည်းတစ်ခုက ဖမ်းဆီးခေါ်ဆောင်သွားပြီး ၁၀ ရက်အကြာမှာ သိန်း ၆၀၀ လျော်ကြေးပေးမှ ပြန်လည်လွှတ်ပေးခဲ့တယ်လို့ သိရပါတယ်။

အခုလို မောင်တောဒေသမှာ မကြာခဏဆိုသလို လက်နက်ကိုင်အဖွဲ့တွေရဲ့ မိုင်းခွဲတိုက်ခိုက်တာ၊ ဖမ်းဆီးခံရတာတွေဟာ တရားဥပဒေစိုးမိုးမှုမရှိတာကြောင့် ဖြစ်နေတာလို့ မောင်တောမြို့နယ် မဲဆန္ဒနယ်အမှတ် (၁)  ပြည်နယ်လွှတ်တော်အမတ် ဦးထွန်းလှစိန်က သုံးသပ်ပါတယ်။

လင်းလက်

1 month Ago
More News
Up