လက်နက်ကိုင်ဆောင်မှု

September 11, 2021

မြဝတီမြို့၌ လဝက ဝန်ထမ်းဟောင်း ၁ ဦးကို လက်နက်ကိုင်ဆောင်မှုဖြင့် ဖမ်းဆီး

မြန်မာ-ထိုင်းနယ်စပ်  ကရင်ပြည်နယ်၊ မြဝတီမြို့မှာ  လက်နက်ကိုင်ဆောင်တဲ့ အမျိုးသား ၁ ဦးကို ရဲနဲ့ စစ်တပ်အပါအဝင်ပူးပေါင်းအဖွဲ့တွေက  စက်တင်ဘာ ၁၁ ရက် ဒီနေ့မနက် ၁၁ နာရီလောက်မှာ ဖမ်းဆီးလိုက်ပါတယ်။

မြဝတီမြို့၊ အမှတ်(၄) ရပ်ကွက်၊ သံလမ်းနဲ့ ဂေါက်ကွင်းအရှေ့ဘက်  ချစ်ကြည်ရေးလမ်းမပေါ်ရှိ  ကောင်းကင်မိုးကွမ်းယာဆိုင်အနီးမှာ ခလရ ၂၇၅ စစ်တပ်၊ ရဲတပ်ဖွဲ့၊ ရပ်ကွက်အုပ်ချုပ်ရေးမှူးနဲ့ ဌာနဆိုင်ရာတွေပူးပေါင်းပြီး ကိုမြင့်မောင်မောင်ဦးကို ရှာဖွေစစ်ဆေးရာ သူကိုင်ဆောင်ထားတဲ့  ပစ္စတို 9 MM တစ်လက်နဲ့ ကျည်ဆန် ၂ တောင့်ကိုတွေ့ရှိ  ဖမ်းမိသွားတာဖြစ်ပါတယ်။

ဖမ်းဆီးထားရတဲ့ ကိုမြင့်မောင်မောင်ဦးဟာ မြဝတီမြို့ မြန်မာ- ထိုင်း ချစ်ကြည်ရေးတံတား အမှတ်(၁)မှာ   လဝက တာဝန်ထမ်းဆောင်ဖူးသူဖြစ်တယ်လို့လည်း ရဲသတင်းအရ သိရပါတယ်။

လက်နက်ကိုင်ဆောင်ရတဲ့ အကြောင်းရင်းကိုတော့ မသိရသေးဘဲ လတ်တလော ကိုမြင့်မောင်မောင်ဦးကို မြဝတီမြို့မရဲစခန်းမှာ ဖမ်းဆီးထားပြီး  လက်နက်ဥပဒေ ပုဒ်မ ၁၉(စ)နဲ့ တရားစွဲသွားဖို့ ရှိနေပါတယ်။

2 months Ago
Up