လက်နက်

October 19, 2020

နိုင်ငံကာကွယ်ရေး ကိုယ့်ကိုယ်ကိုယ် အားကိုးမည်၊ လက်နက်များဝယ်ရန်မလိုဟု အီရန်ပြော

အီရန်ဟာ ကိုယ့်နိုင်ငံကာကွယ်ရေးအတွက် ကိုယ့်ကိုယ်ကိုပဲ အားကိုးပြီး လက်နက်တွေ စိတ်လွတ်ကိုယ်လွတ်ဝယ်ဖို့ မလိုဘူးလို့ ပြောလိုက်ပါတယ်။ အီရန်ရဲ့ ကာကွယ်ရေးတရားဟာ ပြည်သူတွေနဲ့ တိုင်းရင်းသားတွေရဲ့ စွမ်းဆောင်နိုင်ရည်ပေါ်မှာ ခိုင်ခိုင်မြဲမြဲ မှီခိုထားပြီ သမားရိုးကျမဟုတ်တဲ့ လက်နက်တွေ၊ အစုလိုက် အပြုံလိုက် ဖျက်ဆီးနိုင်တဲ့ လက်နက်တွေနဲ့ သမားရိုးကျလက်နက်တွေကို ထင်သလို ဝယ်တဲ့ ကိစ္စတွေအတွက် အီရန်ကာကွယ်ရေးတရားထဲမှာ နေရာမရှိဘူးလို့ အီရန်နိုင်ငံခြားရေးဝန်ကြီးဌာနက ကြေညာချက် ထုတ်ပြန်ထားပါတယ်။ ၂၀၀၇ တုန်းက ကုလသမဂ္ဂလုံခြုံရေးကောင်စီရဲ့ အီရန်အပေါ် ချမှတ်ထားတဲ့ လက်နက်ကုန်ကူးမှု တားမြစ်မိန့်ဟာ အောက်တိုဘာ ၁၈ ရက်က သက်တမ်းကုန်ပါတယ်။ စီးပွားရေး ဒဏ်ခတ်မှု သက်သာခွင့်အတွက် နျူကလီးယားလက်နက် တီထွင်မှု ဟန့်တားရေး အီရန်နဲ့ အင်အားကြီးနိုင်ငံတွေဖြစ်တဲ့ ရုရှား၊ တရုတ်၊ ဂျာမနီ၊ ဗြိတိန်၊ ပြင်သစ်နဲ့ အမေရိကန်တို့ကြား ၂၀၁၅ နျူကလီးယား သဘောတူညီချက်ကနေ အမေရိကန်က ၂၀၁၈ မှာ တဖက်သတ် နုတ်ထွက်ခဲ့ပါတယ်။ အဲဒီနောက် အီရန်နဲ့ အမေရိကန် နှစ်နိုင်ငံကြား ဆက်ဆံရေး တင်းမာနေတာပါ။ အီရန်ဟာ လက်နက်အများအပြား တင်သွင်းမှု တားမြစ်ပိတ်ပင်ခံထားရတဲ့ နိုင်ငံတကာ ဒဏ်ခတ်မှုနဲ့ တားမြစ်မိန့်တွေကြောင့် ပြည်တွင်းလက်နက်စက်ရုံကြီးတရုံကို တိုးတက်အောင် ဆောင်ရွက်ခဲ့ပါတယ်။ အီရန်ရဲ့ တာဝေးပစ် ပဲ့ထိန်းဒုံးကျည်အစီအစဉ်ကို စိုးရိမ်နေပေမဲ့ အီရန်ဟာ သူ့လက်နက်တွေရဲ့ အစွမ်းအစကို မကြာခဏ ချဲ့ကားလေ့ရှိတယ်လို့ အနောက်ဥရောပစစ်ဘက် အကဲခတ်တွေက ပြောကြပါတယ်။  
7 months Ago

July 27, 2020

နျူကလီးယားထိပ်ဖူးတပ်လက်နက်များ တပ်ဆင်စမ်းသပ်မှု နောက်ဆုံးအဆင့်ရောက်ဟု ရုရှား ပြော

ရုရှားရေတပ်ဟာ အသံထက်မြန်ပြီး နျူကလီးယား ထိပ်ဖူးတပ်နိုင်တဲ့ လက်နက်တွေနဲ့ ရေအောက်သွား နျူကလီးယား စွမ်းအင်သုံး ဒရုန်းယာဉ်တွေကို တပ်ဆင် စမ်းသပ်မှုဟာ နောက်ဆုံးအဆင့်ကို ရောက်နေပြီလို့ ရုရှသမ္မတ ဗလာဒီမီယာ ပူတင်က ဇူလိုင် ၂၆ရက်မှာ ပြောလိုက်ပါတယ်။ ပူတင်ဟာ ရုရှ နျူကလီးယား လက်နက်တွေရဲ့ မျိုးဆက်သစ်တွေအကြောင်းကို မကြာခဏ ပြောတတ်သူဖြစ်ပြီး ဒီလက်နက်တွေဟာ ကမ္ဘာပေါ်က ဘယ်နေရာထိကိုမဆို အားလုံးနီးပါး ထိမှန်အောင် ပစ်ခတ်နိုင်တယ်လို့ ဆိုပါတယ်။ အနောက်ဥရောပ ပညာရှင်တချို့ကတော့ ရုရှားတွေ ဘယ်လောက် ခေတ်မီနေပြီလဲဆိုတာ မေးခွန်းထုတ်ပါတယ်။ စစ်တပ်မှာ မတပ်ဆင်ရသေးတဲ့ လက်နက်တွေလည်း ရှိနေပြီး ပိုဆီဒွန် ရေအောက် နျူကလီးယား ဒရုန်းယာဉ်ကို ရေငုပ်သင်္ဘောတွေမှာ တပ်ဆင်ဖို့ ရည်မှန်းပုံစံထုတ်ထားပါတယ်။ ဇာကွန် အသံထက်မြန်တဲ့ ခရုဇ်ဒုံးကျည်ကိုတော့ ရေပြင်မှာ မောင်းတဲ့ သင်္ဘောတွေမှာ တပ်ဆင်မယ်လို့ သိရပါတယ်။ အသံထက် ငါးဆပိုမြန်အောင် သွားနိုင်မှု၊ အသံထက်မြန်တဲ့ ဒုံးကျည်တွေရဲ့ အရှိန်၊ ထိန်းချုပ်ရ လွယ်ကူမှုနဲ့ အမြင့် တို့ကြောင့် ခြေရာခံဖို့နဲ့ ကြားဖြတ် ပစ်ချဖို့ ခက်ခဲတယ်လို့ ရိုက်တာ သတင်းမှာ ဖော်ပြပါတယ်။
10 months Ago
More News
Up