ရွှေဝါရောင်ဦးဆောင်သံဃာ ဦးစန္ဒာသီရိ

March 20, 2021

ရွှေဝါရောင်ဦးဆောင်သံဃာ ဦးစန္ဒာသီရိကို ပုဒ်မ ၅၀၅(က)ဖြင့် အမှုဖွင့်

၂၀၀၇ ရွှေဝါရောင်တော်လှန်ရေး ဦးဆောင်သံဃာတော် ဦးစန္ဒာသီရိကို အာဏာသိမ်း စစ်ကောင်စီအကြမ်းဖက်အဖွဲ့က   ရာဇသတ်ကြီး ပုဒ်မ ၅၀၅(က)နဲ့ အမှုဖွင့်အရေးယူထားပါတယ်။

ဦးစန္ဒာသီရိ (ခေါ်) ဦးဇင်းပုရစ်နဲ့ အတူ ဦးတင်မိုးတို့ကို မတ်လ ၁၃ ရက်နေ့က ရန်ကုန် သင်္ဃန်းကျွန်းမြို့နယ်မှာ အာဏာသိမ်းစစ်ကောင်စီရဲ့ လက်နက်ကိုင် တပ်ဖွဲ့ဝင်တွေက ဖမ်းဆီးခဲ့တာပါ။

ဦးစန္ဒာသီရိနဲ့ ဦးတင်မိုးတို့ဟာ ရွှေဝါရောင်သံဃာ့ကွန်ရက်(မန္တလေး)၊ ၈၈မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း၊ ဆိုရှယ်ဒီမိုကရက်တစ်ညီညွတ်ရေးတပ်ဦးတို့နဲ့ ချိတ်ဆက်ကာ CDM လှုပ်ရှားမှုမှာ သံဃာတော်တွေ ပါဝင်လာစေရန် လုပ်ဆောင်ခဲ့တယ်ဆိုပြီး တရားစွဲခံရတာဖြစ်ပါတယ်။

9 months Ago
Up