လက်ကျန်ပွဲစဉ်

A d v e r t i s e m e n t With Us

July 7, 2020

ဥရောပဝင်ခွင့်အတွက် လက်ကျန်ပွဲစဉ်အားလုံး အနိုင်ကစားရန်လိုအပ်ဟု အာတီတာပြော

ဥရောပဝင်ခွင့်အတွက် လက်ကျန်ပွဲစဉ်အားလုံးအနိုင်ကစားပြီး စောင့်ကြည့်နေရုံပဲရှိတယ်လို့ အာဆင်နယ် နည်းပြအာတီတာက ပြောလိုက်ပါတယ်။  အာဆင်နယ်အသင်းဟာ လက်ကျန် ၅ ပွဲအလိုမှာ ယူရိုပါလိဂ်ဝင်ခွင့်နေရာနဲ့ ၃ မှတ်ကွာဟနေပြီး ချန်ပီယံလိဂ်ဝင်ခွင့်နေရာနဲ့ ၈ မှတ်ကွာဟနေတာပါ။  တပွဲချင်းစီ အနိုင်ကစားသွားရမှာဖြစ်ပေမဲ့ လက်ကျန်ပွဲစဉ်တွေ အနိုင်ရအောင်ကစားဖို့ လိုအပ်သလို တခြားအသင်းတွေရဲ့ရလဒ်ကိုလည်း စောင့်ကြည့်ရမယ်လို့ နည်းပြအာတီတာ က ပြောပါတယ်။  အာဆင်နယ်အသင်းဟာ လာမယ့်ပွဲစဉ်တွေမှာ လက်စတာ၊ စပါး၊ လီဗာပူးအသင်းတွေနဲ့ ပွဲကျပ်တွေ ဆက်တိုက်ကစားရမှာပါ။ လက်ရှိအသင်းရဲ့ခြေစွမ်းကို ဆက်ထိန်းပြီး အဲဒီပွဲစဉ်တွေအတွက် အစွမ်းကုန်လေ့ကျင့်ပြင်ဆင်သွားရမယ်လို့လည်း အာတီတာက သတင်းစာရှင်းလင်းပွဲမှာ ပြောပါတယ်။  အပြောင်းအရွှေ့သတင်းထွက်နေတဲ့ တိုက်စစ်မှူး လာကာဇက်ရဲ့ အနာဂတ်နဲ့ ပတ်သက်ပြီး လည်း အသင်းမှာဆက်ရှိဖို့ ဆန္ဒရှိကြောင်း အာတီတာက ပြောပါတယ်။
8 months Ago

June 22, 2020

ပီအက်စ်ဂျီအသင်း လက်ကျန်ပွဲစဉ်များတွင် ကာဗာနီနှင့် မူနီယာတို့ မပါဝင်

ပီအက်စ်ဂျီ ကစားသမားတွေဖြစ်တဲ့ ကာဗာနီနဲ့ မူနီယာတို့ဟာ အသင်းရဲ့ လက်ကျန်ပွဲစဉ်တွေမှာ ပါဝင်ကစားတော့မှာမဟုတ်ဘူးလို့ သိရပါတယ်။  တိုက်စစ်မှူး ကာဗာနီဟာ ဇွန်လအကုန်မှာ စာချုပ်သက်တမ်း ကုန်ဆုံးမှာဖြစ်သလို နောက်ခံလူ မူနီယာဟာလည်း ဇွန်လအကုန်မှာပဲ စာချုပ်သက်တမ်းပြည့်မှာဖြစ်ပါတယ်။  အသင်းဘက်က ရာသီကုန်အထိ  ၂ လ သက်တမ်းတိုးဖို့ ကမ်းလှမ်းခဲ့ပေမယ့် ကစားသမားတွေဘက်က လက်မခံခဲ့ဘူးလို့ သိရပါတယ်။  ဒါကြောင့် လိဂ်ဖလားဗိုလ်လုပွဲတွေနဲ့ ချန်ပီယံလိဂ် ပွဲစဉ်‌တွေမှာ ကာဗာနီနဲ့ မြေနီယာတို့ ပါဝင်ကစားတော့မှာ မဟုတ်ဘူးလို့ သိရပါတယ်။  အသင်းသမိုင်းတစ်လျှောက် ဂိုးအများဆုံးသွင်းယူထားတဲ့ တိုက်စစ်မှူး ကာဗာနီကို နောက်ထပ် သက်တမ်းတိုးစာချုပ် ချုပ်ဆိုမှာမဟုတ်ကြောင်း အသင်းအားကစားဒါရိုက်တာ လီယိုနာဒိုက ပြီးခဲ့တဲ့ရက်ပိုင်းက ပြောထားပါတယ်။
8 months Ago
Up