ရွှေ့ပြောင်းအလုပ်သမား

May 18, 2022

မြန်မာရွှေ့ပြောင်းလုပ်သား မိသားစု ၂ စု ထိုင်းထီ ပထမဆု ဘတ် ၆ သန်းပေါက်

ပြီးခဲ့တဲ့ မေ ၁၆ ရက်က ထွက်သွားတဲ့ ထိုင်းထီပထမဆု ဘတ် ၆ သန်း ပေါက်ဂဏန်း ၁၅၅၀၁၂ ကို ထိုင်းရောက် မြန်မာရွှေ့ပြောင်းအလုပ်သမား မိသား ၂ စုလည်း ပေါက်သွားခဲ့ပါတယ်။

ပထမမိသားစုမှာ ထိုင်းမြောက်ပိုင်း ချင်းမိုင်ခရိုင်၊ ဖှန်မြို့နယ်ရှိ လိမ္မော်ခြံတခြံက အလုပ်သမား ဖြစ်ပါတယ်။

ထီပေါက်သူမှာ နန်းဖိုင်း ခမ်းဖီးဆိုသူ ရှမ်းအလုပ်သမား ၁ ဦးဖြစ်ပြီး စိတ်ထားကောင်းတဲ့ အလုပ်ရှင်က ရဲဖှန်ရဲစခန်းမှာ လာရောက်သတင်းပို့ပေးခဲ့တဲ့အပြင် သူတို့အတွက် ဘဏ်စာရင်းဖွင့်ပြီး ဆုငွေပါ ထုတ်ပေးခဲ့တယ်လို့ ခေါဝ်ဆွတ် ထိုင်းသတင်းမှာ ဖော်ပြပါတယ်။

လူမှုကွန်ရက်မှာတော့ နန်းဖိုင်းတို့ မိသားစုဟာ ရှမ်းပြည်အရှေ့ပိုင်း မိုင်းပျဉ်းမြို့နယ် မိုင်းပူးအွန်ကျေးရွာက လာတယ်လို့ ဆိုကြပါတယ်။

ထိုင်းထီ ပထမဆု ၆ သန်းပေါက်တဲ့ နောက်မိသားတစုကတော့ မွန်ပြည်နယ် မုဒုံမြို့နယ် ဝက်တဲကျေးရွာက မိသားတစုဖြစ်ကြောင်း Yarmanya Times မှာ ဖော်ပြပါတယ်။

သူတို့မိသားစုနဲ့ ပတ်သက်တဲ့ အကြောင်းအရာ အသေးစိတ်ကိုတော့ မသိရဘဲ လူမှုကွန်ရက်သတင်းအရ ထိုင်းမှာ ပန်းရံအလုပ် လာလုပ်နေတာလို့ သိရပါတယ်။

1 month Ago

May 17, 2022

ထိုင်းတွင် ရွှေ့ပြောင်းအလုပ်သမား ၃၀ ကျော်တင်လာသည့်ဘတ်စ်ကား မီးလောင်

ထိုင်းနိုင်ငံအနောက်မြောက်ပိုင်း၊ ကန်ကျနပူရီခရိုင်၊ ထာ့မုန့်မြို့နယ်ထဲမှာ မတ်လ ၁၆ ရက်က  အလုပ်သမားတွေကို အကြိုအပို့လုပ်နေတဲ့ဘတ်စ်ကား ၁ စီး မီးလောင်သွားပြီး အလုပ်သမားတွေကတော့ ထိခိုက်ဒဏ်ရာရတာမရှိဘူးလို့ ထိုင်းသတင်းမှာ ဖော်ပြပါတယ်။ 

အဆိုပါဘတ်စ်ကားဟာ ထာ့မကာမြို့နယ် ဗိုက်တာဖုဒ့်သစ်သီးစက်ရုံက အလုပ်သမားပေါင်း ၃၀ ကို လုပ်ငန်းခွင်သို့ ပို့ဆောင်ပေးရန် သွားကြိုလာစဉ် မနေ့မနက် ၇ နာရီကျော်က နောင်တတ်ယာ့နဲ့ ဘန့်ဖန်းလွန်းရပ်ကွက်ကြား ဟွေ့လိုက်ကျောင်းအရှေ့မှာ မီးလောင်သွားတာလို့ နယ်မြေခံရဲတပ်ဖွဲ့ တာဝန်ရှိသူက သတင်းထောက်ကို ပြောပါတယ် ။

ယာဉ်မောင်းသူရဲ့ပြောပြချက်အရ  အရင်ဆုံးကားထဲကနေ ညှော်နံ့တွေရရှိကြောင်း၊ အဲဒီနောက်ကား အောက်ပိုင်းကနေ မီးခိုးတွေစထွက်လာလို့ ကားရပ်လိုက်ပြီး အလုပ်သမားတွေကို အကုန်ဆင်းခိုင်း ကာကယ်ဆယ်ရေးအဖွဲ့နဲ့  နီးစပ်ရဲရဲစခန်းကို  ဆက်သွယ်ခဲ့တယ်လို့ ဆိုပါတယ်။ 

ကယ်ဆယ်ရေးအဖွဲ့နဲ့ ရဲတပ်ဖွဲ့ဝင်တွေက မီးသတ်ကား ၄ စီးနဲ့ နာရီဝက်ကျော်ကြာ မီးငြှိမ်းသတ်ပေးခဲ့ပေမဲ့ ကားကတော့ တစီးလုံးရစရာမရှိအောင် လောင်ကျွမ်းသွားပါတယ်။ 

ကားမီးလောင်မှုမှာ စက်ချို့ယွင်းမှုလို့အကြမ်းဖျင်းသတ်မှတ်ပြီး ဆက်လက် စစ်ဆေးဆဲပဲလို့ ဆာမ်လောင်းနယ်မြေ ရဲတပ်ဖွဲ့က ပြောပါတယ်။ 

အဆိုပါ ဗိုက်တာဖုဒ် သစ်သီးစည်သွပ်ဘူး ထုတ်လုပ်ရေးစက်ရုံမှာ အလုပ်သမားထောင်ကျော်ရှိပြီး အများစုမှာ မြန်မာရွှေ့ပြောင်းလုပ်သားတွေ ဖြစ်ပါတယ်။ 

1 month Ago
More News
Up