ရှမ်းပြည်တပ်မတော်

August 17, 2022

ရှမ်းပြည်တိုးတက်ရေးပါတီ(SSPP) တည်ထောင်ခြင်း ၅၁ နှစ်ပြည့်အထိမ်းအမှတ်ကျင်းပ (ဓာတ်ပုံ)

ရှမ်းပြည်တိုးတက်ရေးပါတီ(SSPP) ထူထောင်ခြင်း ၅၁ နှစ်ပြည့် အခမ်းအနားကို ရှမ်းပြည်နယ်တောင်ပိုင်း၊ ကျေးသီးမြို့နယ်၊ ဝမ်ဟိုင်းဒေသ နမ့်ပန်မြစ်ဘေးရှိ SSPP အထိမ်းမှတ်​ကျောက်တိုင်မှာ ဩဂုတ် ၁၆ ရက်က ကျင်းပပါတယ်။

ရှမ်းပြည်တိုးတက်ရေးပါတီကို ၁၉၇၁ ခုနစ်ကတည်းက စတင်တည်ထောင်ခဲ့တာဖြစ်ပေမဲ့ ရှမ်းပြည်တပ်မတော် SSA ကိုတော့  ၁၉၆၄ ခုနှစ်မှာ စတင်ထူထောင်ခဲ့တာဖြစ်ပါတယ်။

6 months Ago

August 8, 2022

စစ်သုံ့ပန်းနှင့် သတင်းပေး စုစုပေါင်း ၂၄ ဦးကို RCSS/SSA က ပြန်လွှတ်ပေး

ရှမ်းပြည်ပြန်လည်ထူထောင်ရေးကောင်စီ/ရှမ်းပြည်တပ်မတော် RCSS/SSA က သူတို့ဖမ်းထားတဲ့ စစ်သုံ့ပန်းနဲ့ သတင်းပေးသူ စုစုပေါင်း ၂၄ ဦးကို ပြန်လွှတ်ပေးလိုက်တယ်လို့ RCSS ရဲ့သတင်းဌာန Taifreedom news က ထုတ်ပြန်ပါတယ်။ 

ပြန်လွှတ်ပေးလိုက်တဲ့ ၂၄ ဦးထဲမှာ ရှမ်းပြည်တိုးတက်ရေးပါတီ/ရှမ်းပြည်တပ်မတော် SSPP/SSA စစ်သုံ့ပန်း တပ်သား ၁၃ ဦး ၊  SSPP/SSA အားသတင်းပေးသူ ၅ ဦး ၊  SSPP/SSA တပ်ဖွဲ့ဝင် ၅ ဦးနဲ့ တအာင်းအမျိုးသားလွတ်မြောက်ရေးတပ်မတော်TNLA တပ်ဖွဲ့ဝင် ၁ ဦးတို့ပါဝင်ပြီး လွတ်မြောက်ခွင့်ပေးတဲ့ အခမ်းအနားကို RCSS/SSA ဌာနချုပ်လွိုင်တိုင်းလျန်းမှာ ဩဂုတ် ၆ ရက်  မနက်က ကျင်းပခဲ့ပါတယ်။

ဒီအခမ်းအနားမှာ RCSS/SSA ဒုဥက္ကဋ္ဌ ဒုဗိုလ်ချုပ်ကြီးစိုင်းယီက လွတ်မြောက်လာသူတွေအနေနဲ့ ခံဝန်ကတိကဝတ်တွေပေးစရာမလိုကြောင်း၊ ကိုယ့်နေရပ်ကိုယ်လွတ်လပ်စွာပြန်နိုင်ပြီး RCSS ဘက်ကလည်း မိုင်းကိုင်မြို့နယ်ထိပို့ဆောင်ပေးမယ် ၊ တိုက်ပွဲကာလဖြစ်လို့ ထိန်း ချုပ်ထားရတာဖြစ်ကြောင်း၊ ရန်သူတို့ရဲ့ခွဲခြားအမုန်းစကားတွေကြောင့် တိုင်းရင်းသား အချင်းချင်း ရှမ်းပြည်တိုင်းရင်းသားတွေအတွက် ဆုံးရှုံးမှုဖြစ်ပြီး ပြည်သူတွေလည်းဒုက္ခများစွာကြုံရတယ်လို့  ပြောသွားပါတယ်။ 

ရှမ်းပြည်နယ်ထဲမှာ  RCSS  နဲ့  SSPP ၊  TNLA တို့ ပူးပေါင်းတဲ့ မဟာမိတ်တပ်တွေကြား နယ်မြေစိုးမိုးရေးကိစ္စနဲ့ပတ်သက်ပြီး မနှစ်ကစ တိုက်ပွဲတွေပြင်းထန်ခဲ့ကာ နှစ်ဖက်သုံ့ပန်း  အပြန်အလှန်အဖမ်းခံရတာ၊ ရွာသားတွေလည်း သတင်းပေး၊ ဘက်လိုက်တယ်ဆိုပြီး အဖမ်းခံရတာ ၊ အဓမ္မစစ်သားစုဆောင်းခံရတာတွေ ရှိခဲ့ပါတယ်။

ဒီဩဂုတ် ၁ ရက်မနက် ၅ နာရီက SSPP/SSA တပ်ဖွဲ့ဝင်အင်အား ၁၀၀ကျော်ဟာ လွိုင်လင်မြို့နယ် ဝမ်ကုန်းကျေးရွာထဲဝင်လာပြီး ရွာသား ၂၈ ဦးကို စစ်ဆေးဖို့ ဖမ်းခေါ်သွားကြောင်း ၊ အဲဒီထဲက ၁၅ ဦးကို ညနေပိုင်းမှာပြန်လွှတ်ပေးခဲ့ပေမယ့် ကျန် ၁၃ ဦးကတော့ ဩဂုတ် ၆ ရက်အထိ ပြန်မလွတ်သေးပါဘူး။

ဖမ်းဆီးခံရသူတွေရဲ့ ဘေးကင်းလုံခြုံရေးအတွက် မိသားစုဝင်တွေက လွန်စွာစိုးရိမ်ပြီး အခက်အခဲကူညီဖြေရှင်းပေးဖို့ လွိုင်လင်မြို့နယ် ရှမ်းတိုင်းရင်းသားများဒီမိုကရေစီအဖွဲ့ချုပ်ထံ လာရောက်တိုင်ကြားထားတယ်လို့ လွိုင်လင်ဒေသခံ တယောက်က ပြောပါတယ်။

Photo Credit- Taifreedom news

6 months Ago
More News
Up