လက်စတာအသင်း နည်းပြနေရာအဖြစ် ကရက်ရှိတ်စပီးယားကို ကမ်းလှမ်း

March 8, 2017

လက်စတာအသင်း နည်းပြနေရာအဖြစ် ကရက်ရှိတ်စပီးယားကို ကမ်းလှမ်း

လက်စတာစီးတီးအသင်းက လစ်လပ်နေတဲ့ နည်းပြရာထူးနေရာမှာ ကရက် ရှိတ်စပီးယားကို ကမ်းလှမ်းလိုက်ပါတယ်။ နည်းပြသစ်အဖြစ် ကရက် ရှိတ်စပီယားကို ဒီနှစ်ရာသီ မကုန်ခင်အထိ ကမ်းလှမ်းတာဖြစ်တယ်လို့ ဘီဘီစီသတင်းမှာ ဖော်ပြထားပါတယ်။ သူဟာ အထုတ်ခံရတဲ့ နည်းပြ ရိုင်နရီရဲ့ လက်ထောက်နည်းပြအဖြစ် လုပ်ကိုင်ခဲ့သူ ဖြစ်ပါတယ်။ လက်စတာအသင်းဟာ ယာယီနည်းပြ ကရက်ရှိတ်စပီးယားလက်ထက်မှာ ကစားထားတဲ့ ၂ ပွဲစလုံး အနိုင်ရထားပါတယ်။ အသက် ၅၃ နှစ်အရွယ် နည်းပြ ကရက်ရှိတ်စပီးယားဟာ အချိန်ပြည့် နည်းပြတာဝန်ကို ထမ်းဆောင်ဖူးတဲ့ အတွေ့အကြုံ မရှိသေးတဲ့သူလည်း ဖြစ်ပါတယ်။ လက်စတာအသင်းဟာ နည်းပြရာထူးနေရာအတွက် အင်္ဂလန်မန်နေဂျာဟောင်း ရွိုင်းဟော့ဆန်နဲ့ စကားပြောဆိုထားပါတယ်။ လက်စတာအသင်းဟာ လာမယ့် မတ်လ ၁၅ ရက်နေ့မှာ ချန်ပီယံလိဂ် ရှုံးထွက် ဒုတိယအကျော့ ပွဲစဉ်အဖြစ် ဆီဗီလာကို အိမ်ကွင်းမှာ ဧည့်ခံယှဉ်ပြိုင်ရမှာ ဖြစ်ပါတယ်။ ပထမအကျော့ ယှဉ်ပြိုင်ခဲ့တုန်းက လက်စတာဟာ အဝေးကွင်းမှာ ၂ ဂိုး ၁ ဂိုးနဲ့ ရှုံးနိမ့်ထားပါတယ်။
5 years Ago
Up