ရှာဖွေ

A d v e r t i s e m e n t With Us

September 8, 2020

လေယာဉ်တင်သင်္ဘောပေါ်မှ ပျောက်ဆုံးသင်္ဘောသားကို အမေရိကန်ရေတပ် ရှာဖွေ

အမေရိကန် ရေတပ်ဟာ မြောက်အာရေဗျပင်လယ်အတွင်း ခုတ်မောင်းနေတဲ့ လေယာဉ်တင် သင်္ဘော USS နစ်မစ်ဇ်ပေါ်ကနေ ပျောက်နေတဲ့ သင်္ဘောသားတယောက်ကို ရှာနေတယ်လို့ အမေရိကန် ရေတပ် တပ်မဟာ-၅ က ပြောပါတယ်။ သင်္ဘောတစီးလုံး ရှာအပြီးမှာ သင်္ဘော ဘယ်ရောက်နေတယ်ဆိုတာ ရှာမရလို့ စက်တင်ဘာ ၆ ရက် ဒေသစံတော်ချိန် ညနေ ၇ နာရီလောက်မှာ အဲဒီအမျိုးသားကို ရေထဲမှာ စရှာခဲ့တယ်လို့ တွစ်တာပေါ်မှာ ကြေညာချက် ထုတ်ပြန်ထားပါတယ်။ နစ်မစ်ဇ် လေယာဉ်တင်သင်္ဘောနဲ့ ပဲ့ထိန်းဒုံးတပ် ဖျက်သင်္ဘော USS ပရင့်စ်တွန်တို့က ရှာဖွေ ကယ်ဆယ်ရေးလုပ်ငန်းတွေ ဆောင်ရွက်နေပါတယ်။ အမေရိကန်ရေတပ်ရဲ့ မူဝါဒအရ ပျောက်ဆုံးသင်္ဘောသားရဲ့ နာမည်ကိုတော့ မထုတ်ပြန်ဘူးလို့ ရိုက်တာသတင်းဌာနက ဖော်ပြထားပါတယ်။
6 months Ago

September 7, 2020

၁ ဦးသေဆုံး၊ ၇ ဦး ဒဏ်ရာရခဲ့သည့် ဓားထိုးမှု သံသယရှိသူကို ဘာမင်ဟန်ရဲတပ်ဖွဲ့ ရှာဖွေ

ဗြိတိန်နိုင်ငံ အင်္ဂလန်နယ်အလယ်ပိုင်းက ဘာမင်ဟမ်မြို့ ရဲတွေဟာ စက်တင်ဘာ ၆ ရက် မနက်ခင်းအစောပိုင်းမှာ ဆက်တိုက် ဓားထိုးမှုနဲ့ပတ်သက်ပြီး သံသယရှိသူ တယောက်ကို ရှာနေတယ်လို့ ပြောပါတယ်။  ဆက်တိုက်ဓားထိုးမှုကြောင့် အမျိုးသား ၁ ယောက် သေဆုံးပြီး ဒဏ်ရာ ၇ ယောက်ထဲက ၂ ယောက်က ပြင်းထန်တယ်လို့ ရိုက်တာက ရေးပါတယ်။ “တိုက်ခိုက်မှု ဓားစာခံတွေကို ကြုံသလို ရွေးသွားပုံရတယ်။ဖြစ်ရပ်ဟာ လူ့အဖွဲ့အစည်း တခုခုကို ပစ်မှတ်ထား တိုက်ခိုက်တာ မဟုတ်သလို ရာဇဝတ် ဂိုဏ်းတွေနဲ့ပတ်သက်ပုံလည်း မရဘူး” လို့   ရဲက ပြောပါတယ်။  ဒီအမှုကို လူသတ်မှုအဖြစ် ကိုင်တွယ်စီရင်မယ် West Midlands မြို့နယ် ရဲဌာနက စုံစမ်းစစ်ဆေးနေခဲ့တယ်လို့ ရဲမှူး စတိဗ်ဂရေဟမ်က ပြောပါတယ်။ စက်တင်ဘာ ၆ ရက် မနက်က မြို့လယ်နေရာ ၃ ခုလုံးမှာ ရဲတွေက အရံအတားတွေကို ချထားခဲ့ပါတယ်။  ဝက်စ်မစ်ဒ်လန်းစ်မြို့တော်ဝန်ကတော့ ဟာ့စ်ထ်လမ်းနဲ့ မြို့လယ်ဝန်းကျင်ဒေသမှာ မတော်တဆမှုတွေ ဆက်တိုက်ဖြစ်အပြီး ခုလုပ်ရပ်ကတော့ ဘယ်လိုမှ နားလည်မှုမရသေးဘူးလို့ ရိုက်တာ သတင်းဌာနက ဖော်ပြပါတယ်။
6 months Ago
Up