လက်တင်အမေရိက

A d v e r t i s e m e n t With Us

August 14, 2020

လက်တင်အမေရိကအတွက် ကိုဗစ်-၁၉ ကာကွယ်ဆေး သန်း ၄၀၀ ထုတ်လုပ်မည်

လက်တင်အမေရိကနိုင်ငံတွေအတွက်   ကိုဗစ်-၁၉ ကာကွယ်ဆေး   သန်း ၄၀၀ ထုတ်လုပ်မှု ကို အက်စ်ထရာဇန်နက်ကာ ဆေးကုမ္ပဏီက လာမယ့်နှစ်အစောပိုင်းမှာ စတင်မယ်လို့ ရိုက်တာ သတင်းအရ သိရပါတယ်။ အက်စ်ထရာဇန်နက်ကာဟာ ဒေသတွင်း မိတ်ဖက်ကုမ္ပဏီတွေနဲ့ပူးပေါင်းပြီး  ကိုရိုနာ ဗိုင်းရပ်စ် ကာကွယ်ဆေးကို ရရှိဖို့ ကြိုးပမ်းနေတာပါ။   ကုမ္ပဏီဟာ မက္ကဆီကို၊အာဂျင်တီးနား အစိုးရတွေနဲ့ မိတ်ဖက်ပြုပြီး   ကနဦး ကာကွယ်ဆေး သန်း ၁၅၀ ထုတ်လုပ်သွားမှာပါ။  နောက်ပိုင်းမှာတော့ ဒေသတစ်ခုလုံး ဖြန့်ဝေဖို့ ကာကွယ်ဆေး သန်း  ၄၀၀ ထက်မနည်း ထုတ်လုပ်သွားမှာပါ။  ဒေသတွင်း လူဦးရေ သန်း  ၆၅၀ ရှိတဲ့ လက်တင်အမေရိကဟာ  ကိုရိုနာဗိုင်းရပ်စ် ကူးစက်မှု နဲ့သေဆုံးမှုမှာ ကမ္ဘာမှာ အမြင့်ဆုံး ဖြစ်ပါတယ်။   ကိုရိုနာဗိုင်းရပ်စ်ကြောင့် သေဆုံးသူ အရေအတွက်မှာလည်း  အမေရိကန်ပြီးရင် ဘရာဇီးနဲ့ မက္ကဆီကိုတို့ဟာ   အများဆုံး ဖြစ်ပါတယ်။
7 months Ago

May 11, 2020

ကပ်ဘေးကြောင့် လက်တင်အမေရိက လေကြောင်းလိုင်းတခု ပထမဆုံးဒေဝါလီခံ

လက်တင်အမေရိကဒေသတွင်း ဒုတိယအကြီးဆုံးနဲ့ကမ္ဘာ့ဒုတိယသက်တမ်းအရင့်ဆုံး လေကြောင်းလိုင်းဖြစ်တဲ့ အဗီယန်ကာဟာ သတ်မှတ်ငွေတွေကို နောက်ဆုံးရက်အထိ ပြန်မပေးနိုင်တော့တဲ့ အတွက် မေ ၁၀ ရက်က ဒေဝါလီခံလိုက်ရပါတယ်။  ကိုလံဘီယာနိုင်ငံ မြို့တော်ဘိုဂိုတာအခြေစိုက်တဲ့ ဒီလေကြောင်းလိုင်းဟာ ကပ်ဘေးကြောင့် ဒေဝါလီခံရတဲ့ ကမ္ဘာ့ပထမဆုံးလေကြောင်းလိုင်းလည်း ဖြစ်လာပါတယ်။  အဗီယန်ကာဟာ မတ်လကုန်ပိုင်းကစလို့ ကပ်ဘေးကြောင့် လေယာဉ်တွေ ပြေးဆွဲနိုင်ခြင်း မရှိဘဲ  ဝန်ထမ်း နှစ်သောင်းလောက်ကိုလည်း လခပေးနိုင်ခဲ့ပါဘူး။  အဗီယန်ကာဟာ ၂၀၁၉ ခုနှစ်ထဲမှာပဲ အကြွေးဒေါ်လာ ၇ ဒသမ ၃ ဘီလျံရှိထားတာပါ။ ဒီလေကြောင်းလိုင်းဟာ အစိုးရဆီက လုပ်ငန်းအာမခံရဖို့ မျှော်လင့်နေဆဲဖြစ်ပြီး အကြွေးကိစ္စ ရှင်းပြီးရင် လုပ်ငန်းပြန်ပြေးဆွဲမယ်လို့လည်း ပြောပါတယ်။  အဗီယန်ကာဟာ လုပ်ငန်းတွေ ပြန်လည်ပတ်ဖို့  ရက်သတ်မှတ်နိုင်ခြင်းမရှိသေးဘဲ ကိုလံဘီယာ၊ အယ်ဆာဗေးဒိုးနဲ့ ပီရူးတို့မှာလည်း အသွားအလာကန့်သတ်ချက် လော့ဒေါင်း ချထားတဲ့အတွက် ခရီးစဉ်တွေ ပြေးဆွဲနိုင်ခြင်း မရှိသေးဘူးလို့ ရိုက်တာသတင်းမှာ ဖော်ပြပါတယ်။
10 months Ago
Up