လက်ပံတောင်းတောင်ဒေသခံများ

February 16, 2018

လက်ပံတောင်းတောင်ဒေသခံများက ဦးပိုင်နှင့် ဝမ်ပေါင်ကုမ္ပဏီကို ကျိန်စာတိုက်ဆန္ဒပြ

  လက်ပံတောင်းတောင်ကြေးနီစီမံကိန်းမှာ မြေယာလျော်ကြေး ရယူထားခြင်းမရှိသေးတဲ့ လက်ပံတောင်းတောင်ဒေသခံ ၇၀ ဝန်းကျင်က ပုသိမ်-မုံရွာလမ်းဆုံမှာ ဦးပိုင်နဲ့ ဝမ်ပေါင်ကုမ္ပတို့ကို ကျိန်စာတိုက် ဆန္ဒပြပွဲ ဖေဖော်ဝါရီ ၁၆ ရက်နေ့ နေ့လည်ပိုင်းက ပြုလုပ်ခဲ့ပါတယ်။ လမ်းဆုံမှာလုံခြုံရေးရဲတပ်ဖွဲ့ဝင်တွေက သံဆူးကြိုးတွေနဲ့ပိတ်ထားခဲ့တဲ့အတွက် ဦးပိုင်၊ ဝမ်ပေါင်ကုမ္ပဏီနာမည်တွေရေးထားပြီး အနက်ရောင်ပိတ်စနဲ့ တရုတ်နိုင်ငံအလံတွေလွှမ်းထားတဲ့ အခေါင်း ၂ ခုကို မီးရှို့သင်္ဂြိုလ်မသာချပွဲပြုလုပ်ခဲ့တာပါ။ ဆန္ဒပြပွဲမှာ ပါဝင်ခဲ့သူတစ်ဦးက "ဒီနေ့က တရုတ်နှစ်သစ်ကူးနေ့ဖြစ်တယ်။ သူတို့ကတော့ ပျော်ပါးစားသောက်လို့ ဒေသခံတွေမှာ မြေယာတွေအသိမ်းခံရတဲ့အတွက် နေ့စဉ် ဆင်းရဲဒုက္ခမျိုးစုံနဲ့ ကြုံတွေ့နေရကြရတယ်။ ဒေသခံတွေကြုံတွေ့ခံစားရသလို ဦးပိုင်၊ ဝမ်ပေါင်တို့လည်း တန်ပြန်ခံစားရပါစေလို့ ကျိန်စာတိုက် မသာချရတာဖြစ်တယ်။ တရုတ်တိုင်းကိုလို့ မဆိုလိုဘူး။ ကြေးနီစီမံကိန်းလုပ်နေတဲ့သူတွေကို ရည်ရွယ်ပြီးလုပ်တာပါ"လို့ ပြောပါတယ်။ နှစ်စဉ်တရုတ်နှစ်သစ်ကူးနေ့ရောက်တိုင်း ဒေသခံတွေက အခုလို ကျိန်စာတိုက်တာ၊ ဆန္ဒပြတာ၊ မသာချပွဲလုပ်တာတွေကို ပြုလုပ်လေ့ရှိပြီး ဒေသခံတွေ အခုလို လုပ်တိုင်း ကုမ္ပဏီအတွင်းမှာ တစုံတရာပြဿနာတွေကြုံတွေ့ရတယ်လို့လည်း ဆိုပါတယ်။ ဒေသခံတွေက လုံခြုံရေးရဲတပ်ဖွဲ့ဝင်တွေကိုလည်း ငှက်ပျောသီး၊ အုန်းသီး၊ ပန်းစည်းတွေနဲ့ ပစ်ပေါက်ပြီး ကျိန်စာတိုက်ခဲ့ကြပါသေးတယ်။ အစိုးရသစ်တက်လာတာ ၂ နှစ်ပြည့်တော့မှာဖြစ်ပေမယ့် ဒေသခံတွေရဲ့ အကြိမ်ကြိမ် တောင်းဆိုမှုတွေကို ဖြေရှင်းမပေးနိုင်သေးတဲ့အပေါ်မှာလည်း အားမလိုအားမရမှုတွေ ဖြစ်နေကြပါတယ်။ လက်ပံတောင်းဒေသခံတွေအနေနဲ့ အခုလိုစုပေါင်း ဆန္ဒပြတာက ၂၀၁၈ ခုနှစ်အတွင်း ပထမဆုံးအကြိမ်ဖြစ်ပါတယ်။ ရှေ့ဆက်ပြီးတော့လည်း ဒေသခံတွေတောင်းဆိုနေတဲ့ မြေယာလျော်ကြေး၊ သီးနှံလျော်ကြေး၊ စီမံကိန်းပိုလျှံမြေထဲက အစားထိုးမြေဧက ၁၉၀၀ ဖော်ထုတ်ပေးအတွက် ပုံစံအမျိုးမျိုးနဲ့တောင်းဆိုသွားမယ်လို့ဆိုပါတယ်။
4 years Ago

March 24, 2017

လက်ပံတောင်းတောင်ဒေသခံများနှင့် လုံထိန်းတပ်ဖွဲ့ အခြေအနေတင်းမာ

စစ်ကိုင်းတိုင်းဒေသကြီး၊ ယင်းမာပင်ခရိုင်၊ ဆားလင်းကြီးမြို့နယ်၊ မိုးကြိုးပြင်ကျေးရွာတွေအနီး ဒေသခံတွေက ကျောက်သည်ကားအစီး ၁၀၀ ကျော်ကို တားမြစ်ထားလို့ လုံခြုံရေးရဲတပ်ဖွဲ့ဝင် ၆၀ခန့်နဲ့ ဒေသခံတွေ အခြေအနေတင်းမာနေပါတယ်။ မတ်လ ၂၄ ရက် မနက် ၁၀ နာရီအချိန်က စပြီး ဒေသခံတောင်သူ ၁၀၀ ခန့်က ကျောက်သယ်ကား တွေကို စတင်တားမြစ်ခဲ့တာဖြစ်ပါတယ်။ ပြီးခဲ့တဲ့ မတ်လ ၁၁ ရက်နေ့ က မိုးကြိုးပြင်မြောက်ရွာက ညောင်ပင်ကြီးကိုဈေးဝယ်သွားတဲ့ အသက် ၁၈နှစ်အရွယ် မရီရီမွန် နှင့် ကျောက်သယ်ကားတစ်စီး မတော်တဆချိတ်မိလို့ ဒေသခံတွေက ကျောက်ထုတ်ကားတွေကို စတင်တားမြစ်ခဲ့တာပါ။ ဒီကိစ္စနဲ့ ပတ်သက်ပြီး ဒေသခံတွေက ကျောက်သယ်ကားတွေရပ်ဆိုင်းပေးဖို့ သက်ဆိုင်ရာကို လက်မှတ်ထိုး တောင်းဆိုခဲ့ပါသေးတယ်။ အခုလို ကျောက်သည်ကားတွေကို နည်းလမ်းအမျိုးမျိုးနဲ့ ပိတ်ဆို့တားဆီးတာတွေနဲ့ပတ်သက်ပြီး အများပြည်သူခရီးသွားလာမှုကို အနှောင့်အယှက် ဖြစ်စေ တယ်။ တရားဥပဒေစိုးမိုးရေး၊ ရပ်ရွာအေးချမ်းသာယာရေးကို ထိခိုက်စေတယ်ဆိုပြီး ဆားလင်းကြီးမြို့နယ် အထွေထွေအုပ်ချုပ်ရေးဦးစီးဌာနက မတ်လ ၂၂ ရက်နေ့ ရက်စွဲနဲ့ တားမြစ်မိန့်တခုကို ထုတ်ပြန်ခဲ့ ပါသေးတယ်။ တားမြစ်မိန့်ကို မလိုက်နာရင် လုံခြုံရေးအင်အားဖြင့် ဖမ်းဆီးအရေးယူသွားမယ်လို့ တားမြစ်မိန့်မှာ ထည့်သွင်းဖော်ပြထားပါတယ်။ လက်ရှိမှာတော့ လုံထိန်းကား ၂စီး ရဲတပ်ဖွဲ့ဝင် ၆၀ခန့် အဆင်သင့် နေရာယူထားဆယ်လို့ သိရပါတယ်။ သတင်း-အောင်ကိုလတ်၊ ဓာတ်ပုံ-ဖိုးဇော်
5 years Ago
Up