ရွှေဘိုPDF

May 17, 2021

အကြမ်းဖက်စစ်ကောင်စီတပ်များ ရွှေဘိုမြို့မှအမြန်ထွက်ရန် သတိပေး

အကြမ်းဖက်စစ်ကောင်စီတပ်တွေနဲ့ စစ်ကောင်စီထောက်ခံသူတွေ၊ ဒလန်တွေ ရွှေဘိုမြို့ကနေ အမြန်ဆုံး ထွက်သွားဖို့ ရွှေဘိုပြည်သူ့ကာကွယ်ရေးတပ်က မေလ ၁၇ ရက်နေ့မှာ သတိပေးချက်ထုတ်ပြန်လိုက်ပါတယ်။

စစ်ကိုင်းတိုင်း ရွှေဘိုမြို့မှာ PDF က စစ်ကောင်စီတပ်ဖွဲ့ဝင်တွေ၊ ထောက်ခံအားပေးကူညီသူတွေနဲ့ ဒလန်တွေကို မတ်လ ၁၆ ရက်နေ့မှာ ပြောက်ကျားတိုက်ခိုက်ရှင်းလင်းတာတွေ စတင်ဆောင်ရွက်နေတယ်လို့ ရွှေဘို PDF တပ်ဖွဲ့ဝင်တစ်ဦးက ပြောပါတယ်။

ရွှေဘိုမြို့က စစ်ကောင်စီပိုင် စီးပွားရေးလုပ်ငန်းတွေအားလုံးကိုလည်း မေလ ၁၇ ရက်နေ့မှာ စတင်ပစ်မှတ်ထားတိုက်ခိုက်နေတယ်လို့ ဆိုပါတယ်။ 

စစ်ကောင်စီအနေနဲ့ အကြမ်းဖက်လုပ်ငန်းတွေကို မရပ်တန့်ဘူးဆိုပါက ရွှေဘိုလူငယ်တွေက အမျိုးသားညီညွတ်ရေးအစိုးရ၊ တိုင်းရင်းသားလက်နက်ကိုင်အဖွဲ့တွေနဲ့ပူးပေါင်းပြီး တိုက်ထုတ်မယ်လို့လည်း ဆိုပါတယ်။

ရွှေဘိုမြို့ခံပြည်သူတွေအနေနဲ့ ဘေးကင်းလုံခြုံရေးအတွက် ဂရုစိုက်ကြဖို့ မလိုအပ်ဘဲ အပြင်မထွက်ကြဖို့ စစ်ကောင်စီနေရာယူထားတဲ့ ဘဏ်၊ ရုံး စတဲ့နေရာတွေအနီးကို မသွားဖို့ ရွှေဘို PDF က သတိပေးတိုက်တွန်းထားပါတယ်။

7 months Ago
Up