ရှမ်းပြည်နယ်လွှတ်တော်

A d v e r t i s e m e n t With Us

May 22, 2020

ရှမ်းပြည်နယ်လွှတ်တော်တွင်  ၄ နှစ်ကျော်တွင် ဥပဒေ ၂၅ ခု အတည်ပြုပြဋ္ဌာန်းနိုင် 

ဒုတိယအကြိမ် ရှမ်းပြည်နယ်လွှတ်တော်သက်တမ်း ၄ နှစ်ကျော်ကာလအတွင်း ဥပဒေတွေ အတည်ပြု ပြဋ္ဌာန်းနိုင်ခဲ့ပေမယ့် အစိုးရဘက်က နည်းဥပဒေထွက်ရှိနိုင်ဖို့ အကောင်အထည်ဖော်တာ အလွန်အားနည်းတယ်လို့ ပြည်နယ်လွှတ်တော်ကိုယ်စားလှယ်တွေက ပြောပါတယ်။ ရှမ်းပြည်နယ်လွှတ်တော်မှာ ရှမ်းပြည်နယ်အတွက်အရေးကြီးတဲ့ ဥပဒေတွေကို အတည်ပြုပြဋ္ဌာန်းနိုင်ခဲ့ပေမယ့် နည်းဥပဒေထွက်ရှိမှု မရှိသလောက်ဖြစ်နေတယ်လို့ ဒေသန္တရ စီမံကိန်းနှင့် ဘဏ္ဍာငွေအရ အသုံးဆိုင်ရာ စိစစ်ရေးကော်မတီ ဥက္ကဋ္ဌ ကိုခင်မောင်တင့်က ပြောပါတယ်။ နည်းဥပဒေတွေထွက်ရှိနိုင်မှ ဥပဒေတွေအသက်ဝင်မှု အားကောင်းလာမှာဖြစ်ပြီး အရေးယူတဲ့ အပိုင်းတွေ အကောင်အထည်ဖော်တဲ့အပိုင်းတွေ လုပ်ဆောင်နိုင်မှာဖြစ်တယ်လို့ဆိုပါတယ်။ ဒုတိယအကြိမ် ရှမ်းပြည်နယ်လွတ်တော်မှာ လေးနှစ်ကျော်အတွင်း အတည်ပြုပြဋ္ဌာန်းခဲ့တဲ့ ဥပဒေ ၂၅ခု၊ အမိန့်ကြော်ငြာစာအဖြစ်ပြောင်းလဲထုတ်ပြန်တာ ၁ ခုနဲ့ ဆွေးနွေးဆဲဥပဒေမူကြမ်းတခု ပြုလုပ်နိုင်ခဲ့ပါတယ်။ ဒုတိယအကြိမ် ရှမ်းပြည်နယ်လွှတ်တော်ဟာ လေးနှစ်ကျော်အတွင်း ပုံမှန်အစည်းအဝေး ၁၈ ကြိမ်၊ အထူးအစည်းအဝေး နှစ်ကြိမ်နဲ့ အရေးပေါ် အစည်းအဝေး သုံးကြိမ်ပြုလုပ်နိုင်ခဲ့ပါတယ်။ ဒုတိယအကြိမ် ရှမ်းပြည်နယ် လွှတ်တော်အစည်းအဝေးမှာ ကြယ်ပွင့်ပြမေးခွန်း ၁၀၁၂ ခု၊ ကြယ်ပွင့်မပြမေးခွန်း ၇၃၈ ခုနဲ့ အဆို ၆၀ ခု မေးမြန်းတင်သွင်းခဲ့ပါတယ်။ သတင်း- ခွန်ရာဇာ ဓာတ်ပုံ- ရှမ်းပြည်နယ်လွှတ်တော်
10 months Ago

May 19, 2020

၂၀၂၀-၂၀၂၁ ဘဏ္ဍာရေးနှစ် ဘတ်ဂျက်လျာထားချက် ကျပ်သန်းပေါင်း ၃၃ သိန်းကျော်ကို ရှမ်းပြည်နယ် လွှတ်တော်အတည်ပြု

ရှမ်းပြည်နယ်ရဲ့ ၂၀၂၀-၂၀၂၁ ဘဏ္ဍာရေးနှစ် ရသုံးမှန်းခြေငွေစာရင်းနဲ့ ပတ်သက်ပြီး ဒီနေ့ကျင်းပတဲ့ ဒုတိယအကြိမ် ရှမ်းပြည်နယ်လွှတ်တော် အထူး အစည်းအဝေးမှာ အတည်ပြုလိုက်ပါတယ်။  အထူးအစည်းအဝေးမှာ COVID-19 ကာလဖြစ်တဲ့အတွက် ရှမ်းပြည်နယ် ရသုံးမှန်းခြေငွေစာရင်းဆွေးနွေးခြင်းအပြင် တစ်ခြားအဆိုတင်ခြင်း၊ မေးခွန်းမေးမြန်းခြင်းတွေ မရှိပါ။ အစည်းအဝေးမှာ ရှမ်းပြည်နယ် အစိုးရအဖွဲ့တင်သွင်းတဲ့ ၂၀၂၀-၂၀၂၁ ဘဏ္ဍာရေး နှစ်ရသုံးမှန်းခြေအငွေစာရင်းလျာထားချက်ကို ပြည်နယ်လွှတ်တော် ကိုယ်စားလှယ် ၈ ဦးဆွေးနွေးပြီး အတည်ပြုလိုက်ပါတယ်။ လက်ရှိရှမ်းပြည်နယ်လွှတ်တော်ကအတည်ပြုတဲ့ အစိုးရနောက်ဆုံး လျာထားတဲ့ ၂၀၂၀- ၂၀၂၁ ဘဏ္ဍာရေး နှစ်ရသုံးမှန်းခြေငွေစာရင်းမှာ မျှတမှု၊ ပွင့်လင်းမြင်သာမှု တွေမရှိဘူးလို့ နမ်းဆန်မြို့နယ် လွှတ်တော်ကိုယ်စားလှယ်  ဦးအောင်ထွန်းက ပြောပါတယ်။ ရှမ်းပြည်နယ်အစိုးရအဖွဲ့က နှစ်စဉ် လျာထားတဲ့ ရသုံးမှန်းခြေငွေစာရင်းဟာ ဝန်ကြီးတွေရှိတဲ့ မြို့မှာ ဘတ်ဂျက် ပိုချပေးတယ်လို့လည်း လွှတ်တော် ကိုယ်စားလှယ် တွေကဝေဖန်ကြပါတယ်။ ရှမ်းပြည်နယ်လွှတ်တော်မှာ အတည်ပြုလိုက်တဲ့ ၂၀၂၀-၂၀၃၁ ဘဏ္ဍာရေးနှစ် ပြည်နယ်ရသုံးမှန်းခြေ ငွေစာရင်းလျာထားချက်ကို ပြည်ထောင်စုဘဏ္ဍာရေး ကော်မရှင်ထံသို့ ပေးပို့သွားမှာဖြစ်ပါတယ်။ ၂၀၂၀-၂၀၂၁ ဘဏ္ဍာရေးနှစ် ရှမ်းပြည်နယ်၏ ရသုံးမှန်းခြေ ဘဏ္ဍာငွေစာရင်းလျာထားချက်မှာ သာမန်ရငွေ ကျပ်သန်းပေါင်း ၅၀,၀၀၀ ကျော်၊ ငွေလုံးငွေရင်းရငွေ ကျပ်သန်း ၀ ဒသမ ၀၂၀ သန်း၊ သာမန်သုံးငွေ ကျပ်သန်းပေါင်း ၁ သိန်းကျော်၊ ငွေလုံးငွေရင်းသုံးငွေ ကျပ်းသန်းပေါင်း ၂ သိန်းကျော်၊ စုစုပေါင်းသုံးငွေ ကျပ်သန်းပေါင်း ၃၃ သိန်းကျော် လျားထားတာဖြစ်ပါတယ်။ သတင်း- ခွန်ရာဇာ
10 months Ago
Up